有無人同我一樣, 除咗男朋友無其他朋友, 好想有番自己的社交圈
我都無乜朋友啦~~ 但應該係人年紀大咗，朋友都有自己家庭少咗接觸
再加埋疫情…唉
依家都淨係得個男朋友陪下
係, 只係想有返自己朋友, 自己圈子, 其實係咪人生必經階段
我嘅case就性格興趣都有影響，有D人成世都好多朋友，生活多姿多采
但我自己就自閉仔黎，鍾意喺屋企打機或DIY做手工之類，仲有係服侍主子 
曾經有兩年除咗男朋友我無哂朋友，後來頂唔順同佢分手，原因係佢連我同同事食lunch都要管
一樣啦! 我都好內向, 我無你好咁心機有手作仔, 我都係湊吓毛孩咋
型呀你, 咁宜家係咪你期待的生活
跟住單身咗十幾年，哈！最黃金時期努力去玩係開心好多，宜家人大咗停下來突然結咗婚，覺得時間啱啱好
到！自己都被動同無特別維繫既，疫情過後想建立返個新圈子，唔可以太依賴另一半
你好叻呀, 搵到自己想要的 
我覺得通常都係男友箝制得太緊要先會無晒朋友, 識幾個朋友都係咁, 同GIRLFRIENDS 行街食飯都要審犯咁
認同, 我都咁諗, 男人太多節目, 女人都唔可以執輸
1個讚
唉, 其實都算係
阿女, 咁你要諗清楚, 過份佔有欲係病態嚟 (最慘好多時仲唔止係管你, 仲要踩你同你D朋友, 除左我無人會揀你, 你D FRD都係港女豬朋狗友…之類放負)
我旁觀者清見到都會同D FRD講下, 聽就聽唔聽就算
真係有呢啲對白 …
咁你應該慶幸呢個只係男朋友, 你仲有逃生門 (如果你把握到)
我講我自己見過嘅情況你自己斟酌, 有次我同果個"鵪鶉"FRD食飯, 奪命追魂CALL 好快就嚟, 跟住我個FRD就好似做賊咁行埋一二邊講, 不停咁SAY SORRY (都唔知做錯乜?!), 然後大家就食之無味咁草草結束果餐飯, 我個FRD就好似趕宵禁咁返歸, 控制男會打去佢屋企確認佢返到家, 我其實真係好想煎佢兩巴 (我講我個FRD), 呢個世界無晒男人喇咩? 無男人會死咩? 做乜搞到好似坐監咁, 仲要成日忍受言語暴力, 真係痴痴地, 好彩我個FRD最後都同控制男分左手
另一個又係類似, 不過呢個FRD唔係好熟, 但佢話佢個控制男會好似直昇機咁MON住佢, FB多左一個FRD都會審佢, 問ADD左咩人… 好恐怖
7個讚
收到, 你FD慘好多, 多謝你提點, 我會多留意
我嗰兩年都係咁，一路食飯一路要喺電話數同邊個食，我覺得好醜，啲同事好好嬲我咁唔爭氣日日都聽佢電話講同樣嘅說話
男人樣樣要管其實都係無自信
6個讚
可能有d女仔會buy, 覺得個男仔好緊張佢
1個讚