就算幾唔鍾意老爺奶奶，但話哂佢地都係爺爺嫲嫲，亦係我老公既父母
我有好多矛盾既諗法
老公怕一旦開左個頭，剩係佢帶小朋友返老豆老母度，我就以後都唔肯跟佢一齊返
我未至於要唔見兩老，我奶奶算係冇乜野，傳統女人一個，老爺就大男人
老公最近講過一句我同老爺性格都咁硬，唔怪得你地相處唔到
請問大家會唔會俾到咩意見我
有冇多少少background
你諗住小朋友邊幾日去爺爺嫲嫲住？你老公想同住，你唔想？
1個讚
你唔想去99屋企？但係你老公想你去？
小朋友而家幾大？你老公唔想自己一個帶小朋友去99屋企？
唔係好明你想問D乜？唔知點俾意見
其實你唔鍾意佢哋d 咩? 大男人成點令你唔鍾意?
咁你性格係咪好硬?
搵D 理由（工作OT 呀、外家有事呀、要讀書上堂呀咁…）唔好去咁密，過年過節先去，或者留一陣走唔食飯，或者老公仔女返去食飯，你就佢地食完臨走先出現。
其實如果老爺都同你相處得麻麻地，佢都未必想時時見到你。你肯放低仔女畀佢地見下D 孫，已經唔錯。
最緊要你老公有係父母面前幫你講說話。
2個讚
我老公介意我迫佢搬出黎
就算我關心兩老，但因為唔能夠同住而導致老公响照顧父母上既不便，統統都入哂我數
好慘~
即係宜家一直一齊住, 你老公又唔想搬出去?
咁當初結婚有無講好係一直住佢父母屋企定點?
結婚前我自己冇諗清楚我唔適合同兩老住，係我唔好
我地已經搬左出黎，我對於兩老既照顧，會間中有意見
講返同唔同老公去探兩老呢個問題，我做唔到一件事還一件事，總係會因為老爺"激氣"，而想少啲返去
表面睇，我老公似乎夾起中間
不過我最近發現我老公，我老爺，同埋我，次次有衝突時三方都互不相讓
都就左你搬出黎，你都要就返下你先生啦，除非老爺好過份，有冇例子？
因為怕佢中左covid冇野食，所以之前搵機構送左啲物資俾佢(我自己屋企都隔離緊)，老爺唔岩口味，所以落order叫我地快啲拎返走
老爺食乜要自己話事，我地拎物資前冇問過佢，咁係唔岩既，但就係明知佢會拒絕，所以先跳過商議呢部份 (主要係老公唔鍾意溝通&交代太多)
我想佢做返次快測，睇下轉設陰性未，佢連日拒絕
其實，如果要講過份
咁每個人都有過份既地方?
眼見老爺次次响電話都提住啲野食唔岩佢食，老公又唔想再理佢 (老爺隔離期間日日照落街)
我暫時都放唔低件事，所以先無謂呢個時候返去見兩老
老公自己一個返去先好啲
記得同住果時
奶奶都有認證老爺係大男人，係大老爺格
我係，同老爺火星撞地球
呢點真係唔太知
但明顯最想見到粒孫
以前上到去，其實我都好識做人，唔會提啲有衝突既位，反而試過老爺會借醉
不過試過最近有次佢唔係直接講件事，我自己聽落唔知佢到底話緊邊個，個心都唔舒服
老公果晚都有响老爺背後話鬼佢恃老賣老
呢D 反應真係好多老人家都係咁，我自己老爸、老媽都係咁，真係唔明佢地點諗。
對住呢D閔塞嘢 ，我就隻眼開隻眼閉算，唔好當佢係針對自己， don’t take it personally 。佢話拎走就拎走，唔測就唔測。
1個讚
距離產生美感，老爺嘅事唔洗太操心，以後冇佢同意，一樣野都唔洗買。
有個Auntie講過屋企有好多野食，食唔曬，之後所有節日都冇再送禮比佢。
樓主唔想上去，但可以接受老公帶小朋友上去，但老公唔ok，驚你以後都唔上去，係咪咁？一係應承自己會一個月上一次，其餘時間老公想見就老公自己帶小朋友去，咁樣得唔得？
係，呢個情況都已經維持左好幾年
我自己都擔心開左先例，我會愈黎愈唔想上去
況且，我自己都想睇實小朋友
呢個都似乎係一個唔錯既方向，我自再思考思考，謝謝你用心提供意見
1個讚
好，即係我想照顧老人家冇問題，但就要學習點到即止
多謝你分享auntie既例子
而家又開始有返強檢，我都仲係會掛心要幫佢地買定啲乜，聽完你咁講，或者都係等兩老出聲先再算啦
2個讚
大男人好難頂
如果係我，都會照上去，因為怕老公同老爺之間有乜衝突，我睇住小朋友，唔好俾佢嚇親。
但入門口前，我會提醒自己，我又聾又啞，聽到扮聽唔到，等老公去回應佢哋
1個讚