該名業主在Facebook上載招租貼文，指提供「免佣金全新太空艙」，文中有詳細資料，指其單位近佐敦地鐵站，交通方便，環境舒適，包水電wifi、冷氣、熱水爐、電視機、微波爐、煮食爐、床單被鋪、衣櫃，稱可「即租即住」，有電梯直達和24小時保安，還有300多呎共享空間，業主形容「好過住劏房」，適合單身人士上班族 。
從業主上載的照片可見，該單位有多個「太空艙」，分上下兩排，每格一床位，內部有燈，放置了一張床，空間頗狹窄，不見有窗，而300多呎「共享空間」部分，則有沐浴間、2個洗手間、客廳和用餐廳區、設有工作枱及圓凳，及疑提供給入住者的儲物櫃並寫有編號。
有網民留言斥業主「無良心」、「咁嘅單位同劏房及籠屋無分別」，亦有人指「呢啲咁嘅地方，仲想租出比人住，你地有無尊重過人類，講到咁好你自己唔五代同堂住哂入去」、亦有人指「20個床位得2個廁所，咁我寧願住$2500樓下有廁所上面訓嗰個(單位)，點解香港人要咁樣對香港人」。亦有網民批評「太空艙只係比人旅行暫住、唔係用來長住…扭曲了太空艙的原意」。
唔見有沐浴間喎，如果係廁所沖涼，每個人沖涼時間都唔同，咁個廁所地下，馬桶長期都濕囉？
收兩千紋太空倉都諗住賺盡，預咗唔會有似樣浴室俾你慢慢嘆
根本係籠屋黎
瞓個位應該好過籠屋少少?？ 艙入面係咪有冷氣？
不過唔知無良業主點同你計個電費（我估2100唔包冷氣）
抄日本capsule概念，抄得様衰
喺日本係太空艙
喺香港係棺材艙
相入面廁所嘅左邊見到有花灑喉，應該要响廁所入面沖涼，冇獨立淋浴間
文章內已經寫咗包冷氣。
真係唔知佢係點過到消防呢關？
依家有冇法例監管呢類密集式床位？
失火真係會好大鑊
我唔覺得佢有過過消防嗰關 
佢住咁多人，係咪變咗賓館要攞牌？
好似多過六個房間，先至要牌。
（唔係好肯定）
該主題在最後一個回覆創建後90天后自動關閉。不再允許新的回覆。