如題，我哋而家有個window可以去一次英國，打算住兩個星期，但去完之後返香港前要隔離至少四個星期，個time cost好大，所以諗其實“體驗trip"係咪好好好緊要，定係其實大家都會破釜沉舟，做好research就直接去
住2星期其實應該都體驗唔到d乜嘢，好難會因為個2星期而改變你移唔移英既決定。所以如果係我就應該唔會專登飛2星期隔離成個月。
但如果話仲未諗好移民去邊個國家，有幾個心水，呢d事前既視察我又覺好值得做。
3個讚
從來都未去過?
如果從來都未去過英國，過去2個星期，visit多幾個唔同city, 睇吓自己鍾意喺邊度落腳，同埋睇吓自己係咪真係鍾意嗰個國家
你話想去睇定樓買定樓先成家人過去就值得，如果只係體驗就免啦
未必係28日嘅，你睇埋聽日宣布咩新入境措施先啦！
2個讚
兩星期去體驗太趕
你想體驗乜先？天氣？生活？環境
有冇諗過而家搵定資料, TARGET２—３個地方， 黎到如果覺得唔錯，搵定屋， ＳＥＴＴＬＥ好等屋企人黎仲好？
我無體驗過， 只係幾年前去過倫敦旅行幾日咁大把，我地就 做好RＥＳＥＡＲＣＨ，一黎直接黎。
唔想來來回回咁浪費時間同錢。
1個讚
除非你係想親身視察幾個唔同區/城市，比較邊個啱啲
如果唔係效用不大
頭幾個星期只係新鮮感
1個讚
2星期體驗唔到啲乜架喎…
我呢邊識嘅香港人大部分都係未住過英國（旅行都未必會揀英國啦），都無乜所謂，黎到就會適應到。
反而我支持要住多幾個城，感受下先長久落腳。黎左一段日子之後，都聽到唔少朋友後悔揀左果區，等緊租約滿就搬去第二個更適合自己嘅城市。
1個讚
我老公屋企人响Sydney，之前嗰10年，我哋基本上每年都會過去住個零個兩星期。
但係當我舊年成家搬過嚟嗰時，我嘅感覺係完住兩回事。如果樓主想真係體驗生活，最少要住2個月。
1個讚
兩星期<旅行>體驗唔到
1個讚
或者咁講，兩星期都好憎就可以唔去
走馬看花冇乜用，因真係長期居住就會有另一個感受，同旅行真係好唔同。
1個讚
最主要係我自己未去過英國，之前去過歐洲影pre-wedding, 我唔係好鍾意啲嘢食，比較鍾意啲亞洲嘢食，我老公想我去一去英國feel吓先申請移民，但我都覺得得幾星期只係旅行，有咩大問題都真係要住長啲時間先浮現；另外我覺得既然大家都覺得留喺香港頂唔順要走，又唔想小朋友接受香港教育，咁應該係要有破釜沉舟嘅心態…
我老公應該係咁嘅意思
1個讚
而家7日，或者可以試下
或者你講下曾經去過嘅地方，會好憎乜嘢，大家研究下
都有例外情況嘅
樓主有無小朋友？
我係行過某小學見到佢地放小息，小朋友衝晒出黎嘅笑聲同開心面容，我真係當場溶化
我啲小朋友喺外面望到又羨慕！所以立定決心要搬黎呢區，申請入呢間學校，其他事都可以將就。
有時一個特別嘅moment，係勝過好多擔憂同顧慮，好似結婚咁，都係需要一個衝動
有錢有時間，咪黎行下囉
4個讚
我同意野食無咁岩口味
但移民 你唔會餐餐出去食 我認我cheap 最多一個月出街食一餐 (小朋友仲要話唔岩口味 寧願阿媽煮)
反而係屋企煮 都可以食番飯下 意粉 煮自己鐘意既野食 不過太前題你要唔介意煮
因為之前去倫敦旅行我都係住bnb 自己夜晚煮野食
當時倫敦旅行時因為太多人 太逼 其實都唔太鐘意
而家反而住落自己呢邊,小城市,無想像中咁差。
1個讚
如果計歐洲我淨係去過Prague, Vienna & Budapest, 冇特別討厭啲咩，但冇特別喜歡…
係純粹食嘢方面有啲意見，我唔太好西餐啲汁好thick同有奶，我腸胃唔係好受得奶。
係去過泰國旅行有啲負面印象，嘢食係好啱食，但嗰度啲街同車好亂，唔識過馬路，覺得好危險同治安唔好咁。
我ok自己煮呀，平時一星期唔太忙嘅話都會煮三四次晚餐，呢個月WFH煮得仲多，平時冇乜出街食，我有睇梁芷靈啲YouTube片，感覺喺英國煮中餐都唔太難？
有個兩歲半嘅仔仔呀，所以好想帶佢走
我本身個人好宅好少出街，呢個月WFH只出過街三四次都ok, 煲劇練琴睇書咁，係啱啱開始全天候對住仔仔有少少攰，因為平時我上午湊佢，下午返工就到嫲嫲湊佢到夜晚，我未試過咁長時間對住佢，但係我同佢慢慢tune到個相處mode而家就覺得ok；之後去英國冇長老幫手我應該要FTM一段時間，今轉WFH都叫somehow體驗咗
BTW, 返香港個隔離酒店我哋搞唔掂，好多都full哂，得文華東方$7300一晚仲有得book 
1個讚