響公園見到幾隻貓
有個義工響佢地隔離睇緊佢地食野
我行埋去睇，講左聲「貓貓～」
個義工即刻回句「食緊野架唔該！」
意思係我嘈住佢餵啲貓 
我冇走開，冇出聲繼續睇
個義工睇多一陣就行開
離我遠啲就講句「食緊野走過黎！」
佢當左個公園係佢㗎？啲貓係佢㗎？
我行公園唔過得去㗎？唔可以出聲㗎？
神經病！
14個讚
佢話我好響啲貓食緊野既時候走過黎，又出聲會嚇走啲貓
果啲係公園野貓
有人行過講野或企定都算「騷擾」佢地既話真係唔知講乜好
我見佢咁神經質
怕佢痴線㗎
一陣打我咪慘 
我估… 有d 野貓戒心好高，見人行過就會走開寧願唔食住。所以個義工唔想你行過嚟，嚇走啲貓。 因為食完佢哋仲要收碟。 唔收碟嘅話會俾人投訴。
不過個義工咁嘅態度令人好反感。 佢可以好聲好氣解釋，大家就易啲接受
11個讚
有啲係好走火入魔
識得有個愛動物人士 唔食肉 因為唔想殺生
但同時俾自己隻狗食肉
1個讚
係囉
傾計咁講我知咪得囉
佢係出口責怪我餵食時侯行過黎加講左句野
有接觸過嗰啲義工，感覺都係有啲神經質。
佢哋永遠都係好多理由，又會話人影響佢餵貓。
話說內容永遠都係重複、重複、又重複。
其實佢可能講緊10年前嘅嘢。
4個讚
其實我都覺有啲貓義工好神經質
小心謹慎得來又冇乜邏輯嗰隻。
唔知狗義工係咪會好啲
利申： 有養貓，以前都係喺貓義工到領養
4個讚
雖然有可能係個別事件，但無可否認貓義工俾人感覺真係唔好，扣晒分，希望貓義工改善自己同overall 組織嘅方針同態度
3個讚
屋苑內養咗幾隻貓，常常都有人餵，
這幾個義工餵這兩隻，
另外一羣住係度婆仔餵另一隻，
這羣義工又唔係住喺度，又唔鍾意婆仔養嗰隻貓，
話影響佢哋養開嗰啲貓。
唔係住客都要話事咁霸道
如果佢地真係愛貓就會關顧埋婆仔餵果隻啦
根本就係自私
餵貓為滿足親近自己鍾意既貓
佢哋又名貓異工
3個讚
其實係咪屋企唔可以養，於是當野貓係自己養？
可能佢驚你嚇到啲貓走哂唔食嘢，其實真係唔好行埋去。
啲愛貓人士好敏感㗎，冇咩少啲接觸為妙。
好惡wo, 咁佢地點入黎。佢地既存在比d貓更影響居民wo
係咪真係有呢個朵架
1個讚
又唔可以自己戒肉, 要本來肉食動物跟佢戒肉嘅, 佢咁做都正常呀。
3個讚
貓都好易受聲音影響, 驚得濟連食物都唔食,所以義工先 甘緊張
不過我都覺義工有d 誇張. 一般市民冇養開可能唔清楚, 唔洗甘惡嘅…
2個讚
最憎呢啲欺善怕惡嘅人，跟本擺明撩交嗌蝦人。
如果你係紋身大漢，佢敢唔敢用同一個態度咁講返晒出嚟呀？！
佢哋成個組織都係因為呢一大堆老鼠屎而人見人憎，搞到d人怕晒佢哋寧願去買貓。
3個讚
下？如果樓主係個肌肉型紋身大漢，佢係咪都一樣咁威咁鬧人呀？
佢有原因，咁咪好聲好氣同人講囉，細細聲同樓主講，”你都鍾意貓？d貓貓好細膽我哋等佢食埋先玩啦
”
5個讚