我仲未溫theory test，已經pend左2個月
自己"了"人，我都係咁
問下路，揸車，uk有乜玩，講下劇
1個讚
完全get 唔到個笑點
我睇modern family 佢攞d 人物嚟笑唔會明，唔係香港人都好難明周星馳
1個讚
我呢幾年先識得享受天氣好嘅時候，香港太熱，夏天最好去有冷氣嘅地方，除非去到好偏僻，沙灘又唔靚。
移民後經歷過冬天，暖返d 一得閒就去戶外，嗰種享受同開心係喺香港未感受過。
5個讚
我覺得同本地人普通溝通係冇問題，佢地一般都會就番我地講慢少少同講白少少。但例如一班人傾計（同事、同學），佢地會講番本地人先會知既笑話、用語，又講得快，咁我地就真係聽唔明同搭唔到咀。
1個讚
我仲有兩星期就考 一諗起溫書就想訓
1個讚
係 我而家一見有太陽就會行下 個心情係開心好多
2個讚
搭到就搭囉
我同同事傾計，其他同事聽到都會搭嘴
可能我地冇乜羣香港人，身邊主要係本地人
有時我會問 d 細路如果聽唔明同學講嘢點反應好 
呢個似香港唔同年齡層傾唔埋咁
我地一家大細又覺得同本地人溝通冇乜問題
後生英國同事傾韓劇，師奶傾仔女。大圍傾下電費，油價，去邊玩，天氣
細路同學邀請佢去 sleep over, 傾animated，一齊扮靚做 mask，即語言溝通冇問題啦
但就一齊出街嘅本地同香港朋友都冇識到，都係閒時傾兩句
1個讚
加油
上個月我都考左theory 兩次、原來路面情況係仲難
1個讚
我鍾意咗睇bbc節目。當我get到啲本地笑料時好有滿足感。
例如top gear串Surrey人行步路都posh啲。Dr Who寸Cardiff 唔係人去嘅。仲有套卡通笑英國嘅迴旋處
4個讚
唉，呢樣真係 
我有時諗，如果唔明英國同事傾乜乜文化。咁我將香港文化帶比佢地，我同佢地講我 d 嘢
請細路的英國同學來我地屋企，互相了解
我地冇羣香港人，就必然要同本地人溝通，好自然係咁
1個讚
唉，呢個又係落差。有人做得好嘅，好似農夫Wong咁。
不過我係做唔到嘅，講幾句我埋唔到堆，人地就唔理我。
我主動撩白人家長傾計，佢地會打個突；但亞洲人家長會撩我傾計。
請細路嘅英國同學嚟我屋企，根本無嘢傾，好老尷，好彩只係小朋友。
不過和非白人溝通係順利好多。白人嘅話，暫時只有教會嘅人會理我。
1個讚
細路傾得埋米得，大人係waiter only，服侍得班細路開心就得，唔使你埋堆講嘢，阿嬸
話題嘅嘢，雖然多數係被動，但有時可化被動為主動。咁人地禮貌上會應酬下你。
1個讚
再強調一下呢個係我個別嘅情況，其他香港人我睇都幾順利。
我小朋友都無嘢同人地講
我小朋友英文係母語都無用… 無識到朋友，生日會都唔知點算…
話題嘅嘢，因為我太格硬去融入，可能講錯咗好多嘢 ，老公叫我唔好再格硬去融入，講錯仲衰過唔講。
1個讚
我都覺得同本地人做極都係表面朋友，文化差異，唔易搵共同話題，傾貓經除外，但前題係對方都要有養貓，或者喜歡貓！
1個讚
經歷過好凍，日短夜長嘅冬天
就會明白點解外國一到夏天個個都淨係要放長假唔會想返工
要返工通常三點左右就放工
人人都只想攤喺太陽底下享受太陽
呢樣係怕熱嘅我以前喺香港從來都唔明白㗎 
2個讚
其實真係睇本身性格係咪外向多朋友，上次咪話我細路唔識英文但多朋友。
我都係哩類型，無刻意但係度都多朋友。
我無同佢地傾本地話題，因為唔識也唔覺得有趣。
勉強講自己無興趣既野只會令聽者沉悶。
我主要講東方古文化，東西方烹飪技巧，打機，體育運動，家居DIY技巧等。
佢地經常傾到唔願走，但其實我唔太喜歡熱鬧的。
係香港時，我都面對同樣煩惱，唔想有太多朋友。
2個讚