【Now新聞台】公務員事務局局長聶德權指，下月外展隊會再到訪院舍為新冠康復院友打針，預期下一階段院舍接種率可達九成，亦不排除會考慮強制適合接種的院友打針。
為推高院舍接種率，公務員事務局局長聶德權指截至周五，外展隊已到訪全港1100間院舍，為院友打針，現時全港院舍接種率逾五成。另有四成院友因確診未能接種。
外展隊下月將至少兩次到訪院舍，為約5000名康復者打針，預期下一階段院舍接種率可達至九成。
至於其餘因個人或家人反對而不打針的長者，當局不排除考慮強制接種。
聶德權：「我們現在正檢視院舍內，有多少院友不同意接種，收集數據之後，醫護團隊會與這些院友家人聯絡，希望將數目進一步減低。如果到最後仍然有一些院友不願意接種疫苗，要看看有甚麼方法，到最後會要求在院舍內院友如果適合接種疫苗都一定要接種。」
聶德權又指正籌備為長者上門接種，除透過社福機構接觸有需要長者，亦會設立熱線讓市民登記住址，以便編排外展隊上門打針。
全世界都會，啲豬呀狗呀咪強制打針囉。
Sorry你講人呀？我哋中國香港冇人㗎喎。
好恐怖。
之前全世界都有做過迫人打針, 好似醫護人員或者入餐廳食嘢一
定要打左針, 亦都好多地方反疫苗, 外國人雖然有啲人都打左針,
但都會為未打針而家被迫打針既人發聲和互相幫忙, 而家全世界
都有晒數據知道個病毒已經減弱左所以都已經放寬左, 唔再要人
打疫苗亦都唔使要人使用疫苗通行証先至可以入指定場所.
人地講明反對都打，唔可以揀猿教授嘅物競天擇？
我哋嘅市長又話抗體唔係越多越好，咁做咩L逼人打？
其實大陸都冇咁逼針，唔明香港點解逼成咁。
係大陸講打針，都多人話打針係個人意願
又要問人哋打唔打，話唔打又打電話「搵人傾」，最後又話要強制。
咁你一開始問咩啫？同啲虎爸媽一樣懶係嘢咁問啲小朋友好唔好呀？唔好呀好啦！嗱你都係唔好下嘛，一定要好呀！
又要扮民主，又要玩極權。
食唔食飯丫…
打架啦…
打完又係要食…
或者講左唔食又夾硬餵，好煩。
我記得有歐美國家係立左法例迫老人家打針的
記得奧地利，德國，加拿大及澳洲某些省都非常強烈限制不打針的人。至於不打針而犯法，好似未聽過。有錯請糾正。不過呢啲地方同步有反打針人企出嚟遊行，當中有醫生護士。佢哋寧願辭職都唔打。所以美國有Great resignation.加拿大有貨車司機大遊行。法國，荷蘭都示威了一陣子。呢啲本港主流媒體係鮮有報道。
而家咪踢人出老人院囉
唔係全世界，入餐廳有negative test 就得
其實強制打針嘅國家唔多，但報道幾個國家就好多人覺得歐美都強制
疫苗通行證好多地方都已經取消
但我好多外國既朋友反而覺得逼打針好正常係common practice，甚至支持唔打針醫療費自負/打針送院優先。
佢地覺得香港最大問題唔係逼針，係咁多人打完針都唔開關仲捉人隔離。
大家文化、背景唔同，可能無經歷過，佢哋相信主流媒體同政府，尤其是武肺佢哋爆先，死傷慘重，打針係佢哋嘅救命草，佢哋深信打針後可以回復正常生活，所以佢哋覺得香港k 型。
但經過一針又一針，其實都多咗外國人會問究竟要打幾多針？甚至依家唔打針、唔用疫苗通行症都可以如常生活。
有外國人覺得打針係應該，亦有外國人反對強制打針，起碼人哋仲有自由去反對先。
正如你所講，因為佢地爆早好多，到後期取消疫苗護照時其實已經99%人係打左幾枝針/中過covid，甚至中過幾次，再打梗係冇意思。
香港早2個月打針率好似一直徘徊係7成？係2月逼針同大爆發先9成，仲要係第一針。所以我對港府逼針呢樣嘢唔算超反感。最反感既反而係到處圍封擾民，捉人入隔離營唔俾人在家隔離，仲要個隔離營設計得咁好。
