睇公佈 政府要學生打針先可以上運動堂同音樂 我真係好唔想我小朋友打 佢讀緊k1咋
應該唔使，但其實唔上運動同音樂課無乜所謂，我細個時好憎上呢兩個課堂
音樂堂又要唱歌，又要記拍子，仲要考試，最憎，運動堂還好少少，有時可以同fd 一齊組隊，不過次次上堂都要熱身，跑到死吓死吓，對我呢啲身子弱雞學生嚟講一啲都唔好玩
2個讚
學術性課堂無分別
但唔比上音樂同pe 已經係歧視
3個讚
小朋友最中意上 呢啲時候係社交
2個讚
係，但無辦法，吹佢唔脹，所以我係香港一定唔會生小朋友，但巳經生咗嗰啲無辦法，一係硬食，一係移民，所以有好多有小朋友嘅人都移民
6個讚
細路仔都唔放過，要咁樣逼針法！
我小朋友k2,好唔想佢打針，但唔打的話其他同學仔去上音樂堂/體育堂，而佢冇得一齊玩一定唔開心…
對小朋友又未必嘅。。。
喺唔影響“學術”成績嘅前提下
令小朋友唔打針=被孤立
小朋友未必成熟到分析打唔打針嘅事
只係知道無得同其他同學一齊
好似一個懲罰咁
2個讚
就係
我好唔想佢打針 我怕佢有咩副作用
1個讚
我個仔今年9月都要讀K1…
到時都唔知咩環境
真心唔想俾佢打針
我無小朋友，但如果我有小朋友，我唔會為有冇得上音樂體育課呢啲事而帶小朋友去打針
現實就係咁殘酷，玩分化，而家留得喺香港嘅人只有硬食，無得say no
3個讚
又迫人移民啦
1個讚
我細個最憎上音樂同體育堂，唔上咪唔上囉
X2, 我都係咁話，其實成日話小朋友鐘意上，我都唔明係大人鐘意小朋友上，定係小朋友自己鐘意上，定係其實小朋友對於自己上唔上都無乜所謂
吓，你哋唔鍾意上，咁下一代無得上就等於無問題？！
再講，而家唔係俾你揀上唔上自己唔鍾意的科目，係唔俾上喎
3個讚
相反你自己唔鍾意上
亦唔代表所有人都唔鍾意上
留一下樓主小朋友係 K1，唔係小學中學。
幼稚園德智體群美，體育同音樂都係重要元素，唔上音樂體育幾係幾乎冇得上堂，而且咁樣被調走課室，小朋友唔理解只會覺得係自己被懲罰，而其他小朋友可能覺得唔打針嘅人係做錯事可以被罰冇得玩。
我幼稚園小學中學都最鍾意體育音樂堂，體育堂被取消嗰下真係好唔開心。都明唔可以因為咁樣而打針，只係從小朋友心身角度著想，冇體育音樂堂影響全人同社交發展
4個讚
我唔鐘意啫唔代表全世界，唔係話無得上就等於無問題，而係講緊現今香港，一係上（要打針），一係唔上（唔打針）， 除咗移民，仲有無其他選擇？ 答案係無！ 你仲可以做到啲乜？去教育局投訴？ 去平機會投訴？依家留低喺香港嘅就要接受現實，我只不過係覺得上音樂體育堂唔係緊要到我一定要帶小朋友去打針啫，咁當然，亦都會有人覺得打針好閒，無得上音樂體育課緊要過打針啦
2個讚
我明小朋友可能會唔好受，咁而家香港係咁，仲可以點，一係打，一係唔打，如果唔打就要靠家長去開解小朋友囉
兒家幼稚園學乜嘢點都會加入音樂元素 跳舞 唔打就冇得參與 代表小朋友被孤立又影響發展