我係2月尾確診的，而家懷孕27週。
我上年9月打左第一針復必泰後就有左，無左第二針。我份工要跟疫苗護照，即係我4月底唔打第二針就返唔到工。
政府近星期按聯合科學委員會聯同專家顧問團意見建議 確診後90-180天先打疫苗。
咁我今日去做私家產檢，同醫生講返呢個情況。醫生回覆政府決策每日唔同，佢都唔知點跟，所以唔開醫生豁免紙比我，建議我等政府5月更新個安心出行apps 放確診康復資料。
我同醫生講： 但我4月底就返唔到工喇喎…（雖然我都有預算最多no pay leave 到生；也好明邊有私家醫生敢開豁免紙，所以無怪醫生）
但我唔通係咁睇醫生，睇到一個肯開咩…
結果我就去左政府確診人士指定診所，拎到打針豁免紙。無論復必泰定科興都係豁免90日。
個醫生有問我做咩無打齊2枝針，我都有講返。
分享一下：
我係用HAgo apps ，每個鐘搭正，禁入預約指定診所book 位的，邊個區有位就去。
政府資訊同決策每天在變，只能分享呢刻我既經歷，希望大家孕期都平平安安啦
