DSE 都十年，認受性其實唔需要擔心，相反你肯定你個女真係想喺日本長期生活 ?
我做過幾年日本公司，佢哋整個民族對待女性真係好 harsh，唔係我哋香港人可以想像到…
2個讚
dse 前兩年咁大件事。。。真係零影響？
我仔係2020 考 DSE，英國出BNO移民嘅時候，我以為佢會想走，點知唔係 … 。無錯，只係怕佢唔大唔細唔識死。
日本定居同入藉應該唔容易
以前難，現在定居係容易好多，而佢做動漫嗰行女權唔係咁差，touch wood 真係唔得，之後去英國搵返我都可行，咁多港媽去咗英國，佢教日文或畫畫班應該都搵到食。
2個讚
佢係咁諗，而且佢學動漫係去日本學最好，佢話香港漫會/city poly 嗰啲畢業生畫嘅嘢好難有 market 和無靈魂，藝術嘅嘢我識條春，佢學術差，由佢去學一技之長都無壞。
DSE 嘅問題係愈來愈跟糖走，歷史科有啲嘢已經改得好勁，英文科程度低過 A-level, oral 都無埋，考普通大學可能仲得，過多幾年遊戲規則可能又大改，仲有大媽區考生，以後評分標準會唔會就哂佢哋都好難講。
1個讚
DSE喺國際認受性有幾高都好，對一個中學生嘅學識唔會話有相差太遠，考得好就唔怕冇機會去咩野大學學習呱，更何況將來嘅嘢鬼知道。其實人生活都係想過得好住得好生活得好，小朋友係乜環境下都學得好，就唔需要因為要自由及理想嘅情形下，重新適應一個新環境去學習，香港嘅教育雖然係差咗，但勉強都還可以，更何況睇到而家歐美噉嘅生活環境，留返啲錢將來睇下點仲好啦。
你一家人務必留低適應新環境就好，親！
3個讚
講咁多無用㗎喎，你自己心入面都有答案啦，想留咪留囉，真心，你嘅價值觀咁樣，真係千祈唔好移民去外國，一來搞亂人哋嘅文化、價值觀、二來你去到外國實夜怨日怨，你都係留返係香港等個仔入北大清華啦
唔認同人哋嘅文化、價值觀、生活習慣等等嘅都千祈唔好移民，免得後悔、累人累己
2個讚
我都唔明佢不停咁話人哋唔好，把鬼。
呢類人唔使深究，反正sync唔到.
1個讚