我由大學畢業已經好唔鍾意返工，已返咗十幾年。
細個都唔鍾意讀書，但都直升讀咗大學。
其實我真係好憎返工，有無人都係一樣?
我覺得由細到大都被迫做自己唔鍾意做嘅嘢。成個香港氣氛都係咁。
5個讚
其實會唔會入錯行？
呢個世界唔係只有香港要返工揾食嘅
6個讚
因為返工係為人工，所以都唔算入錯。
但係我覺得好似滾輪每一步都有人推住，好標準。無得揀。
如果唔係好大負擔，轉份有興趣又平衡到生活咪得囉
i think the same as you
好似做咩都唔鐘意
真係無得揀 定你唔敢揀？
你唔鍾意讀書唔鍾意返工唔鍾意香港
咁你鍾意咩呢？
4個讚
exactly. 我會好想一個人匿喺餐廳呆。
但現實係經常被迫搭枱。
其實我無唔鍾意香港。
但係香港人係好標準化。睇嘅書，食嘅嘢，消閒活動。
比如，你好少會見有農業專家，人類學家。
大家都好勤力返工。
1個讚
X2
唔鐘意返工
唯有揀一行無咁討厭，準時收工，心理上平衡啲
最想唔使返工，盡情放空就好了。
2個讚
我啱啱畢業嗰時會催眠自己好想返工。
但誠實啲對自己，真係好憎。
份工我係handle到嘅，但都覺好煩。
因為唔敢俾人知自己咁憎返工，所以要匿名。
1個讚
唔好得把口， 拎哂全副勇氣，去搵有農業既地方，發揮人生
地球二百幾國家， 實有一個地方適合你
4個讚
其實抒發吓真正感受啫，你又唔駛咁勞氣嘅。
你挑我機，我會躺平唔駁你囉
繼續躺平⋯⋯有飯食就得
依家份工嘅工作性質同老細我都唔中意架
不過可以work life balance
同事又ok 係office個陣閒中吹下水 時間過得快d
依家wfh唔忙個陣可以聽下收音機、睇下電視 netflix 幾輕鬆
反而依家冇得去旅行 放長假個陣會好悶
但其實同時又有人真係撇開到標準化去做自己鍾意做嘅事架喎
人大個 唔係淨係諗唔鍾意啲咩
反而要知道自己鍾意啲咩 追求啲咩生活
你覺得呢個地方唔適合你
就襯年輕出去搵一個適合你生活嘅地方
唔係無得揀架
路係要人行出嚟 
2個讚
留意下， 很多人出發左旅行，係旅行，（不是移民）
我係屬於有家累嗰啲
我都係好討厭返工，奈何早年生活迫人，唯有係咁做。
到後來又因為欠老闆人情債無得辭職。
而家離開香港，終於可以退休。
恭喜你
我真係覺得為人打工打到勞氣壓力大打到出病痛係好無謂
真係要抖抖囉