如題，我老公乜都唔處理，全部搵我。我要返工，湊仔，再要攪賣樓，申請visa, 照肺，開ib ，開戶口，租樓，選學校同落腳地都係我，期間除左潑冷水無任何意見，我就快發癲。
1個讚
咁衰，佢點樣潑你冷水？
佢唔想去定點先？
1個讚
例如我想去某地落腳，佢又話搵唔到工，我問佢邊度搵到，佢話唔知。
例如我想租apartment, 佢又話厠所好薄身，d水會射左出去。
1個讚
佢似唔太想去，但又唔想直接反對你（典型男人），所以樣樣都hea你。
9個讚
其實佢係咪唔想走？
可否同佢講清楚，
一係佢做，
不然就分工齊齊做，
開口就最好俾有建設性意見，
再唔係就唔好出聲。
4個讚
係咪你同佢根本未有共識移民呀？
男人心態hea 你。 要攪你自己攪。但我唔一定走
佢都成日傾向criticise d野，但無一個好既建議。我之前都話左佢二次嫁啦。
佢好似唔想去咁, 會唔會臨門一腳縮沙架
我會大大聲問候我奶奶，即係佢老母，然後轉拎特衰去加拿大。
4個讚
佢係咪根本唔想移民？
如果移咗民先佢都係廢，咩都唔理，到時你會好辛苦
3個讚
最好有共識，如果唔係去到遇到問題頭家好易散……
3個讚
其實佢心底唔想走或唔想變？
咁唔好理佢，唔好問佢建議（反正都係廢）
如果佢心底裏唔想走，但起碼身體上會跟你走，唔好理佢咁多，自己辛苦D攪晒所有野就算，最緊要走得到。
1個讚
“鄧”你辛苦。
正如其他人所問，佢是否唔想去？
我覺得點都要一齊付出下
爆佢一鑊，講清楚想點先啦。廢時去到英國先爆，人財2失，佢仲怨你一世
1個讚
我老公都係好多嘢都唔理，我同女病唔理，屋企啲嘢壞、爛、漏水、跳制冇電等都唔理，甚至試過個女重病，我打畀佢話好驚，話想送女入院，佢一句話「我點行得開，妳自己搞掂」(當時佢喺附近，佢阿媽屋企，冇特別事，佢幾乎日日都上去嘅)。
所以在我嚟講都覺得佢好廢。又有啲嘢佢會敷衍我，叫我照搞，等我搞完一大輪先話原來佢根本唔同意唔會做，咁仲激氣。至於移民，佢就好明確話反對，一樣講好多負面嘢同潑冷水，佢深藍，完全唔講理嘅，連個女想去外國讀書都反對，同佢嘈咗幾次，我堅持支持個女，自己唔走都應該幫個女走，我冇做嘢都寧願攞啲積蓄幫個女。所以都明樓主係辛苦㗎喇，幸好妳有搵錢同處事能力，一家唔知一家事，只能講句如果下定決心就加油！希望明天會更好。
7個讚
就算唔移民，平日搬間屋咁講野都唔得啦，淨係識得講，係人都識指指點點架啦，佢大王子呀？