想過英國，有一個中五 + 一個中三小朋友，要全費讀書，賣埋香港層樓扣起學費之後過去買樓都好緊，大嗰個話想教完DSE過去早啲適應，佢話可以做partime 幫補；細嗰個到時讀完中四，學費好貴，唔知點好！
2個讚
不是免費的嗎?
1個讚
樓主應該係諗埋大學情況？
出年完成 DSE 去讀書，大仔係 full international fee，一般科目都要 25～32K 英鎊，未計宿費，預佢最低消費 38K，讀三年。
中四可以唔洗錢，但入大學仲係 BNO visa。唯一做法就係 fall back 一年擺細仔入 Year 10，大學 Year 1 係 visa 第五年，之後攞到居留應該可以申請去 local fee，咁就只需要畀 38K*4= 1.52M 港幣。
呢個只係統計。唔排除學費會升同埋入讀科目貴價。
3個讚
唔讀大學住，攞到ilr先申請入學，想慳係得呢個辦法，做住野草下錢先
3個讚
我記得以前有人講過，，英國大學好似唔可以咁計，總之如果你入學時仲未合資格俾local fee，就成個大學課程都要俾international fee，因為佢係入學時就count 你係咪eligible。
1個讚
可以半工讀幫補吓
冇錯，因為local 同international 係2條唔同嘅隊
唔洗太擔心，你大仔好識諗。
同意，可以攞到身份先讀大學，亦有歐美大學生讀讀吓唔夠學費， 申請gap year 揾錢再讀。
1個讚
大仔慳唔到，細仔等佢gap year之後讀，再慳啲過Scotland, 攞到ILR之後讀u好似唔使錢
1個讚
同你一樣，遲啲一個 full fee，但我要儲錢，諗住佢自己去，當佢夠18歲自己申請5+1先
留意如果諗住 gap year 到 local fee，入紙申請大學嘅時候已經要係 成功攞到 ILR status，即係要預 “完成 5年居留 + 申請 ILR + 成功攞到 ILR “ 嘅時間
大學你入咗 local 就全程 local fee，同樣地 international 就全程 international fee，冇得中途 international 轉 local (除非你quit U 之後再報)
2個讚
如果大學想讀理工科，可以諗埋歐洲大陸嘅大學，語言要求唔高，學費唔貴。大學排名都好。
如果讀文科，語文要達到要求才收。
有啲大學可以中途轉車有 form 可以申請。不過為數唔多。
請問我如果year 1 year 2 都交international fee，year 3合local student的條件，仍然不可以在year 3轉local fee status？
不可以。以入學時計
3個讚
可否提供其中一間參考下 ?
之前有個女仔同我講過，佢阿爸阿媽直情係土生土長白鬼。依稀記得佢提過 Sheffield Hallam話畀佢轉，但唔可以申請獎學金或者援助。但基本上香港人會讀嘅大學就唔可能。
1個讚
我個情況同樓主一模一樣，大仔讀書唔叻，諗住考完DSE之後過去讀2年類似IVE嘅課程，30萬左右一年，佢都話自己可以做partime, 但我真係想像唔到，佢人生路不熟，仲要做partime 咁點讀書；
細嗰個嚟緊中四，之後過去讀大學一樣全費，40萬一年起碼；
而家嗰邊樓價、物價，水電費全部升，我諗唔到方法走，夢想第二人生比自己同家人，冇辦法之下成為過去式…計劃好嘅方向唔見咗，生活突然好迷失；
2個讚
唔買樓住得唔得？
或者BNO visa可以借政府錢讀嗎？好似香港咁
Bno visa 不可以借grand loan
英國呢邊學生返part time 係好普遍，我見好多高中一夠年齡就會返。如果仔仔已經成年，佢自己又咁識諗，其實都叿需要擔心既。