已過了 適婚的年齡
沒對象， 亦沒有太多意思要拍拖
生意結束， 做咗十幾年生意
搵工中
有樓租出
已去過半個地球旅行
衣食住行， 都唔係追求啲高質生活
簡簡單單就得
咁仲有啲咩可以做？ 為自己生存
但好多嘢我都有， 擁有過
係咪直接躺平仲好？ 但我又怕悶
2個讚
搵一樣興趣，講緊一樣嘢日日做都唔嫌，做完好開心嘅。
5個讚
有難度
本來我鐘意煮野食， 但煮得多， 開始好悶， 唔想再煮
有無可能有Ｄ人係無一生的興趣
最近都有諗這問題
我想到人生的意義係去愛和被愛， 但諗深一D， 唔係嗰個人揾到人生SＯＵＬＭＡＴＥ
咁我諗人生係最緊要自己過得開心， ＭＥＡＮＩＮＧＦＵＬ， 就可以了
人生不單是4仔理論
買樓，買車，結婚，生仔
如果過去很多東西試過，而經濟又支持到
不如試下追夢？
又或都幫下人追夢？
其實你人生經驗豐富，可幫下香港的後生仔
又或做下義工幫下人？
如果性格內斂，又可以培養下興趣和考下牌…
煮食？種花？十字繡？
水電牌？的士牌？
10個讚
生命本就無意義，需要自己創造，其實好易諗到
3個讚
人生一定要有目標，係為自己而活，不是為其他人
哲學問題喎
通常都冇model answer
如果籠統D講就好似sako咁講
人生目標要自己搵
因為人人唔同
興趣就係搵一個令自己開心嘅方法
冇意義，但要令自己好過啲，所以要做啲嘢充實佢
其實見下朋友我都已經好開心, 見到佢地安好, 健康, 見到佢地如果係有小朋友, 我都好開心同佢地互動
但真係每日都做, 而又可以令自己開心既, 真係諗唔到
日日都做, 其實真係會悶, 一個人生活, 執下屋都幾舒服既, 但日日執, 總有一日會執到無野好執 
我都有問過我老豆, 佢都係話開心
但呢樣野, 真係好虛無, 幫到人, 我會開心
食到美食, 我又會開心,
同小朋友傾計, 我又會好開心
但到底, 點樣先可以令自己開心?? 心態好緊要, 正面既人, 做既野就算係平凡, 都可以開心
去左個poo poo都可以開心
有d感觸添, 因為由細都係比屋企人控制住, 所以我都無咩夢想
佢地叫我做咩, 我就做咩 (唔做會比人打, 比人鬧), 特定某一方面我好creative, 但
關係到自己, 我就好似一舊木咁
細個我既夢想係環遊世界, 上太空旅行… 無啦
可以點幫?? 邊度有義工既工睇到招人手??
水電牌我有興趣架, 但唔知我係咪無搵岩info. 見到可以讀既course都係有要考左牌先???
請問有冇D方向? 會唔會睇D咩書可以有啟發性??
我都明, 只係我諗左好耐, 我都唔知我可以為自己做D咩
或者, 我可以幫個社會做D咩? 捐錢我都有捐開, 但錢唔係萬能
(十幾, 幾百咁捐, 我知唔係好多, 因為我都唔係好有)
你平時又會做D咩充實佢??
2個讚
走出自己comfort zone. 最直接嘅方法就係開第二度地方住. 唔係旅行, 真係去嗰度住!
你而家覺得冇目標,因為太過習慣而家嘅生活. 困咗自己係一個box.
走出去之後你就會發現出邊有另一個世界, 甚至搵到另一半. 唔想拍拖可能因為身邊嘅人令你冇興趣. 好多人跳咗出去之後就搵到另一半. 有啲人甚至online dating, 發現外國啲人同身邊嘅人好唔同. (唔係叫你拍拖,只係一個好實在嘅例子).
有啲地方啲人可能需要你幫助, 樓上咁講,做義工都唔錯. 又或者用香港嘅經驗幫助佢哋走出困境.
但係如果唔改變, 唔係咁容易搵到新嘅人生目標.
7個讚
開得post問已經代表你唔想咁
到搵到工之後可能已經會俾到方向你
呢個正，我有諗過想去一次一個人既旅行
但家有幼兒，可能要再遲少少先可以圓夢
搵下嘢學下
旨在有點寄託
養返隻貓or狗？
1個讚
如果想做義工，呢個世界有好多地方缺人，不過睇下你想做邊方面嘅義工，同有咩專長。
Google 下就有。最普通嘅去社區中心，佢地成日請義工。不過你既然開過公司，可以做啲難度高啲嘅義工。你係你個行業嘅慈善組織搵下
1個讚
可以提出這問題很幸福，而且也很有意義
人生唔係只為開心，意義係邊，要慢慢發掘，
發掘過程都係好有意義。
以上提議由學野、做義工開始都好，就算做義工
都有好多種，試下邊一種最觸動到你。
我會覺得人生存就係尋找快樂
快樂有好多種，所以就要每一樣都係嘗試
有人不斷進修讀書考牌獲得快樂
有人設立青年創業基金讀書獎學金獲得快樂
有人會做一個大 project 去獲得快樂. (e.g. 畫畫, 拍微電影, 寫一本小說)
有人做本地義工甚至係國際義工獲得快樂
有人做寄養家庭獲得快樂
有人離鄉背井外國求生獲得快樂
有人養好多寵物獲得快樂
有一個說法係人類其實係外星人嘅 simulation，外星人想累積智慧同昇華自己去另一個維度就要係地球乜嘢都要去試去做。再簡單啲，當自己模擬市民，冇理由要自己個角色咁死板平平無奇乜 skills 都冇。
所以無釐頭嘅嘢都可以去試去做。
2個讚