有得揀我都好想做ftm全職陪小朋友, 無奈睇錢份上繼續做
可幸的是我班同事好好, 每日返工都開心嘅 (當然而家wfh就更開心)
又未去到「憎」呢個強烈的情緒。
只係一個不過不失，叫做做到work life balance 及人工可以，前景ok 咁。低潮也經過。抱住做得幾耐得幾耐。
唔敢全面把興趣發展成事業，因為怕為了市場更會消耗了興趣。
因為做呢類專家通常要有phd
就算係神科要讀博士喺香港實俾人笑嘥錢嘥時間
何況係呢類冷門科目
所以而家香港phd只有大陸人
以前啱啱出嚟做嘢好驚青好怕俾人鬧
有段時間每晚一諗到第二日要返工就失眠
而家人大咗心態反而唔同
會努力做嘢但亦都會努力儲錢
耐唔耐睇吓同行有咩筍工同諗定後路
預備定「如果聽日俾人炒咁會點呢」
咁樣壓力反而細咗
工作表現反而好咗
邊個會好鍾意返工？
2019年嘅港産nancy
其實真係有冇人可以實現夢想／自己份工係自己興趣？
我覺得有錢人後代可以
子華哥
以前番part time
好開心好鍾意番工
畢業出嚟做嘢之後就好憎
轉行轉工都冇乜用
1個讚
我唔係有錢人後代，不過都試過興趣化成職業，慢慢真係會職業化左又會有壓力，好易連興趣都失去埋，而家已經無做幾年，呢幾年亦無再掂果樣興趣。
對我黎講，收工準時、放工唔使理公司野，係最重要，我自己鍾意做嘅嘢，會用自己時間去發展。
1個讚
試下唔出糧比佢地，重會唔會返
2個讚
我舉手，好憎番工。一開始以為係公司問題，轉左幾份工，冇一份鐘意。D人成日話揾份自己有興趣既工，好似我鐘意種下花種下菜，唔通做農夫。我鐘意煮下嘢食，轉做廚師？當興趣變成工作時，好多時性質就會變，始終要應付老細。
最後我決定辭職做ftm，我媽同身邊朋友都話女人要有自己職業唔係之後好大風險，我全部都真係好認同的，爽中係有d 不安。但我真係好憎番工，唔理嚕，躺平，唔想今日去煩聽日未知既煩惱。
5個讚
我諗ftm仲辛苦過返工，除非有工人姐姐
1個讚
我以為全世界都唔鍾意返工
1個讚
返工只係為生活，唔抗拒亦唔特別鍾意，不過如果可以改四天工作就完美，我願意人工按比例扣㗎！
1個讚
我小學時諗過，完美嘅係一個禮拜淨係返星期一、二、四、五，間多個星期三休息
1個讚
早幾年開始我都有同樣諗法 
我有工人幫手，小朋友又唔係好細好需要take care。
以前番工番左咁多年，我覺得係有種執念自己讀左咁多年書考埋牌人工高，唔做嘢的話好浪費，同埋周圍人都會散播一種恐懼係靠男人冇好下場，第日佢出軌/咩事自己又冇say，仔女大左會希望自己呀媽係專業人士blablabla，簡單講就係活係人地既目光中。
雖然唔番工既風險可能係真，即我之後會後悔都唔一定，但而家呢刻我真係好憎番工，最後情感勝過理智，辭職番歸，暫時我係好開心
之後如果好後悔上番黎update下
2個讚
好多外資公司可以同HR申請4天工作，人工按比例出，歐美好興，但亞洲區好少人申請。
3個讚