就嚟由wfh變返返公司，一諗起又要返去面對一個日日要鬥智鬥力嘅工作環境，就開始發惡夢，乜都無心機做 
講少少背景：喺呢個工作環境已經10幾年，班同事一直好好，大家都只係做好自己份內事，唔會害人，唔爭上位，一有危機仲會好團結。
但自從幾年前轉左腦細，佢開始背後做好多小動作去撩起一D不和，例如明明得一個人可以升職，但係就背後同唔同同事deal, 然後等大家鬥生鬥死，最後一個都唔升 
本身佢都向我埋手，但係我唔係一個有鬥心嘅人，所以都無諗住理佢。點知D老臣子一個接一個畀佢趕走，然後再安插佢D契仔契女入嚟白金升降機，我地一班舊人就開始覺得要捍衛返自己地頭，有咩位出就舊人上去頂住個位，等佢無咁易得呈。但係其實咁都已經好心很累。
不過以上只係其中一個例子。我自從要日防夜防佢同班小人之後，真係好大壓力。加上身邊嘅同路人一個個咁移民，戰友越來越少，好想自己都快啲移民，一了百了。但係始終唔捨得父母，唔想依家就走……日日個腦打哂交，好困擾
最近發現自己情緒開始唔多好，會發惡夢，會抖氣困難…….可能聽日搵本書睇下，希望增長下智慧去處理自己嘅問題 
就咁睇你想要嘅嘢移民未必俾到你
一係躺平, 由得佢地上位
一係睇吓舊同事份新工有冇多個位撬你過檔
做好自己本分，佢要升自己人咪升飽佢，為人工唔使同公司有感情喎
你個故事有點似以前我做既公司
又係換左個老細勁黑人憎
又好多人移民
其實你做番自己本份，按章工作，咪由佢地升到飽，佢先無你符，我以前個到有個資深點同事係咁面對
當然最後我係走左既，東家唔打打西家，又唔係得你一檔
一開始真係有諗過躺平，躺平左一兩年之後我本來個阿頭升左，我阿頭同其他同事好似人哋三顧草蘆咁，叫我頂左佢個位唔好畀外人入 
就係咁我叫做acting 咗呢大半年，洗濕左個頭 
有諗過不如退返落嚟，但係變相咪要under 個pk ？！可能日子都唔好過
10幾年，變咗comfort zone，有感情又無勇氣
呢個係傳統華人嘅管理法則，要食得住班細嘅，就要佢地互鬥，互相攻擊，咁就冇得一攻致槍口向外防老細，其實做到咁，我都幾肯定呢間公司冇乜運行，既然有計劃移民，不如早d實行
係會咁，明明間公司爛爛地，但好有感情，已經唔係人工既問題，又冇膽死出去搵過份工
响職場都有1×年，第一次知道傳統華人管理法則呢樣野
諗起我舊公司，離職後每次約返啲同事出黎都聽到佢地講老細壞話
佢地後黎都陸續離職，老細迫到大家走，高招，反正佢就係穩坐老細職位
我直情覺得佢睇得太多cctvb膠劇⋯⋯不過我都覺得遲早畀佢玩爛間公司
D前輩安慰我叫我等多兩年等佢退休就有轉機，但係事實係777落台都會有個更差嘅頂上 
但係呢啲「管理哲學」真係好無益，我舊老細識玩，教過我保持團隊和諧穩定好重要，所以可以keep 住5、6年都無人走⋯⋯
一換咗個8婆上場，連清潔姐姐都可以做唔長……
好明白辦工室政治令人身心疲累
首先要分析你有咩選擇，再睇你嘅需要來抉擇（例如金錢，家庭，健康，理想，追求等）
我係家庭放首位嘅，都好樂意做ftm
但係我老公唔係，佢好怕我唔做嘢，佢個負擔會好重，佢好需要錢維持安全感。咁老公都係家庭一部份，我都要竭力維護家庭和諧嘅