你已經浪費左人生6年時間，仲唔夠？
止蝕離場啦，女人青春好有限
望下你身邊d朋友，放工同老公一齊返屋企，一齊睇電視煮飯仔湊BB一齊goodnight kiss第二朝一齊起身morning hug一齊同屋企人飲茶，你唔羨慕呢d正常生活咩？
你而家抽身仲趕得切。諗清楚自己人生想要咩，唔好去到60歲先後悔當年同件垃圾一齊渾渾噩噩咁hea左10幾年，先得返自己一個傷心。
妳值得擁有一個好愛妳既男人，好快會與到佢 ; 而家要愛自己多 d ，祝福妳
就趁今次佢冇覆你，你都唔好再send msg搵佢，block鬼埋佢，係你嘅生活中delete左佢，慢慢你會忘記到佢，開頭可能會好辛苦因為會掛住佢，但漸漸你出去識下人搵下自己嘅興趣，再回頭睇返就知道自己係幾咁傻
4個讚
如果我係個前妻，既然離婚一定會叫Ex搬出去，大家每星期輪流照顧小朋友就算
如果唔係我點搵第二春？呢個case仲要離婚六年都一齊住⋯⋯
有得揀，最好唔好搵有小朋友嘅男朋友，好多嘢都會變得複雜咗
5個讚
如果我有個女，我一定會唔想佢嫁個有細路嘅男人
7個讚
過時過節有冇陪你過？
真係除非已經45打後，否則絕不會揀有仔女離左婚嘅男人，個前妻一定係一世都斷唔到，仔女亦都永遠係個女仔之上
4個讚
就算佢唔係離婚男乜乜實實，淨係對你咁已經飛得啦
1個讚
最大可能係根本未離婚，可能之前有傾過離，但最後冇離到，先至會繼續一齊住
我有個同學對父母係咁
佢中學先知父母一早離咗婚
佢好大打擊，覺得俾人呃咗咁耐，所有嘢都假嘅
搞到佢有情緒病…
昨天睇張寶華YouTube, 佢話女人遇上賤男最傷心係女人嘅父母！如果你父母知道個女遇上賤男仲唔死心，一定非常傷心
！
1個讚
連你生日都唔記得？咁佢愛你有限，不如及早放手搵過另一個
3個讚
樓主有冇見過男朋友父母或者係佢嘅小朋友？
無….因為小朋友同佢屋企人唔知佢離左婚，佢話唔會同屋企人交代
其實所有表現都只是講明，
He’s just not that into you/ you’re not the one.
唸起一位朋友嘅故事，
又係單親爸爸，
初初以妻子過身一年左右，
不想自己同亡妻家人知道咁快就拍拖，
拍拖拍到只可以等子女瞓晒覺先出嚟。
幾年後，朋友不想再做影子女友，
吵了幾次架，總算有帶友人同父母子女相處，
但就係不特別把她記掛。
講明子女父母是生活重心，
又話之前婚姻生活都不會記掛同慶祝節日，所以唔太懂得點慶祝。
友人係非常有儀式感的人，
奈何大時大節男友不會相伴是閒事，
連生日、紀念日等男友都未必記得/出現慶祝到，何知會有幾傷心失望。
已吵了很多次，男的偶爾會補做返，
但更多的是不回應和等友人下了氣主動找他。
最後，男的暪住朋友，網上識左另一個女仔。
做齊晒朋友一直渴望男友會做的，
更在半年內閃婚，把新女友迎娶回家。
回望番，唔係男友有咩難題，只是他未夠喜歡到想為她做嘢。
呢個同婚姻狀態、拍拖時間幾耐都冇乜關係。
13個讚
如果係咁即係問題喺我身上，唔夠值得佢愛….
我會覺得係唔夾，同您自身條件無關。
以我朋友為例，
她自己條件不錯，性格、外貌、學識、事業、車、樓等都有齊，一直不乏追求者。
我哋當年都以為她是同學圈中，最快出嫁個位。
只是最黃金嘅六七年俾錯人，
到佢再單身嘅時候，外在條件和她相約的，都已成家立室。
9個讚
我都有個中學同學
中學時倒追個男仔 (都係佢同班同學)
結果一齊左
中學同學當然係死心塌地啦
個男既又係大男人
一個唔高興就嗌交呀冷戰呀咁
又係要中學同學主動示好
一齊去日本旅行
開始講左住宿機票果d AA既
結果係中學同學俾錢俾埋佢果份
(中學同學都唔係有錢, 中學畢業後打份文員工, 不過有儲少少錢咁, 賤男中學畢業後當時仲讀緊asso, 但事後多年一直無俾番佢果份錢俾中學同學)
最後離離合合左幾次拖左好幾年咁啦
賤男後來有第二條女
佢先終於死心識第二個男朋友
1個讚
好老實, 你愛佢多於佢愛你好多, 診後生搵過另一個更好。
樓主睇你回覆留言你嘅性格都應該唔錯
人生總會遇上幾個仆街
如果佢真係未離婚，你及早走人會執返身彩
真係要同有小朋友嘅男人結婚，好多嘢你都要忍同複雜好多
我朋友嫁咗個離咗婚有兩個小朋友嘅男人
個男人每逢五六日就要照顧小朋友
拍拖時朋友主要都係weekday約會
週末都係留返比個男人家庭樂
最多有時同啲小朋友食餐飯咁
個男人有事業成熟，我朋友就嫁咗俾佢
都嫁咗一齊住，朋友就開始頂唔順每個週末都要見到嗰兩個小朋友
間屋執到幾靚嗰兩個小朋友一嚟就整亂晒
都有自己個小朋友又會同其他嗰兩個有拗撬
結咗婚幾年就開始去婚後輔導
最後結婚五年就離咗婚
最好笑係個男人同我朋友講
「呢兩個小朋友係我嘅package,你婚前已經知道，做咩婚後先話頂唔順？」
8個讚