來左已約一年，小朋友係呢邊讀書，真係天堂。
我囡小六，唔洗唱國歌，唔洗睇升𣄃，唔洗背書默書，唔洗背大書包，唔洗學各安法。我囡仲話有次上堂係講world War II, 老師講述完點解有2戰，跟著揾了個同學既祖父來學校，親身講述當時的情況，我囡話聽到好精彩。
其實都有測驗考試，不過係當上堂練習test小朋友.
大人當然冇香港生活多姿多彩，鐘意夜生活就會覺得悶，始終呢邊冇香港咁多朋友。食都係一日煮3餐，超市食物又平又靚。
呢家呢邊係春夏天，日長夜短，開始多好多活動，星期六日有carboot,.市集，睇櫻花，農場，動物園，公園，餵松鼠，鴨仔…搞花園
15個讚
8,90s年代嘅舊香港味可能去外國先揾得返
啱離開香港好掛住d嘢食，一年後開始忘記左咁，連係屋企自己整都冇興趣。乜鬼義燒，燒肉，蛋撻，雲吞。。。冇係屋企整過，唔掛住了
反而韓式，日式，泰越河粉會諗起一下
優缺點都是跟個人 priority
1個讚
當初帶住無奈 不捨 少少氣憤咁走
未住滿一年 但都ok
因為唔想亂識香港人(唔知乜頭乜路 香港人唔一定黃),所以熟既都係左右鄰居
小朋友有得返學 有群體生活 唔駛戴口罩
春天 開始學下打理花園 好有成功感
無夜生活 通常放假去公園 踩下單車 散下步
出街食真係唔捨得,間中一次半次
好彩慣左自己煮野食,所以食既無乜問題
最唔慣
呢度啲人做野好慢,好似等運到,唔催得
黑仔既我仲遇過無乜負責感仲攪到一pat屎既人
學校好落後
仲會用sms通知家長
話開發緊個sch app 但等極都無
1個讚
我見呢邊好多香港人會出中餐館食點心，好彩我向來對點心冇乜興趣 
掛少一樣
班香港人仲要3am起身，幾家人一齊揸車去市中心個5點嘅鮮魚市場，話啲魚好靚喎… 可能佢地真係太得閒
我去超市食三文魚柳算
我都見到，好癲呀
睇相又唔覺好吸引
我出市中心街市買魚都係 20mins，不過對新鮮海鮮興趣已經遞減。由最初每星期去，而家已經兩三個月冇去，唔會特登去買新鮮海鮮。
可能佢地想去某個好遠嘅街市，所以先要一早起身去啫
係英國住咗一年，已經習慣唔再為食。出去 £1x 食個普通港式茶餐廳炒飯炒麵，不如食其他嘢重好味
我係街市買d普通魚，£12 3條返來整泰式焗魚又幾好食。呢邊 d 魚唔係生劏，但買返黎放完冰格再拎返出來焗，感覺上都鮮甜過香港街市生劏嘅養斑
1個讚
[quote=“MargoYork, post:60, topic:62822, full:true”]
加速ok，但唔ot
我覺得純粹貪得意
去一次夠
我鐘意呢d
餓媽卡些為例，平貴/ 私房食過 ，新鮮直送咪急凍，好得過當地
可能搭飛機即日來回感覺仲好
我係調職順便移民一年多啲，之前大部分時間work from home, 剛剛改返100% work from office. 工作文化無OT, family time 多左。
小朋友讀國際學校，學費比香港讀國際時平，設施無香港既豪麗，但小朋友話老師好過香港。
課外活動平好多，教練都係前中國國家隊，質素差不多，但設施完善好多。
住屋環境比香港大，屋苑泳池，gym 全部唔駛額外比錢。
我住新加坡，食材不大分別，出街食同香港差無幾，可能始終新地方有新鮮感，所以每星期都同老公去揾食。
我本身係呢度工作左好多年，所以有好多本地朋友，而家又識多左班香港人，所以有時放工又會同朋友飲下野。
老公放低左香港既生意陪我過嚟，收入少左，不過生活質素分別不大，無左工人，但又唔算辛苦。
唯獨是多蚊，好曬同時晴時雨好麻煩。
整體嚟講都算生活愉快
2個讚
佢地好搞笑，4:58仲覆緊email，轉頭5點已經撻著架車走人
2個讚
聽到都好眼瞓
不過又好難怪嘅，comfort food 的確係可以幫人渡過難過嘅時候
Supermarket 魚檔果d 有冇內臟同scale ?
難得佢放低生意陪你
我去 supermarket 係買一份份切好嘅魚
去街市先會買原條，佢會即場清洗切內臟，好似香港咁