匿個名先 仲要長文 
訂左婚 準備結婚 咁岩傾埋移民
香港一路都冇住屋問題 兩邊屋企都有樓剩落 不嬲我住佢果度 自己果邊就媽媽而家自己住
工作關係移民
我承認我好傳統 注重女性權益之餘我又真係好傳統
未來老公比較西化 覺得住屋應該每人負擔d
我就覺得而家現代婚姻唔洗比家用已經公平左（兩個都有搵錢 我有做野）
我會expect我自己老公係比晒住屋既部份 同部份開支
而家係香港就係住屋唔洗煩 買送洗費大部份都係佢 旅行都係佢出晒 我就負責自己屋企開支同佢屋企部份開支（鐘點、車位、供車）所以我一路都唔覺得佢係小氣或者有同我計住
但講到第日住屋 佢就覺得間屋我都要負責供 我就覺得男人娶得老婆 應該係要負責住屋
戴定頭盔 一定有人覺得我太依賴 我唔公平
但
1）慣左佢比大部份支出 亦都係一直以黎係依段關係既共識 我有少少過唔到自己心理關口我係要分擔佢既住屋開支 （無左做老婆仔比人縱既感覺，亦同我一路以黎對老公既expectation唔一樣）
2）去到外國我本身人工都會低左 洗得多錢左 因為冇屋企關照
3）可能你會問佢負唔負擔到 我覺得如果短期岩岩去到我要負責多d（因為佢收入唔穩定但搵得多 我收入穩定但搵少d）我係ok既 但我唔中意long term concept係咁 亦都唔係一路以黎我地既相處
4）我真係覺得男人娶老婆係應該負責住屋家用，而家依個年代已經冇左家用
好長啊我篇文！我都係呻下 又唔想同身邊朋友講
如果你地有乜野好idea或者好既觀點比我同佢傾都無任歡迎
1個讚
呢啲嘢，都喺直接攤出嚟講，然後一人行一步，搵個模式試行下，幾個月後檢討睇下大家喺咪都ok。
我自己嘅模式都喺老公出曬所有錢，但同時我嘅所有錢都要俾曬佢。
1個讚
你都好清楚自己想點，咁就真係趁結婚之前攤出嚟講清楚取得共識。
不過除非你未婚夫係賺好多錢/好有能力，如果唔係移民開支都唔少，始終兩個人一齊生活又有工作，一齊分擔係非常正路。
7個讚
Emmm 我都覺得自己好傳統+注重女性權益
傳統在覺得女人要入得廚房出得廳堂 同埋有責任幫手照顧2邊屋企+要傳宗接代（但絕對唔會喺香港養小朋友）
注重女性權益係自己揾錢自己洗 唔好干涉我點洗錢（我儲到錢又夠供樓就得啦）同埋老公都要買餸煮飯洗衫吸塵 分擔家務
家庭開支呢 就大家拉勻share一半 而我係好ok嘅 如果我靠晒老公 感覺好冇安全感
你係想佢俾多啲錢嘅 真係要結婚前三口六面講清楚 直接啲講 免得有誤會
如果唔係結完婚又移咗民 先傾唔掂數 你會好難過…
12個讚
似乎你唔介意移民前期係要付出多d, 但long term 免談。
我覺得佢都需要尊重你意願既，有無得set 個time flame 去review 移民後既家用使費模式？呢個時間大家都係估估下，異地生活又咁多變數，d野唔好set到咁死對自己都有保障，做好期望管理。
我地都放曬入聯名。
不建議移民，金錢上只想老公付出多，自己付出少，
移民又點可以咁？
2個讚
佢都坦白講出嚟，咁你都可以照直講。
佢都係覺得有難處先想你都幫手供，有啲嘢又唔可以咁死
除非你覺得，一要你在住屋洗費上付出，呢個男人就唔要得。
（做老婆要俾人縱，我又真無諗過，哈。）
又話注重女性權益，又話自己傳統，其實又係基於利益跳出跳入，兩人相處真係要為邊個出錢而煩？
29個讚
你係傳統女性，但你男朋友係咪傳統男性先？
傳統=男主外，女主內
你係咪做到先？如果價值觀差太多其實好難長遠。結婚前，大家都未必睇到對方最真實一面，建議樓主結婚前照直講清楚自己的價值觀，費時第時雙方都後悔。
再問多句：假如有一日佢有事，需要用晒你的蓄儲，你會唔會幫佢？
5個讚
好啦你講到咁白，咁我又好白講。
呢個唔係西化定傳統問題，你都唔係注重女性權益，而係直頭想攞著數，又怕人話你貪心冇承擔，所以強調自己都有份出錢，只係個人「傳統啫」。
咩叫男人娶得老婆就「應該」負責住屋先？我就接受男女平等嘅現代教育嘅，覺得兩個人一齊建立頭家，就一定係按大家能力一齊付出。仲諗住我一齊供樓或買樓就好洩底嘅，都係想佔便宜啫。
如果男人要負責住屋，咁學上面有位JM話齋，女人係咪負責晒所有家務生仔同湊仔先，傳統係咁分工喎。
或者咁講，換個做法，大家每個月攞一份家用放入聯名戶口，所有開支由個戶口出，包括住屋開支，咁最公平，又保障到女性權益。鐘意嘅，層樓可以繼續寫你老公名「由男人負責返」，你又制唔制？
27個讚
我係個男人應該會晴天霹靂
吓
移民要駛咁多錢原來未來另一半唔諗住同我分擔？
即刻唔想結婚，男人係好怕麻煩
大部分情況下，想結婚既男女，好多時係女比男著緊，而且女方多數對婚姻有好多（過份既）憧憬
男既多數因為要生仔/比長輩催先會諗結婚
雖然係殘酷但呢個我覺得係真
如果你真係無能力咁無得講
如果你係有能力分擔一部分只係唔想
真係幾心淡
4個讚
認真，有權益就有義務，你要佢比哂，咁你就冇咩空間爭取日後嘅權益，佢供哂，就冇你名架喇，咁你日後有咩事都唔會有咩權利可言。
既然內心接受唔到，咪直接講唔會供，但層樓寫老公你名，公平啲，咁囉，洗費咪好似而家咁，一人比啲。
利申：我屋企個模式堅係傳統，我老公負責哂所有支出的，我係屋企湊仔，屋企家頭細務佢基本上唔會點理，佢工作同經濟上嘅野都唔駛我理，要用大舊錢就要問佢，冇咩權益可言。未生之前佢都已經講定，唔做嘢湊冇問題，但要有心理準備頭家比哂我，同埋一定冇咁豪，ok咪生。
如果你要有權益但又要傳統真係要諗清諗楚，冇winwin的。
同意樓上有人講傳統係講緊男主外女主內
女人犧牲自己事業喺家庭上面付出，即係打理家頭細務湊仔照顧老人嗰啲，佢對頭家雖然冇金錢上嘅付出但係就用晒佢全部嘅時間。
同埋咩叫女性權益，唔好籌募自身利益而詆毀女性，唔係個個女人都係咁自私。
我嘅立場同之前BK班女人貪錢post一樣，如果個男人開心offer養埋你嘅其實真係冇問題。但人哋都講到出聲要你負責返你自己嗰部份，
你仲喺度攞女性權益講然後覺得個男人點樣唔啱，其實真係好肉酸。
睇唔出你有幾愛佢，不如放手，搵過個有錢啲又唔介意養埋你嘅，可能你會開心啲。費事到時結咗婚先至後悔。
11個讚
既然決定同呢一個人行一世，就要撻出來講。
我同我丈夫都係一手一腳自己建立出來，由租樓到買樓，家庭開支都係大家傾出來各自負擔的比例。
擺酒就一人負擔一樣，佢出禮金，酒席等大份，我就俾婚介同pre wedding ，化妝等雜費
買樓方面，我哋傾好我出曬首期及律師費，印花稅等前期費用，佢就負責以後供樓。
家庭開支，我用開支app mark好每月開支，mark左幾個月就大概知道每月支出係幾多。佢就俾定額數目for家庭開支，餘額就我自己包底。
當然好多幸福少奶奶係老公全包宴，但自己老公有幾多斤両係自己知，只要佢已經係能力範圍內為屋企負擔最大，其他的就我包底都已經好公平，頭家大家都有份。
你同佢傾下大家點樣share返開支先最舒服的方法。
2個讚
其實要組織一個家庭就一定要有犧牲嘅心態，因為而家係組織一個團體，呢個團體第時仲會越黎越多人（有四大長老、有小朋友），放棄自我係必須的，如果要計較同埋個人太自我，真係要想清楚，因為自我呢樣嘢你起碼要等二十年仔大女大老人家走哂你先可以重拾返，因為到時又係得返你一個人。
如果我係個男，我會好驚訝自己未婚妻點解會係咁，一個睇錢咁重，唔想為頭家付出既人。
樓主話未婚夫平時唔係小器同計住既人，因為佢住緊個度根本唔使供，所以樓主先唔洗比錢，但咁唔代表係英國你唔使幫手供。
唔小器/唔計住=前提係本身有樓唔使供，冇壓力
依家移民買樓有壓力要樓主供一半=唔等於未婚夫小器
似乎樓主未了解清楚佢未婚夫，或者樓主將自己既思想套左落人地身上。
岩啦，趁未走講清楚，免得大家後悔。
男人冇左可以再搵過，希望樓主可以搵到個比佢做傳統+注重女性權益既女人
3個讚