好多人都有個印象係女人揸車係比較屎
但係在我家呢就唔係囉… 
我唔敢話自己叻, 因為我係一個好怕死既人, 所以我好謹慎
一眼關七, 唔會超速, 唔會衝燈, 違例泊車都勁少 因為肉赤俾人抄牌
但係我另一半呢… 幾個例子
某星期日 去左個無乜車既地方
死佬衝燈
雖然無車無人, 但係我都 “喂, 你衝燈喎”
佢就 “噢, 唔記得果度有支燈”
死佬晚上揸車去車站接我
當我等緊佢時, 佢打俾我話撞左車 
位置係車站附近一個迴旋處 咁我行去搵佢啦
佢想出迴旋處 望右見無車就行喇 但係佢唔記得未到自己出… 
佢撞左前面部車 兩部車加埋維修六位數字 好彩保險賠到大部份 但係自己NCB無曬 
好彩對方無追究其他野 人地大可以話自己Chok親條頸etc… 
hazard light, 左右燈呢D… 每次打一兩秒
我解釋左好多次, 打燈係為俾人睇 唔係自己為打而打
講得多我都覺得自己好煩, 但係佢真係成個馬路炸彈咁 
而我地全家性命又在佢一個人手上
都已經咁多年, 我唔覺得佢會有咩改善架喇
所以俾我呻啦下 
馬路炸彈
佢唔可以話屎既，但係極之唔小心囉
真係遲早出大鑊
Facebook有啲group （突發事件、馬路的事）個啲，成日有人upload 車cam片
比多啲佢睇，forward比佢
希望透過睇多啲，嚇到佢要多小心！
你係香港定外國？香港都好多「屎忽鬼」車cam
影到過雙白都可以send去運輸處扣你分架！
(點解讀屎忽鬼呢，因為有時我覺得人地似唔識路多過刻意）但係比人影到就冇得抵賴既
所以要更小心！
咁多年好難改,唯有唔好比佢揸,以後你揸
唔好坐佢㗎車
命仔緊要
係, 唔應該話佢屎, 係好唔小心, 我改返先 
佢揸車真係好似發緊夢咁
我有時提佢 打燈打耐少少 可能咁啱D司機望左第二度, 錯失左你果一兩秒呢
佢又勁氣悔氣咁應我 “alright, alright!” 可能男人樽鹽掛 
我地向香港呀!
我超鐘意睇狼少, 好好笑
咁大獲 
我坐車鐘意玩電話
有時又好難既, 有時我出左街, 佢都會車D小朋友 
我老公又係！成日車手上身咁！我已經盡量唔坐佢車…
我朋友老公考第3次車先考到
然後一年內炒左2次
好在人無事
最後賣左車
唔識揸車，不如搭車
賣鬼咗佢
下個十萬點賠，車死人點算
馬路炸彈喎⋯
睇落樓主你應該都有牌，不如你揸多啲，盡量唔好畀老公揸啦
對大家都好
好好勸下佢，一間有咩大吉利事就成世
我老公手車唔錯, 態度都幾好. 不過好容易比人挑釁, 我經常提佢要忍, 無謂爭一時之氣搞到有踫撞, 撞車之後嘅後續超級麻煩, 錄口供, 報保險, 維修, 追討賠償.
話時話, 都幾多人唔會係迴旋處打燈嗰喎, 呢D人好自私!
該主題在最後一個回覆創建後90天后自動關閉。不再允許新的回覆。