岩岩响lihkg見到有人開po請大家貼youtube搜尋紀錄
令我諗返起我當年有提議過類似既野：
即場睇準新郎既手機相簿
數下到第幾張相先見到準新娘
例如數到10先見到準新娘個樣，就要做10下掌上壓
當年準新娘話有興趣
但因為姊妹間冇人和應
所以件事不了了知
大家都係比較鍾意玩啲食入口既遊戲
呢樣我就冇興趣喇
大家有冇興趣分享下其他玩過既遊戲呀
3個讚
限聚喎？仲有得玩呢啲?
當年啲姊妹唔係咁熟我，我老婆在姊妹會議 suggest 咗個好難嘅 game 俾我過關，佢明益我發揮急才，係要在箱入面抽十個詞語，當中有啲好差嘅，例如「八婆」，再組織成一段好 sweet 嘅誓詞。
5個讚
試過所謂愛的宣言，但係要抽籤，抽中邊個國家嘅語言，就要佢即場Google Translate，要新郎讀返出嚟，個效果已經好搞笑。
5個讚
我好鍾意諗玩新郎遊戲，但一定堅持唔玩核突野，唔傷害身體，唔會整亂新郎/兄弟個頭的遊戲
我地玩過
1）揀10張不同時期的拍拖合照，叫新郎由遠至近排返
2）愛的宣言，內容要包含由新娘揀定10首歌的歌名
3）跟住啲廣告poster 擺返同一樣的pose
4）將紅棗吊上天花，由兄弟抬起新郎食（如果新郎有返咁上下重磅仲正）
5）新娘+姊妹提早印定手掌印喺紙，叫新郎估下邊隻係新娘的手印
6）唔用手拎住的情況下，用麵包咬出LOVE/新娘名字的字母
2個讚
呢個都係我之前啲兄弟/新郎堅守嘅第一個大原則
2個讚
記得好清楚
啲遊戲多數係你負責諗？
睇黎你成日都做姊妹
我5次內
唉… 早幾個月見到呢個POST就好喇, 我個fd個出門就唔駛咁核突, 又係食核突嘢, 搞到男方面左左, 何必呢? 個早拍晚播肉酸到呢…
呢d game, d 攝影師勁鐘意, 一定拍到好氣氛好效果 
2個讚
面阻阻都算，但拍低哂就真係留一世
你fd好慘啊
1個讚
可能好彩無人和應，睇人手機(尤其係男人)album / WhatsApp / email 呢啲好罩忌，如果個新郎唔想開部手機俾人睇(incl 老婆) 到時真係好尷尬。
不過我同意真係唔好玩食物，好浪費好折墮，同埋結個婚咁玩人個肚真係好冇癮。我自己結婚都同姊妹夾好咗唔好玩食物。嗰陣玩睇YouTube女團MV 跳舞，石春路嗰啲。
我另一個好姊妹結婚，班兄弟開大會嗰陣再三叮囑講到明話好怕蟲，唔好玩蟲食蟲嗰啲。點知之後有個我唔識嘅姊妹話佢去韓國旅行，會帶啲罐頭蟲返嚟玩啲兄弟。我之後勁嬲咁話唔好玩人啦，到時搞到面阻阻咁有咩意思。條女先至收聲。
將心比己，啲兄弟無辜架
點解要玩到個畫面咁核突啫
最正係玩扮poster，試過有新娘鍾意Juno，我地搵左好多Juno的相要新郎擺pose
結果。。。。班兄弟玩得仲開心過我地
成個畫面好歡樂
1個讚
講真唔好再玩朱古力尿片
食飯前播真係冇胃口
咁鐘意玩屎片不如考新郎幫BB(公仔)換片
至少第時生仔有用
要用食物玩嘅唔好玩到食唔到或者肚痛都還可以
食下酸糖、怪味糖、涼茶咪算囉
蟲蟲真係咪啦
再唔係考佢新娘鐘意食咩公仔麵 煮一次比佢食好似都唔錯
2個讚
好幸運做過姊妹同自己結婚時玩啲遊戲都好斯文，影出嚟睇返又好笑
-
貼新娘張相上天花板，要兄弟托新郎上去錫一啖張相
-
抽圖做雙人瑜珈
-
Rainbow walk
-
用新娘名作愛的宣言
-
腳插冰筒夾物件
我結婚個陣冇乜時間可以玩新郎，我老公同班兄弟好似咩都冇玩，只係班姊妹喺門口要我老公封開門利是要大封d，同埋講愛的宣言，就完了
其實點解要玩新郎呢？
令到佢為難、尷尬而大家開心？
新郎發脾氣唔玩咁點呢？誤咗吉時點算呢？
如果話因為玩新郎，新郞發脾氣而話唔夠愛新娘，乜唔係結婚之前已確定佢愛唔愛自己咩？
唔好意思，我覺得好無聊囉！
最多講下愛的宣言，冧下新娘已經足夠。
其實正正經經，開開心心經歷整個婚禮咪好囉！
個人意見！
我結婚完全冇玩新郎
1個讚
我唔鍾意玩新郎，但如果要玩呢d game 都完全接受到
比較有連貫既新郎game我覺得幾好，果次係做姊妹，玩三個game，第一個game係問答題，答中有利是一封，封內有個字，第二個game，起走廊屋企收埋d利是封，要兄弟新郎去搵齊，
第三個game就係新郎fill in the blank份愛的宣言。
事前俾定一份齊晒d字既利是俾兄弟，真係搵唔齊時都可以砌得到d句子。
1個讚
我都覺得無謂，所以嫁時都無玩game。
有次做姊妹，新娘新郎都無玩game的，點知殺出左個八婆親戚出黎問勁多問題，外父外母想㩒都㩒唔住，勁搞笑。
依個都有見過，其實無人想confirm佢執出黎既野
其實玩呢啲遊戲真係好悶又無謂
該主題在最後一個回覆創建後90天后自動關閉。不再允許新的回覆。