轉做Ftm 嘅顧慮

生完bb,放咗兩個月產假,醫生話產後抑鬱
情緒唔係咁好,就嚟返工個人好緊張又有壓力

同先生傾過完約,之後想試吓做ftm
先生都贊成,佢亦清楚講明對我做ftm 嘅要求
唔需要每日有晚飯,亦唔介意屋企唔係每日都整齊乾淨,做到60分就夠
只係要求我個人可以放鬆d,養好個身體

其實我仲1516緊,因為我份工相對穩定,收入高過我先生萬零蚊,而且我都唔算後生,到時再搵工應該搵唔番而家嘅收入

如果只係先生返工,都應該足夠應付家庭開支,但儲到嘅錢就未必多,甚或可能月月清

我猶豫緊轉唔轉Ftm 好

轉Ftm 大家會有咩要考慮嘅地方,可以分享下嗎?

同埋如果你係我,會唔會轉做Ftm 呢?可以講吓點解嘛?

1個讚

你覺得返工定全日湊b 大壓力啲?

2個讚

原本嘅計劃,唔做FTM的話,邊個湊小朋友?工人?長老?

你覺得係咩原因令自己壓力大啲?湊BB,定返工?

如果係湊BB令你壓力大啲,轉做FTM反而係錯咗。我係working mum, 對我嚟講,返公司壓力細個喺屋企湊仔,但人人感受不同。

4個讚

身份角色既轉變本來就容易導致人有壓力
要認清自己既壓力源,先可以對症下藥
你先生咁support你,好好啊

2個讚

其實每個人處境不同,有啲難比意見,如果你老公搵90k你搵100k,咁其中一個唔工作相信都可handle 到但你又會否可放低現在工作?FTM 也不客易;如果你老公搵20-30k你搵30-40k, 咁一齊工作另一方壓力會小一點

1個讚

冇工人,原本諗住排嬰院,但排極都未有消息
而我媽本身話唔湊,不過可能媽媽知我個情況,所以話幫我湊到放工,但試咗幾日話好辛苦,我都明白而本身都唔想佢太辛苦

而家搵緊保姆,有啲要BB去保姆屋企,有啲保姆就可以嚟我屋企,不過我想保姆姨姨試工先,但計過都去咗大半個月糧

我唔係一個好有事業心嘅人,其實未有bb之前都覺得份工好有壓力,壓力嚟自老細同小部份長期客戶

頭兩個月湊bb真係有少少壓力,因為冇人幫,但先生好好半夜都會起身幫手,不過bb半夜會大喊,好擔心影響先生休息,個段時間徬徨s,但而家湊b漸入佳境,冇乜壓力

不過而家市道唔好,所以猶疑唔知賺多個錢好定做ftm 好

我前年生完細B咁啱公司唔續我, 新請工人因疫情黎唔到, 都做左差唔多一年 ftm (由細B出世計)。我自己就覺得好開心可以自己湊, 因為情況迫住自己湊, 可以話係無得揀, 唔洗諗 “咁做啱定唔啱” :rofl:

如果你對返工有 concern, 會唔會可以同公司傾 no paid leave 多一個月休息下先? 頭2個月湊B真係好辛苦, 之後會好啲慢慢習慣…

你兩公婆都未試過只得其中一個人做嘢養家,即未感受過個壓力,依家講到幾理想幾配合點包容…都係想像出嚟,未經現實洗禮。我只可以講現實見得太多case, FTM對頭家嘅付出再大都好難量化,量化唔到d人就會用自己角度諗,「全日響屋企冇乜嘢做」,「冇壓力」… 呢啲說話好快會出現。

除非屋企完全唔等錢開飯,如果唔係,一般人有搵錢能力先有bargaining power. 退一步講,返工壓力細過FTM, 我親身體驗過。

21個讚

育嬰院就算BB未出世開始排,都好大機會等到BB一歲先有位,香港託兒服務係完全供不應求。

完全明白,其實湊BB係好需要體力勞動,好多長老初初應承湊,實戰之後其實搞唔掂。

本地姨姨好貴的… 所以咁多人請工人

你嘅情況,由於無back up 又無工人,暫時都只能FTM自己湊。

如果長遠嚟講想返工,一係問老闆可唔可以請一年無薪假,自己做幾個月FTM,搞得掂就繼續做FTM,覺得自己想返工多啲,就即刻請工人,工人上手,你就去返工?

2個讚

Li個亦係我擔心嘅地方,我比較擔心經濟,雖然我同先生冇乜物慾,除咗食嘢同基本屋租燈油火蠟之外,都冇乜開支…當然而家要預埋尿片,遲啲可能仲要買奶粉,開支會多咗,但未至於好手緊

可能我一向都係先生話事,所以冇諗過li個問題:see_no_evil:

我都好清楚了解嬰院一位難求,不過個陣報名話排到機會都有7成,但而家疫情成日停課都係一個問題

我都好明白長老湊會辛苦,所以迫不得已都唔想打擾佢哋

因為屋企地方細,未必請到工人,加上而家唔易請,請咗其實自己都唔係好放心工人湊:see_no_evil:

我做多幾個月就完約,同埋我份工唔可以隨便請假,亦都唔容許一個月無薪假,所以li個方法冇得諗……而想做到完約係因為做咗好耐,想好嚟好去,做埋手頭上個project

產後抑鬱可大可小,唔好理硬條件住,問下自己心想點? 做ftm 又唔等於一世唔返工,顧好當下健康先。
:muscle:t3::muscle:t3::muscle:t3:

一般ftm 都會對自己湊B同持家有更高要求,家人亦可能會,如你老公所講,要錫住自己黎做。

1個讚

我本身個人比較認真同自我要求都高,所以都好感恩我先生唔係一個要求好高嘅人,同埋我體諒我而家嘅情況

佢話我做ftm 有需要請工人都冇問題,其實陀bb個陣,我先生已經打算請工人照顧bb,只係疫情我唔想請工人,怕增加感染風險:see_no_evil:

1個讚

200% 同意… 我試過一個人咩起頭家兩年,壓力絕對絕對唔嘢少… 加上我好同意湊仔壓力大過返工, 不過, 呢D都係我個人感受… 樓主, 我覺得你應該俾多少少時間自己, 一個星期, 甚至一個月… 首先, 要想辦法令自己放鬆…改善產後抑鬱情況, 再去做決定…

每個家庭情況不盡相同, 大家當分享下 :see_no_evil:

大女現在20個月, 陀緊的時候準備了硬件但忽略了心理準備(或者其實都準備不來? :sweat_smile:), 出世後頭100日覺得係前所未有既難過, 成世從未試過咁想返工 :sweat_smile:
奶奶本身話幫手湊, 最終放飛機; 好彩仲有自己阿媽拍硬檔幫手(煮食)
睇過醫生, 醫生一句說話印象好深:「無人一開始就識做人媽媽。例如工作崗位轉左, 你都要幾個月適應, 更何況做人阿媽?」醫生係後生男士, 都講得出呢句說話, 當然可能是罐頭message :rofl: 但真係幫左我

100日後, 個女好湊左好多, 時至今日都係個乖寶寶
我連嬰兒園都係後知後覺生完先排(+上一開始諗住有人幫手湊應該搞得掂)
符碌地(因為疫情?)個女2個月左右通知有位, 最終我返工佢就返學
返學之後, 大家都漸入佳境, 我反而慶幸奶奶放飛機

同你一樣, 我對自己要求比較高, 清潔衛生方面又成日放唔低(努力調整中), 搞到自己&家人都有壓力, 幸運地佢地好遷就&包容我, 好多時自己諗返轉頭都頂自己唔順 :see_no_evil: 如果請工人, 相信大家都痛苦

而家陀緊第二個預產期8月, 排了嬰兒園但唔知會否再符碌一次
已諗定有需要時轉做FTM
份工都是穩定工種, 如果之後再做未必做唔返但rank要重新計, 少好多錢

但有過之前經歷, 都同自己講, 先生一個人搵錢都暫時可以應付, 家庭一定係最重要, 同埋, 船到橋頭自然直! 做阿媽有好多野擔心, 但未必擔心就有用。總有路行 :slight_smile: 加油

3個讚

你可以揾下社區保姆,係under社署,對象係雙職家長,比自己出去找本地姨姨平得多,你可以試下去所屬中心配對一下。

大仔出世時,我試過自己湊,但壓力大過返工,最後都係揾工,無做FTM。

成日唔記得社區保姆
我當初都有問過服務,不過因為知道社區保姆要同時湊幾個小朋友,年齡由初生到9歲都有,所以我冇用到服務

上門服務,冇得揀姨姨,要家長帶去姨姨屋企
另外好似仲有中心服務,不過詳情唔知

發現好好多人生前都冇諗過邊個湊bb

我都係
當初呀媽叫請姐姐 唔肯
就諗著去排育拎嬰園
到最緊緊係無
洗多左錢請左姐姐

育嬰園我自己親身經驗
同聽到身邊既人,有幾個都係半歲就入到服務

當然視乎地區而定
我自己就係知道服務需求太大,所以選擇左跨區去育嬰園

我有用過。:smiling_face_with_three_hearts:
我嗰區姑娘同我解釋通常唔多過兩個小朋友。如果其中一個係bb,就唔會配對多一個俾姨姨,因為bb需要很多時間。

但如果係幼稚園就會配對多一個,最多兩個,當時包埋我仔,短時間有三個,兩個上午班,一個下午班,姨姨接上午班校巴放學時就帶下午班嗰個去樓下返學,仔仔開心過喺屋企,放學後有得一齊玩,一齊食,做功課:smile:

我湊佢回家時,不停講玩左乜:heart_eyes: