師奶通常都會慳家
買野前通常都會貨平三家
例如,你想買件貨品,例如一對波鞋
你行左幾間舖都係三百蚊, 咁你用左三百蚊買左
點知買左對鞋兩三日,未著過出街,你再行街見有一間舖今日特價 290, 你會唔會即刻買番一對,然後將原先屋企嗰對攞去店退貨攞番錢
我自己就唔會,一來買左幾日,又只係平十蚊,退貨一來一回又時間又麻煩 同埋又會覺得有少少唔好意思(為左咁既原因)退貨
但原來師奶咁樣慳左十蚊會好開心
死啦 我諗法係咪正常 幾蚊 十蚊我真係唔會咁做 做唔出
如果我買件產品,買完發覺完全唔駛size 或完全用唔到,我先會去退
換貨嘅時間貴過十蚊啦
大把人係咁
好多時唔係退錢而係換貨
我唔會浪費呢d時間，得不償失
當然正常
相信呢度大把會員都做唔出
為左慳十蚊就退貨
退完買唔番自己個碼就好笑 
十蚊一定唔會
基本上未試過退貨
我就吾會咁做, 浪費時間！
我有朋友係咁，佢樂在其中，計計埋埋又真係慳到錢ka。
但我仲未做得出
搭車出去換蝕埋車錢
我識嗰個同你朋友應該好夾
正如信用卡優惠，逢星期幾去邊度買野再搭邊張卡可以有幾多%優惠，加加埋埋慳到張business class 機票
唔會，一來有得退貨即係其他人都有可能試過退，特別係衫嘅話，個產品都會霉，一開始都唔會去果間店買。
真係咁執著嘅話仲可以揾張有得回水嘅信用咭，真係有附送嘅保險 plan 會幫你 claim 到呢類情況，唔使專登去退貨咁衰。
唔會, 唔想搞複雜野. 用啲時間enjoy life遠遠貴過嗰$10
不過有一次去大生比佢收多$80, 我就返去叫佢搞返掂, 呢個係原則問題. 當然如果幾蚊就由佢.
10蚊就唔會，但我有試過買傢俬，前一日買，2個月後送貨，下一日就見到佢話打折，平左幾千蚊，咁我冇退貨既，係有打番去問可唔可以平埋俾我。
唔會啦，做唔出。
類似case
今日我响Giordano 網，見到件tee $190減到$90，想買， 但驚size 唔啱，
咁就去門市睇，原來門市係$190，買兩件減$100，即係$280兩件，
結果我响門市買兩件唔同色共$280，雖然比官網買貴$100，不過慳返時間
你個case就用錢買時間同可以摸個實物先買 
係，唔想算太盡，好攰，而且我都慳咗$100
呢d case我會即場咁上官網買，對住product code 買包無買錯，但要唔急住著先可以
有試過去書局睇書，由於太想睇本書，明知網上做7折或者樓上書店都有，都因為想快d睇而買左，早買早享受。
同意