有網民於facebook群組「香港抗疫關注組」上載一張相片，並指「過咗世都要安心出行」。相中所見是一個非常逼真的紙紮手機，外面包有金色盒，而「手機屏幕」位置則顯示安心出行的畫面。不過該名網民未有提及有關紙紮在哪裡出售及價錢，亦沒有交代詳細內容。
帖文引來一眾網民熱烈討論及分享，有人笑言：「過咗世應該唔使掛」、「安心都是… 心安就是…」、「咁罰$5000陰司紙好濕碎啫。」「第1個安心出行checkpoint，應該係奈何橋，但唔可以堂食，碗孟婆湯要外賣。」「冇感染風險通知都好，如果唔係落到去又要去球場排」，另外亦有人指：「死後如果有人燒啲咁嘅嘢畀你，你哋會有咩感受?」
