唔係，我係話除咗聽，我無嘢可以做到
咁即是聽完我唔使比意見。我唔想扮認同，因為有啲嘢明明我覺得佢over 咗都唔可以講，下下乜都表示同意佢仲會更加覺得自己真係走投無路
齋聽仲易其實，我甚至唔使帶腦，但我唔想咁啫
交換日記對我太burdensome ，我唔想
係咪算齋聽呢？因為都好靠你當時評估佢個狀況，亦在乎你地本身關係
以往你講真話時，佢多數係有咩反應？可以簡單講下嗎？
WhatsApp 的話有時會當聽唔到，唔回應果句，回應其他
面對面佢會講佢難處係乜，當然果d全部在我來講都只係藉口
嘩，好似我個 friend ，宜家50歲，20歲時曾有中度精神病，住過院，逐步康復，近幾年都可以做連續 1年至2年嘅 contract 工，正常社交無問題。父母不在，只有哥哥，成日話阿哥阿嫂姪女姪仔對佢唔好呃佢錢。
無錯，成日都話唔開心，好多「但係」。
總之，作為朋友嘅我，呢30年來，睇住佢時好時壞，都無咩可以做，平常心啦，得閒就陪佢講下電話咁囉，就到時間就出來聚下。係要好有耐性。
最緊要唔好被佢影響到你都變負面。
真心佩服願意付出耐性陪伴患有情緒病/精神病朋友既人
30年真係好長好長既時間
你對佢好好
真係不經不覺咁多年，我自己嘅人生都過了幾個關口。
其實佢最差最差嘅時候（住院嘅時候、被阿哥送咗返大陸住嘅時候）我都唔知道咖，佢揾得到我嘅時候，都已經係佢狀態比較好嘅時候。佢每次揾我，少不免心裡覺得佢煩，但其實又有D 替佢開心，代表佢仲係幾好。
在你黎講係藉口，不過對佢黎講可能真係諗極都唔明，諗極都冇答案。
“心動不如行動”，對病患黎講，著實有一定難度
所以，如我開頭所講，佢有返工有返教會，都已經算係社交，呢度我都睇到佢既堅持
有冇更進一步既行動，就睇佢自己幾時有所覺悟
再者，過往聽過唔少例子，病患係靠信仰去搵到內心既一份平安
你唔能夠開口講既真話，上黎呻下都好既
一樣！雖然有時會覺得佢煩，但始終知道佢安好都係開心嘅
1個讚
你講得啱，我唔應該用一個冇病嘅人嘅諗法代入佢嗰度，其實可能對佢來講佢已經好努力
佢好虔誠㗎，我真心希望佢信仰可以帶領佢行一條佢開心舒服嘅路
多謝你呀，你講完我都諗通咗啲