屋苑平台遊樂場已用膠帶圍封，仲見到家長比張小朋友入去玩。
你地會唔會？原因？
我自己就唔會。你點知自己有無事，自己衰就好，唔好攪到人。
比你玩既話就唔會封啦。
- 會
- 唔會
- 其他
0 投票者
會罰錢
咁我果個又無話會罰錢
唔會，啲封條tick到都好危險，同埋自己一個入去玩有咩咁開心，要成班小朋友玩先開心架嘛！
3個讚
唔會，因阻住玩。會去隔離冇封的地方一齊玩。小朋友要有戶外活動才健康。
3個讚
我會選擇同佢去公園玩滑板車，都唔會去玩呢啲封咗嘅遊樂場，因為玩得唔過癮，同埋管理員見到其實會趕你走。
1個讚
會照俾佢玩，如果有管理員趕就唔玩。
不過去開嘅政府公園本身都冇乜人玩。一個小朋友包場，玩到嘅冇咩理由唔玩。見過有其他小朋友來，多數家長都唔會阻止佢哋一齊玩。除非係見有啲人唔戴好口罩，如果唔係我都會俾小朋友同其他人一齊玩。
2個讚
雖然包場
不過得自己一個玩，逗留既時間都唔會太長？
未爆疫前我仔放學後會去公園玩一陣，又係包場，我只留10分鐘左右
1個讚
唔會、因為唔想教小朋友違規、但會俾佢去公園範圍跑下跳下
4個讚
Exactly.
係，一陣等佢以為封左嘅地方只要冇人望住，望落安全都可以入去，一陣有意外受傷只有父母心痛負責
1個讚
暫時唔會，但如果到時已封一年半載就好難講
1個讚
理想同現實已經唔一樣
1個讚
會唔會乜嘢？
會唔會入去玩？
會唔會阻止？
1個讚
有時都玩到一個鐘。
一開始見到封住果陣有解釋過俾佢知點解會欄住，同埋係咪真係有作用。佢知道因為有武肺病毒所以唔想咁多人係公園，就欄住左。既然病毒周圍都係，佢去冇欄住嘅地方都可以惹到，咁用封條欄住同防病毒就冇乜關係。重點都係人多唔多。
亦都有同佢講世界上有其他國家一樣有病毒，但係佢哋又冇欄住啲滑梯同公園，如果呢個地方政府選擇永遠都欄住嘅，咁佢會點做。
8個讚
有特權便可違規
例如生日會唔嘟安心，生日會場地無人罰錢、之後個肥妹去飲嘢嘅地方直頭查都唔敢再查
2個讚
我記得上年第4波完左已清零時，差唔多所有野都開返，唯獨公園一直遲遲未開，真係好無奈，點解小朋友既需求會被忽視，所以果陣我係有偷入去玩，雖然教小朋友守規係重要，但有時守規都要知背後既理由
5個讚
所以咁多父母走、真係唔識教
1個讚
辛苦媽媽耐心講解
走左都仲係要教
只係轉左環境姐
不過我明你意思
留响香港係更難教
唉
2個讚