關閉多時的海洋公園今日(21日)正式重開，大批市民於早上9時許已在園外排隊等候入場。據了解，以公園入場容量一半為上限，今天網上預約已爆滿，首日復開人數約1.8萬人。
帶同子女同來的陳太表示，自己及9歲半兒子已打針，有感小朋友困家許久，故得知樂園重開便急不及待到訪，笑指兒子已鎖定園內一眾機動遊戲，尤其過山車，而她與2歲半女兒會先在園內閒逛，但用膳時會盡量避開人多地方。
中四的陳同學表示，今天樂園比預期中熱鬧，問及會否擔心疫情風險，她笑稱同行的2名友人是康復者，而自己亦已打針，故相信問題不大，反而擔心遊戲要大排長龍。
source: on.cc
個個都怕執輸衝晒入去玩
想問下園內邊度會少人食野? 
好奇點解呢堆小朋友唔洗返學/Zoom既？
仲放緊"暑假"?
放完啦！19/4 完咗啦！
依家返半日學咋?? 如果係, 放學去玩囉…
我剛才睇1點鐘新聞，d小朋友係一開門就衝入去。同埋，既然1點的新聞播出，應該係上午拍的。
咁又係喎
番半日學仲可以去玩
我同仔女睇電視，仲話呢班小朋友會唔會同學校射波，點知新聞就送個大頭俾佢，見證佢入鼻樂園 happy，咁就樣衰到爆了。
好多學校未放完復活節假，通常學校5止放紅日
我仔個暑假未完
下星期先復課
哈~
真係唔奇
以前未有肺炎
都有人會幫仔女同學校請假
帶仔女去旅行 
本來我仔女都係下星期先放完復活節假，
但因為放咗暑假，教育局話 19/4 復課，
學校就改咗 19/4 返學。
我以為全部學校都係咁添！
本來我仔女都係下星期先放完復活節假，
但因為放咗暑假，教育局話 19/4 復課，
學校就改咗 19/4 返學。
我以為全部學校都係咁添！
我見好多小學冇改，都係下星期先開課
有啲學校未完喎, 放埋今星期
上一兩年次次閉園之後重開我都仆到去兩個樂園，海洋公園一年內去咗四次，迪士尼十幾次。
今次重開，厭咗，唔想再去。唔會同人迫，加上啲小朋友大咗，話啲樂園好悶，寧願喺屋企。一個又話要測驗唔去。
我近年去多咗海洋公園，越嚟越唔好玩，次去都睇唔到盈盈樂樂，山頂啲嘢樣樣排成個鐘
有D學校放埋今個星期… 放到23號… 25先返學
學校長假期去，機票貴啲
同埋可能有啲家長份工就唔到學校假？
幼稚園請假應該冇乜所謂
小學就…始終小朋友已經明事理
op 同disney ja wo, 點值得射波呀