有冇人有相似情況？謝謝
我覺得同大人想搵多兩年錢先去嘅諗法差不多，不如諗返你哋點解一定要走，可能會有更適合你嘅答案。
5個讚
啱，同大人諗搵多兩年錢想法差不多，係咪一定要走就唔係，走可能只係為下一代，另一半就無太多睇法
其實如果係中四真係尷尬左D，當小朋友9 月過來讀書，如果年尾出世，就要過來讀year 11，點可能幾個月後追曬成個GCSE 課程就考試？如果年頭出世仲慘，一過來就要讀year 12 A Level ，咁點追？
所以我覺得如果你真係好急想過來，不如幫小朋友報大學Foundation course，然後讀埋中五就過來。否則，都係建議考埋DSE，用DSE 成績過來報大學。
2個讚
識人醫科讀咗兩年依然係學霸，都走！
所以都係讀埋中六先
我個女中5，考埋先走 (Full fee 我都要儲錢去畀佢讀)
1個讚
如果香港入到，我仔就未知肯走喇
而家都中四，先至去英國轉考A-level 唔知追唔追得上。 同埋第時佢英國讀大學都要比外國人學費。 唔知你經濟上有冇需要考慮？
到佢入得大學，年紀都唔細，係小大人了。走定留到時由佢自己決定啦
你會5+1過去還是只係個女過去讀書？
謝謝你提醒呀，如佢過去讀大學，我會賣樓走人(當然大前提係仲有5+1)，如無都可以，只係無咁鬆動囉。
其實現在都有自己睇法，係怕佢仲細未識諗太長遠嘅事啫。
早走早著，早適應外國讀書模式好過
1個讚
有心去點解仲要拖？香港讀仲有前途？？？？
不如早點過去適應那邊生活學習仲好啦
如果小四真係可以頭也不回，但中四要考慮因素係複雜左，兩邊學制不同，加上佢又有自己想法，所以都要啲時間去準備
1個讚
考DSE中文其實係嘥時間又難, 而家仲要考埋嗰科所謂調控了的通識, 如果我係佢我會即刻逃避DSE.
1個讚
5+1都已經唔係啱啱嘅事，真係要走仲想要幾多時間準備？
你都識講係為下一代走，咁點解唔果斷啲，而家就走？
到你阿仔考完Dse，佢都大個，到時佢唔想去你都迫唔到佢
其實佢而家都唔細，都要同佢傾吓想唔想去外國生活，如果佢唔想去，你諗再多都冇用
1個讚
呢個年紀過嚟讀書好尷尬，滿16歲council 唔會幫你揾學校，過嚟一定要plan好讀書d野先好衝過黎。之前見有人乜都唔知過咗嚟，搞到小朋友讀書好麻煩
錢唔夠，遲啲9月定10月佢又可以獨立申請5+1，佢應該會自己過去讀書先，我同老公遲啲先5+1
3個讚
謝謝你明白
你小朋友已經過左18 歲？如果係，呢個安排應該係比較可行，因為如果未滿18 歲，除非讀Boarding School，否則應該都要有家長陪住。