最近大家都睇咗熱爆嘅移民紀錄片《One way 單程路》。睇完大家都知女主角做咗recruiting agent。佢嘅fb有大量藍領工作需知，幾詳細
4個讚
香港人找工作嘅困難
欣賞佢
港人移民 數個常見難題
- 無車/車牌
1.1 無車 無車最大問題係影響返工
因為真係比較難有一間廠係市中心
或鄰近民居
（尤其是港人係唔會揀鄰近工廠嘅地方住）
原因好簡單： 你係唔會expect工廠放工時間
所有車放工 塞住你門口條路
或一大群人踩單車放工 又係塞住你條路
加上大家財力有咁上下 揀好區揀好治安
咁好區地價貴 又點會用黎起工廠？
你都唔會揀係九龍塘開間膠花廠啦
而近車站
車費唔平 行路好金
做完都唔知袋幾多 然後唔做
如果你唔識揸車 咁你可以考慮 超市 麥記
如果連英文都唔想講 就中超 中餐館
（但都要兩文三語 你懂的）
1.2 得一架車
移民男人係最慘 因為老婆通常 有車牌唔敢揸
或無車牌唔識揸 或有車牌但唔想買兩架車
咁通常一個就肩負起司機重任
即係生活係車老婆返工 車仔女返學
家務 然後車仔女放學 車老婆收工
或者 老公返通宵 返黎車老婆返工 車仔女返學
訓教 車仔女放學 車老婆放工 自己返工
我見咁揀嘅 通常都會做12個鐘 4on4off
而老婆又唔會返工
1.3 自動波牌
我深深明白 自動波車真係好貴
又無咩選擇 再加上 自動波真係做唔到司機
因為公司唔會出自動波車俾你
（管理層或你老闆好人另計）
所以叫做有牌 但唔做得van driver
加上人人都有車牌咁滯 所以競爭力下降
（你記住你對手唔單單係英國人 仲有n個國籍人）
Uber domino另計
-
托兒
人生路不熟 人工又唔高 四大長老在遠方
E媽姑姐又好難幫手
我每個月都俾好多錢nursery
好難有一份school time only 工
（係學校返工就易啲 但工時又低啲）
結論係計完條數又係唔抵 -
英文聆聽
香港人睇 同 寫 都有咁上下
但一聽電話 佢一快或有口音 就
今日同同事傾計
佢話香港人cv靚 但language barriers真係問題
然後就係揸唔到車返工 僱主好擔心你點返工
講完一輪 我諗大家明白移民前要準備咩技能
#其實係香港同人搶下野無咁悶
#英國兩個人返工錢幾好洗
#但英國無咩人脈好難即時搵返同一個高度嘅工
#入到本行叫好彩
#其實英國無咩錢洗
5個讚
車真係一個好大問題，有架車周圍搵樓搵工會順好多，所以我開始明點解Manchester 同Nottingham 會咁多香港人去，因為有metrolink
我好慶幸家中2個男人都有車牌，所以返工返學冇咩問題
1個讚
有時出左啲工 就會發現有人留言
做12個鐘 好辛苦 係咪英國啲工都係做12個鐘架？
仲有 俾人問得第二多嘅問題係 點解啲更咁奇怪嘅？
英國大多數工廠 都係返6-6 12個鐘
因為廠同倉係7x24咁運作 原因好簡單
買多幾部機 只做日更 定係同一部機 請兩更人
開足部機24個鐘好呢？
（所以點解又成日接到通知 工廠壞機
叫一部分人唔好返工）
而比較常見兩種更係
4on4off 返四日放四日
有人鍾意呢種更 因為返四日等如返左一份全職
有更多休假 更多時間照顧屋企
而管理又容易 4個人一組就可以run到一個早夜更
4on4off 有啲公司仲會 兩早兩夜 或四早四夜
咁就大家都可以「公平」地做到早夜更
（perm通常有更大機會要咁輪 聽過幾間出perm offer
俾人 但最後人地拒絕嘅原因就係唔想咁輪）
另一種更 叫pitman shift
因為有人覺得4on4off成日都唔係固定星期幾放假
好煩 就會用pitman shift
即係一星期12 56日 下星期返34
兩星期為一個週期
兩公婆一個red shift 返34先
另一個blue shift 返1256日
就唔駛怕half term 暑假無人湊仔 大假唔夠用嘅問題
又可以唔駛成日返weekend
又可以有平日時間做下啲平日先做得嘅嘢
又有固定更表 唔駛出更表先知邊個可以湊放學
邊日可以出街約人食飯
咁你會問 點解有啲工會有0900或0800咁返工
原因有幾個
- 間廠根本唔夠單令佢可以開7x24
或日班已經可以解決 - 係因為專登同個廠bargain 話俾佢知
我有一班香港人 ready to work
但因為無車 唔想返咁長時間 所以你開一更出黎啦
咁廠有幾個情況會答應：
- 佢間廠有多左嘅機器 但無人返工
佢會同我地講 如果你請到幾多個人 我就開一條生產線
俾0900-1600嘅人做啦 而因為呢一更特別更出現
會出現大家估計唔到嘅混亂 例如 你俾人叫左去其他team 個supervisor 唔知你夠鐘放工 或個supervisor
唔知點安排你放break 所以就憑感覺去放你
或唔記得左放你 - 佢真係急人急到暈 有多一個人企係度都算啦
但結論都係因為急人急到暈 所以行政都係超混亂
頭痛醫頭 腳痛醫腳先啦
有啲廠仲會出現企係門口等有無工開嘅情況
如果早更唔夠人（可能係放飛機 可能係射波
可能係天意 可能係難撈 咩都好啦）
或個更點人頭發現唔夠人 佢地會開少一條生產線
咁多左出嚟嘅人就今日無工開 入唔到門口
個日要返屋企
至於肉廠 返0730-1645 星期五放早一個鐘
我以為出糧 大家可以早一個鐘去玩
當然呢個係一個原因 但另一個原因
我諗 係因為最早（私營機會較多）嘅托兒所
Breakfast club係開0700 咁放低個仔女就返工
放工等個仔女放after school club就接放學
而有啲學校 星期五會放早一個鐘
所以佢地星期五又要放早一個鐘工
好多人都會話 你同廠反映下啦 下下都12個鐘
又輪班咁血汗 或者人工咁低 咁血汗
其實 當一間廠願意配合 某程度佢地係管理上
係做多左好多嘢 當然你都可以話 佢急人
點都要就你 但其實 有啲廠會選擇
咁我今日開少一條生產線啦
你知 要英國人改變原有一套 其實唔容易
我地去sell間廠肯開更
係用好多以前香港人係唔同廠建立出良好嘅聲譽
如唔會no show 勤力 手腳快 ready to work咁
去說服間廠出車（呢樣仲難 因為點解佢要俾更多嘅錢去請人）同埋 改下啲更數
試過有間廠 要6個人 廠明白大家英語水平唔係咁好
所以安排2個 2個 一星期咁加入去 方便照顧
點知返左4個 4個話間廠好遠 返兩日就無做
結果 廠好婉轉咁同我地講 無車同埋唔係住附近
就唔請啦 當然廠係有問題 但有時我都會諗
自己係咪都有問題呢（最後無再幫間廠請新人）
以前我企工廠 我都會諗 點解我隔離個個做到
我無理由會做唔到 有時融入
唔係叫人地改變原有生活方式習慣
去遷就自己 人地肯遷就你 當然你可以睇
人地覺得你身上有「利用價值」 同時
你亦都可以感恩人哋願意遷就你 或 體諒佢嘅混亂
至於未到埗嘅香港人
唔好再pm我半年後先黎 可唔可以申請定先
一星期都可以有變數 何況半年
而揀落腳地 我建議你唔好揀啲勞動力滿瀉嘅地方
因為人地大把人係門口等開工
你會變得無bargaining power同埋升遷機會少左
Btw 唔好再話份工係「乞兒工」
每一份「乞兒工」都有人係入面做緊
你覺得佢唔好 但有人會喜歡
6個讚
如果2公婆返4on4off真係夾到時間湊仔，好過返office，又可以有2份全職收入，不過辛苦
原來佢有fb
佢fb都幾正面吖
3個讚
好佩服個女，肯做肯捱，不過都希望佢尊重下老公，佢老公係無佢咁叻，但起碼都肯做家務同返夜更
佢解釋到點解兩個人返工需要兩架車，而唔係高消費。
1個讚
佢表達能力幾好 長篇但非常清晰有條理
1個讚
因為係中文老師
1個讚
佢fb講到，因為香港人好用，有間廠特登整咗條全香港人生產事，專車接送香港人返工。
又有廠升香港人職。雖然東歐人都好勁，但香港人識英文，可以升
6個讚
新移民英國既香港人加油！
有fiona呢d咁好既前車又寫face book解釋廠工係點，又聯絡廠房開多d位專俾香港人。（咁佢都有糧出既，想幫人但避免有位俾人入話人血真係好難，佢好好）要好好珍惜。
新移民真係要諗清楚，廠工其實真辛苦，唔好做伸手黨，唔好做兩日又no show做衰香港人個朵。
1個讚
如佢自己所講，佢只不過打份工，從無話過自己幫香港人。所以亦無需要講佢人血，明買明賣
1個讚
冇話佢人血呀，但有酸民話過佢。佢都好貼地，真明買明賣，唔係哄人去做廠。
3個讚
遲到埗的香港人其實幾幸福，有好多前人去問下，指點下。只要有禮貌，香港人通常好肯幫人。
希望同路人加油，喺不同地方發揚香港人精神。
2個讚
我都解決左車既問題，我運左自己架自動波車過英國用，我老公就買架手波細車用，都ok
自動波車真係好缺乏，真係無既，去踩單車，唔錯既選擇，可以去啲二手網睇下有無平貨，買一架來用
好多工廠同warehouse係好遠，大部份都有免費接駁巴士去幾個唔同嘅火車站接送員工，否則無人做，同埋會鼓勵有車嘅員工接載無車嘅員工