想問大家請過陪月嘅，一日嘅做嘢流程係點？因為我個陪月朝早要準備代茶、湯、肉汁、中午餸，冇乜時間湊B ，要我媽湊住先，直到我食完飯。我媽先走。
而我媽咪就狂投訴佢做嘢慢 
我估因為你媽喺度，所以陪月特登慢慢煮，由你媽湊B。正常陪月會湊B先，等BB瞓咗先去煮飯。
叫你媽暫時唔好嚟，迫陪月快手做嘢。
個陪月講到出口叫你媽湊住佢去煮飯？
如果唔係可能誤會姐，見你媽睇住bb, 咁佢咪係廚房準備食材。間屋有幾大？一陣佢唔係廚房望住你媽抱住bb又話佢唔做野。
同意叫你媽唔駛日日黎
我媽又唔捨得就咁唔理我所以佢堅持都係日日嚟
我以前請陪月都係專門煮幾餐，湊B我自己做，除左沖涼。
咁不如試下改一改時間阿媽晏啲先嚟。睇吓係咪個陪月真係手腳慢。
1個讚
你同阿媽解釋，佢唔嚟陪月先會做返自己啲嘢，佢日日嚟你會浪費咗請陪月嘅錢，叫你媽媽陪月休息嗰日先嚟幫手。
咁可唔可以叫陪月整少樣野食？
代茶，湯，肉汁，中午餸，樣樣都要時間整的
如果佢湊左b先，咁你又無咁快可以食中午飯
又係喎，我以前只有代荼、中午餸(通常一款，因為我食量細), 湯，如果佢有啲複雜嘢整，通常之前一日整好曬啲材料，教我第二朝起身燉咗湯先，基本上好簡單可以做到
我陪月幫我預備埋晚餐都仲湊到bb,你一開始搵佢時有冇傾好佢工作範圍？會唔會嗰陣佢已經誤會你媽咪會嚟幫手，所以自己主要負責煮食？
而家會難開口，不如請媽咪等陪月走咗先過嚟照顧你同bb
好提議
初生BB大部份時間都是訓覺，我以前陪月早上都是幫忙換片，我負責埋身餵人奶，所以不阻她很多時間，之後她去煮飯
我家無其他人幫手，她知我辛苦，有時見我訓咗，會自己處理，試過BB扭計，她一路孭住BB，一路煮飯，很少打擾我
我個仔朝早好扭計
要狂哄 有時真係做唔到
我個陪月係一個人處理晒氹b，沖涼，餵奶掃風，洗Bb衫，洗奶樽，煲茶，煲薑水，煮3餐飯⋯⋯基本上間屋得我同佢，我係唔使點樣掂個BB嘅
1個讚
我個陪月都係咁呀。因為我老爺買餸，佢唔洗買，基本上朝9晚5都忙緊。初生bb成日訓，佢地好多時間可以做到野。
求介紹哈哈哈哈哈
我個陪月煮哂呢啲
都仲有時間湊B
反而係我自己想親力親為，想自己湊多啲BB，佢仲開口叫我休息多啲
陪月就係要湊b煮野
媽媽休息
是但一樣幫佢做埋 洗鬼請佢