自動波啦～like like like 呀～share 呀～幫襯呀～
移民入倉都用得～
3個讚
likeddddd
真係好有心
計劃首階段只收雪櫃、電視、洗衣機，須配件齊全、可正常操作及使用年期不超過5年。捐贈者只需要支付$400作搬運費用（搬屋客人免費），即可將二手電器直送到有需要家庭，而受惠者則毋須付費。
捐俾人，捐贈者仲要俾$400 搬運費，講唔通掛？！
係囉，咁我捐嚟做咩？
使用年期唔超過五年的電視雪櫃洗衣機，我free出街點都有人要啦
睇到捐贈者要另付定額運費 我都突一突 
應該係順便清屋掉電器嘅人唔少，先會衍生出呢種做法
至於齋送收400值唔值，我都理解唔到
係喎要自己再俾400元我唔會考慮我屋企星期一買咗個新雪櫃。舊嗰個功能完全無問題。星期三放上自己住嗰區嘅FB群組。
今日送新雪櫃嚟，諗住無人要俾200元師父搬走 (已提前問價)。誰不知星期三出Post，半個鐘就有人要咗。而且我住村屋要上2層樓梯嗰隻。
原來要雪櫃嗰家人，要嚟俾佢哋自己婆婆用。都好丫，唔浪費。
2個讚
但我上次搬屋要清走電視機，打畀一般收賣佬，一係唔收，一係要收錢
，關唔關四電一腦政策事？因為以前明明係收賣佬畀錢我地。
轉贈家電計劃嘅訪問
舊年有聯絡過佢哋搬屋報價 比我感覺好大牌吓
彈份google form黎叫你填晒資料先 細節到咩搬屋嘅單位距離停車場幾多米，傢俬物件數量呎吋。我話可否派位師傅上黎現場估價佢話安排唔到。後尾我嫌煩冇幫襯。
之前用嘅搬屋公司叫我哋影相睇下咋
畀個地址佢哋大概都知點搞
仲提我哋要點同管理處講
佢哋係咪有啲唔係咁好嘅經歷
琴晚睇Go！執
阿橙話四電一腦係免費回收架喎
唔知佢哋了
嗰時佢哋啱啱成立FB專頁,唔記得邊個黃KOL幫佢哋宣傳，咁啱我要搬屋就搵咗佢哋。
唔熟晒全港屋苑問下有冇電梯直達都好正路，問得咁繁瑣真係體驗麻麻。度一兩件大家電都可以接受，度晒咁多樣堅煩，我通常搵個師傅上門望兩眼，或者簡單形容下就得。
嗰啲係拆件當廢鐵廢膠
仲用得嘅話咁拆好浪費
而且四電一腦係要約佢排期上門回收
如果搬屋清物順便送電器，就最唔浪費又做善事
我明呀
只係研究下點解而家啲收賣佬收錢咋
1個讚
應該要買新電器時鋪頭先可以免費？
該主題在最後一個回覆創建後90天后自動關閉。不再允許新的回覆。