有冇興趣分享上網課見過既搞笑野

暫時未諗到…諗到再講

我啲狗成日俾我女抱住一齊上網課,唔搞笑,我自己覺得好笑咋

3個讚

有一次我個仔既同學問班主任幾歲,班主任問你哋覺得,學生即刻答:30幾!班主任好大反應,下?乜我似咁老?(其實佢應該係fresh grad)之後其他學生話:25!20!18歲:joy:

題外話,晤係上網課,我有一次都差啲賴野,同老細開會,我個仔入嚟見到問:點解你老細咁核突?無頭髮?點解佢無頭髮:sweat_smile:好彩mute左咪

8個讚

我女(小一)佢哋上堂要mute,老師叫答問題先自己開

有日常識科老師想開video 比佢哋睇
搞左陣之後,有得睇但冇聲
老師好迷惘「哎呀,咁點呢~」

其中一個同學9秒9開咪「老師!你係咪冇㩒分享聲音啊?!」(想像下少少招積既聲音)
老師,㩒㩒㩒,「係喎」

我咁岩係隔離,笑死我!(笑點低)
但個同學反應勁快,仲中point,好心水清咩原因,我覺得超好笑:joy:
同時,我女on居居唔知發生咩事咁:smiling_face_with_tear:

4個讚

Shu….崩口人忌崩口碗:joy:

細路仔唔講大話:+1:

第五波剛開始果時,老師wfh,學校只維持最少人手
平時早會老師會同學生一齊跳舞,大家主要係睇學校個主畫面跟住跳,點知有日突然斷線,wfh既A老師即時執生,將個波拋俾wfh既B老師,話叫大家睇B老師跳,我記得當時見到B老師面露一下尷尬神色

1個讚

笑死,好彩聽唔到,聽到變驚嚇

有d學生問老師點解著睡衣褲:joy:
不過我又見唔到,唔知係真唔係

難得小一就可以咁心水清。呢個小朋友應該都好讀得書。

1個讚

我開會時抱住d 狗出鏡,大家都會醒哂,似乎大家生活都太苦悶 ^^"

2個讚

笑左出聲

有次完晒所有課堂,老師未強制關zoom, 有個女同學叫住我小二細仔唔好離開,不停取出公仔,玩具比我仔睇,我仔又扮cool, 每睇完一樣就話要走
我見玩得咁開心,我又不停攞啲毛公仔出黎比個女同學睇(只是公仔入鏡,影唔到我)大家互相分享,女同學見到又很開心,但我仔就每次見我取一隻公仔出來入鏡,就搶去一隻掉走,不過我有大量存貨:rofl::rofl:
到最後,女同學問我仔是否有個家姐,可能佢覺得只有小朋友才會咁無聊:grin:

有次我女病咗,又有精神搞搞震,我唯有閂咗鏡頭,突然俾人叫咗我team 人問問題,又個個唔生性無人出聲,我唯有講嘢啦,head 問我可唔可以開返鏡頭先,然後大家見到我個女成個人打橫伸到直一直俾我雙手抱住咗,大家係咁笑,我say sorry 解釋,head 即刻話明白嘅。

2個讚

:joy:亜媽破壞哂細仔個形象啦

1個讚

該主題在最後一個回覆創建後90天后自動關閉。不再允許新的回覆。