如果我想小朋友喺K2中間走，到時佢係咪叫做插班Year 1?最遲可以幾時申請入學？同埋可以請教下邊度可以搵到school capacity知道有無超收呢，謝謝大家
讀邊級視乎小朋友幾多月出世，詳情可以睇返呢個入學年齡對照表 - JC in UK 英倫生活記: 英國入學出生年份表 (2020, 2021 及 2022年)
插班幾時都可以申請，school capacity喺locrating比錢就有得睇，又或者電郵問部分學校都會答，但只代表當刻狀態。
1個讚
如果我想Year 1 9月開學，咁都係隨時申請嗎？
你有住址證明報council就得，申請學位時要填新地址入住日期，我嗰邊council收到派位後一個月內要去學校報到，當時先再同學校傾幾時正式返學。
不過區區council、間間學校唔同，有D係assume你收到派位後盡快返學。如果你想早D報、九月同其他小朋友一齊開學的話就預學校放暑假前一個月至個半月報，因為學校放假係確認唔到學位嘅，如果唔介意九月返學但唔係同日開學就8-9月先報都OK。
1個讚