我仔內向細隻無自信，喺香港讀書時都無朋友，嚟咗英國都擔心佢被人欺淩。萬幸呢度學生好好，和香港時比，起碼阿仔講得出同學名，同學又理佢，老師又對佢好好。
不過仔都係無真正意義上嘅朋友。今日同我講，成日笑佢嘅，反而喺坐隔離嘅香港細粒同學。我同呢位同學媽咪好friend，但都唔知點開口。
言語上笑我仔，又唔係話好大件事，但日日係咁就真係慘嘅。但為此同人地阿媽講，好似反而搞大咗好件事，我仔證供又未必可信。
同阿仔講道理又試過，鼓勵又試過，明明默書剩係錯少少字，我地大讚佢，佢都要唔開心。同佢講好多次成績唔重要，但默書佢就好緊張，都係無自信，唉。
我叫仔自己同老師講，仔話老師應該知。我叫仔向老師提議下個term調位，反正term之間都成日調位，但阿仔又唔想講。
而家打算放學後我自己去同老師講。但我唔想講到人地個仔好衰，好似投訴咁。希望我啲英文語氣把握得好啦。
我細個都係內向無自信。我覺得父母能幫既係多抱抱
小朋友，心靈上支援佢。有冇試過整唔同既小禮物俾
班上小朋友？
英國都要默書架??
點樣笑先? 小孩子講咗d 乜?
英國學校欺淩好嚴重, 唔好話hk 人自己欺負 hk 人, 本地都好多好多呢d 事, 當然喇個個地方都係嘅, 真係要關心小孩子
會唔會俾多少少時間亜仔處理下先？
其實佢都講咗幾個月
要，不過數量好少，易過香港好多。英國有指引，咩年級要串到咩字。我覺得好事嚟，以前香港國際學校無默書，由得阿仔成績落後唔理我仲驚。
反而呢度嘅英國人對我仔都幾好。
係啲好無聊嘅細路嘢，大人聽落覺得無嘢，但因為個小朋友成日講，所以我仔覺得好煩。
不過我仔表達能力有限，聽完我都唔係好明。所以我都想問下老師，睇下老師會唔會知咩事。
我都係咁諗
我有個小朋友都有similar experience, 唔係言語上被bully，而係坐校巴我小朋友好想訓但隔離個同學唔想佢訓又唔比佢調位離開佢，係都要我小朋友陪佢，咁點好呢？我小朋友向我明言覺得佢好煩。
唔係咩大事，但我覺得係比小朋友發揮一下點去解決問題又唔傷友誼既好機會。
雖然sen有sen既難處，但鼓勵小朋友試下自己解決問題既出發點都一樣。
我開頭都係咁諗，鼓勵咗佢幾個月去解決。不過情況轉壞
當向老師了解吓囉都好嘅… 我因為要返工都冇了解小朋友學習情況,
以前喺hk 老師會成日聯絡
呢位老師都好好架啦，日日陪我仔傾計，所以我儘量唔想再麻煩佢，同希望我仔自己向老師講，唔想俾咁大壓力老師。從來無老師對我仔咁好。
老師之前仲特登安排朋友俾我仔，呢個蝦佢嘅小朋友都係本來安排嘅朋友。
可摸意透露下個香港同學對你仔講d咩
幾個月都係咁，又好難忍手
份而我喺hk 嘅老師好好多, 係恩人
呢度我預到嘅老師都好好, 不過唔係話特別關心我仔
甘不如你同果位hk 媽媽講下? 佢會唔會都可以睇下自己個仔講咗d 乜?
講出嚟真係好無聊，亦唔知幾多係真係假，大家保持距離。
仔：同學日日笑我每日洗手唔夠7次
我：佢又知？
仔：我自己講嘅
我：你洗手太多就真啦！你成日少少事就洗手，你每日洗手起碼20次啦
仔：係咩… 我覺得無…
然後我就說服佢洗手超過咗7次
仔：我鍾意數學，佢地唔鍾意，可能因為咁佢地唔鍾意我。
我：唔會瓜？香港小朋友多數都鍾意數學
我心諗，其實係我仔傾唔埋計，或者行為有啲怪，所以大家唔鍾意佢姐。
唔啦… 太少事，唔想驚動家長。佢未必信我，未必信我個仔，佢亦未必幫到手，一陣朋友都無得做
我都唔會想搵對方家長，因為小朋友世界既事唔想involve 太多，但搵老師了解下maybe 都好既。
香港同學笑佢乜先，話唔定唔係恥笑，只係D無傷大雅既開玩笑，對個細粒同學嚟講可能冇乜嘢，但仔仔因為之前經歷而諗多咗？如果係咁，好難同同學媽咪講，好似開玩笑都唔得，驚嚇怕咗人哋唔敢再同你仔仔玩。所以要知道笑乜內容同對方態度先可以決定點同對方家長講。
話默書完全冇壓力唔介意成績就太理想，小朋友都會有心理壓力。我覺得同佢講完全唔介意成績，讚得OVER咗，會連個小朋友自己都唔太相信。不如試下唔避談佢有錯，而係一齊檢討，但態度係輕輕帶過咁，即係比佢知道，媽咪見到你有錯，OK我話咗兩句檢討完，件事完咗喇。有時人「犯錯」內疚，比人話兩句反而仲有心安理得感覺。
至於自信…我覺得有一樣嘢自信，個人就會正面好多，連其他本來冇自信既嘢都會覺得自己唔係咁差，或容易接受自己果方面冇「自信來源」咁叻，比較可以面對自己。以我個女為例，佢D自信係英文、美術、音樂度嚟，數學好明顯冇其他科咁好，但因為有其他方面做補足，佢對自己數學唔夠好好似冇乜所謂，間中攞到高分仲肯定自己「原來都有數學天份」。試下同仔仔搵其他嘢建立咗自信先，可以係樂器，可以係踢波，甚至係行山有耐力。只要有一樣自信就比較能面對自己「失敗」既地方。
我唔係好贊成代仔出頭既，但唔代表家長唔可以介入。可以換個角度講，話仔仔初到貴境，唔知能唔能夠融入環境呢？聽下老師點講先，可能老師都注意到D嘢。如果想調位，可以試下話想仔仔快D融入社群，可唔可以幫佢調同LOCAL同學一齊坐咁。佢安排兩個香港同學坐一齊，可能都係諗住佢哋同聲同氣可以互相幫助一齊快D融入，如果有家長主動想同LOCAL同學一齊坐，我相信老師唔介意既。
祝你仔仔早日適應新生活！加油呀！
可能要教呀仔識得appreciate 自己既獨特之處
即使其他人唔明白，但自己都唔可以睇少自己, 亦唔使特別融入人地， 或特別放大人地講既野
不過呢d講就易，要慢慢感化。。。
明白明白,我都係新手媽媽哈哈, 個仔小學都唔係好識處理 
你講嘅我都好讚同。剩係回上面呢一點：
佢叻係天文地理政治數學，返學上呢啲堂佢會好開心。不過我未找到數學club俾佢，其實想佢參加下數學比賽。
興趣方面，我都用咗幾年時間去發掘佢嘅興趣，講得出講唔出嘅興趣班我都試過唔少，試咗三十幾樣左右？例如之前試過滑板，佢明明好叻，係咪學校表演咗次，但佢一樣可以玩到發脾氣。
老師話最好選群體運動。試啱咗籃球，佢鍾意，但人矮打得唔叻， 輸波發脾氣，但我會繼續俾班佢上。
仲有國際象棋。但有次上堂輸棋，佢踢台，被老師趕出班。好彩有位識handle sen嘅老師接咗手，佢話會教識仔點輸 ，呢個我好期待，希望仔學到