好想有個地方舒發下
我十日前生完bb
恥骨痛到上落床都有困難 屋企張床太高
然後痔瘡兩粒又痛，會陰傷口又痛
呢兩日仲懷疑感染埋尿道炎
Bb 方面，又先天性馬蹄足，仲有好多其他因為缺鈣而引起嘅症狀 例如雞叫聲
跟住訓覺又成日好多唔同嘅聲發出
已經令我好擔心
然後又無4大長老幫手，又無請到陪月
搞到的地依家拿手唔成世咁
豬隊友又完全幫唔到手 搞到的又擔心都訓唔到
越訓唔到 身體就越復原得慢
日日都係咁就好灰
望住人地新手爸媽都媽似好易搞得掂嘅
依家真係好後悔孕前無好好補鈣
然後又無上育嬰班
陪月真係好重要
依家bb 基本上全奶粉 之後都唔知可唔可以轉返人奶比佢
最後想問有無一啲渠道可以搵到人上門教下我地啲育兒知識
已經都叫自己盡量保持樂觀正面
安心休息
但豬隊友湊到我真係放心唔到去休息
真係好無助嘅一刻
豬隊友完全唔擔心咁
過左十日 仲未識抱仔 掃風都未成功過一次 搞到餐餐唔係嘔奶就噴奶
Bb 無論有啲咩異樣佢都唔會去理
唔擔心有問題
真係無力感好重
你要唔要揾陪月呀？問下agent可能急都揾到人架。
我最近都急住要揾陪月，佢哋好快介紹到人俾我。wtsapp下佢地，有人咪見面試下，唔岩咪由得佢。陪月可以教埋隊友點做。
你一個人對住佢好易俾賀爾蒙影響到抑鬱呀。你有啲咩唔開心一定要同健康院姑娘講呀。
我有朋友BB都係馬蹄足，一年後小朋友完全康復。等醫生跟進啦。
辛苦你了媽媽，感受到你身邊未復原又好多擔心，又無人幫到你。你睇下老公有啲咩幫到你（幾簡單都好）。
網上都多肓嬰資訊，你可以參考下。之後帶bb去覆診有咩隨便問姑娘醫生。
頭一個月難捱少少，之後見到bb大少少識笑有反應你會慢慢好d。
媽媽加油
但我又唔使陪月 我淨係想有人教下咋
我地都有上網睇
但就係上網睇完到自己做又另一回事咁
你放低D實質D嘅問題睇吓依度有冇人可以比D意見?
有無啲生過小朋友的朋友問下？
其實問左但係始終靠睇上網圖片同文字真係好難學到
就好似依家咁
Bb 一喊，我又幫唔到手餵奶/抱
老公就唯有先去沖奶後抱bb
因為我唔想老公單手抱b
所以bb 就係床到喊到拆天
越喊就越精精同佢過度咁喊我都驚
佢喊到扯哂蝦咁 面又谷到紅哂
我自己做唔到啲乜
3 個鐘一次食奶
我老公就做做做 做埋家務
根本佢都無得訓 一日可能夾埋淨係訓到一兩個鐘
唔夠訓脾氣會暴躁我都明
佢都會有用盡能量嘅一日
跟住bb又成日好唔合作蝦爸爸
包被包到實又要掙扎
唔包比佢訓又驚佢凍親
但有時包到佢佢又好好訓
係唔係因為你痛所以落唔到床呀?
叫佢抱去你度你坐係床得唔得? BB 喜歡有skin contact.
有餵媽媽奶嗎? 如果BB肚餓可以食住先 急住沖奶但小心要凍咗先比BB.
係呀 頭一個月真係好辛苦 要加油啊 加錫錫老公
係痛到落唔到床
但隊友嘅湊仔方法我完全放心唔到去安心訓教
已經餵唔到媽媽奶
佢一暴燥就啜唔到 唔肯啜
我老公又唔醒訓 試過bb 喊到拆天佢都唔醒同佢又真係太攰
同埋bb 都忘記咗我乳頭了
我又想快啲養返好自己身子但又長期休息唔夠
加油呀～頭一個月真係比較辛苦，BB慢慢長大就越來越好嫁喇～我都啱啱捱過咗一個月
如果抱唔到BB試吓放BB係你身邊拍下佢同佢講下嘢啦
安撫下佢等佢知道唔係無人理佢要比安全感佢聽到佢喊真係好心痛嫁加油呀
加油呀！
唔好俾太大壓力自己一定要食人奶，奶粉bb都可以肥肥白白健健康康，媽媽精神狀態好對bb先會好。
試下同豬隊友認真傾下同分工？佢都係新手爸爸，大家都係學習中。
有冇人煮飯俾你坐月食呀？食多d補充營養
但爸爸學極都唔識個吓慘
Bb喊佢又話正常
係床到喊完停左點都要望一望
佢又唔望
其實你同爸爸咁樣係兩個都無得休息, 咁樣對你對爸爸對BB 都唔係一件好事,
你落唔到床 睇唔到BB 會唔會拉近BB 床個位置, 直情BB 床攪低一邊床柵貼住你張床, 咁你就算訓係到都可以睇到BB 佢喊你又可以拍下佢, 咁爸爸有時忙緊都唔洗成日行黎行去睇佢, BB 又可以同你近D.
Bb 床欄無得放落黎
直接放bb喺你張床啦，佢又未識轉身，唔會跌落床，你又可以睇到bb。
要坐好月呀。
想當年我都冇人幫手，冇請陪月，捱左第1個月就得架喇，加油
我仔頭一個月果時都成日雞叫馬叫 一叫我就爬起身望佢 之後頂唔順 買左部cam對住佢 仲要大頭 個mon就 放係自己隔離 長開住 佢一叫我就係mom到確保佢有冇事 見到有嘔奶醒左先爬起身