有冇離婚已經唔係重點，重點係佢對你有冇愛。
你自己都講得出佢點對你，呢啲係咪愛，我諗你自己都清楚。
比人呼之即來揮之即去感覺一定好難受，你試吓自己調返轉頭諗，你捨唔捨得咁對自己愛嘅人，就知自己依家係乜位置。當段關係有一邊已冇愛，仲要連一紙婚書責任都冇，仲行得幾遠？
8個讚
離唔離婚都唔係重點
重點係佢認為你可有可無
喺個男嘅角度，免費free lunch自動送上門做乜唔食？
唔係個男嘅冷暴力你，係你自己甘於做「悲劇」女主角啫
其實你唔止係女主角，直情係自編自導自演，你一日唔肯改劇本，一日都繼續「悲劇」落去
3個讚
唔俾係假咩，你只係望一眼，你點證實係真，再者樓上都講得岩，有冇離婚都唔係重點，重點係佢根本唔重視你，冇中意過你呀
2個讚
仲有，咩叫「愛」個男人？
令佢開心係咪等如「愛」？
如果係的話，你唔喺佢身邊佢一樣咁開心
不如直接離開佢令佢更開心！？
諗清楚咩係愛
樓主本身係咪有其他背景，令自己扭曲價值觀認為咁就係愛
真心建議先處理好自己，重新認識自己愛自己
坊間有好多不同形式嘅心理治療、情緒治療、催眠治療等
想走出困局不如試吓行出一步？
咁已經夠啦，即係你係佢心目中地位…結咗婚係埋一齊都未必係好事
共同申請書，咁你見過張絕對離婚令未？
不過好似上面啲sis話齋，有冇離已經唔係最大問題，你已經用咗六年係呢個男人身上面，如果係開心都算仲要唔係，唔好擺到自己位置咁低，愛你嘅人唔會俾你咁卑微，正常關係唔會係咁，係時候止蝕啦，你仲有幾多時間可以浪費？
記住要愛自己多啲
10個讚
佢對你有幾好呢？我堅睇唔到
1個讚
其實你只係小三一名
1個讚
係喎。
咁無必要離婚
申請書啫
咁而家成功咗未先?
可以一問嗎？
你哋見面做乜多?sex only?
做咩咁作賤自己呀？同佢分手揾過第二個啦。
不過通常呢啲組合都係一個願打一個願捱。
2個讚
我都覺！點解離左婚繼續同前妻住？正常男人肯女人都唔肯就算有小朋友都會分開任，唔係有小朋友就乜都可以！淨係呢一點已經覺得個男人話大話，仲未計其他！
4個讚
呢個世界冇男人咩，佢識轉彎咖？佢開金鋪咖？ 佢幾千萬未開頭？ 呢條友前妻住， 郁d 就唔理妳。 佢完全控制妳喜怒哀樂。點解要做到咁。 唔好攪到咁cheap. 恕我直言。 但真係睇唔到佢有幾愛理，呼之則來，揮之則去
1個讚
你好傻，但我都曾經好似你咁，但我醒左喇
老土d講一句要人愛你，或你要愛一個人，先要學識愛自己
雖然老土但真係好岩既一句話
放手吧
為左仔女仍然要同住？ 其實已經係笑話
仔女一世係仔女，咁佢諗住同住一世？咁學咩人離婚學咩人去擁有你？你有諗過你自己將來嗎？再走落去。究竟點街落去？
仲要每次嘈交都咁。。。。真係。。你好作賤自己
4個讚
小三都不如,可能只係sp
8個讚
對自己好啲，放手啦。
搵個識得珍惜你嘅人
話同前妻因為仔女而一齊住⋯⋯ 其實係咪講大話根本未離婚？
1個讚
我以前同ex分手都要生要死，而家望番轉頭，舊嘅唔去新嘅唔嚟，我後悔當年自己浪費咗好多時間喺賤男度！
4個讚
同意其他sis所講，就算佢同你講嘅野係真都好，呢個男人畀唔畀到你想要嘅將來你啊？既然你係想結婚嘅，咁佢好明顯唔會畀到你,咁何必浪費自己時間喺啲冇希望嘅人身上？我寧願分手去賭多鋪博一個愛自己嘅男人番黎，起碼機會仲大啲。。
2個讚