因為唔適應，所以攪到情緒性格變異，但你放心佢一個人在港？
呢樣回歸返好多人好掙扎嘅位，係咪為咗長老而唔移民呢？
1個讚
好視乎長老嘅心態及我哋同佢之間嘅感情，感情要好、要信得過，長老先會肯考慮，不竟晚年要有咁大嘅轉變，真係好難適應
係呀，兩個都想跟仔女。
除左不和，其中一個諗法都幾負面，好容易好
多負面情緒同說話，例如話自己好苦命等。
佢兩個喺香港已經分居，去到外國人生路不熟應該更加多磨擦，真係可以一齊住？
佢哋未住過外國的話應該感受唔到住。就算有後生服侍佢，咩都要靠人嘅感覺都好差。 可能去到住一排已經有頂唔順要返嚟
咁又真係有點頭痕
不如叫佢哋唔好移民，可以間唔中用遊客身份去住幾個月
根本人大咗要有自己世界，啲老人家要廿四小時痴住仔女，自己又唔學下英文又唔獨立，會唔會過份要求呢？
我肯定佢哋90％後生時唔係咁照顧啲長老囉
5個讚
喺英國見好多好積極主動嘅老人家，我都好欣賞佢哋努力識朋友。但呢個年紀學英文真喺太難，就算好積極嘅老人家都做唔到。例如叫你去學俄文，要學到可以獨立生活都好難一樣。
唔好話老人家，好多好積極嘅中年人仕，都學唔掂英文。
語言能力呢樣嘢又真喺唔喺個個有。
2個讚
坦白講：唔學冇問題，但亦要識做唔好一眛依賴後生，如果真係搞唔惦就諗下點樣獨自survive，唔得就唔好一味跟住後生，可考慮留喺香港，兩邊走
有啲唔想走，喺仔女要帶佢哋走嘅。
有啲老人已經失去自理能力，無得唔跟仔女走。
當然大部份人和你講嘅一樣，自己留喺香港。留喺香港學一個人生存，絕對易過去英國學英文。
2個讚
所以雙方都要realistic，後生一廂情願帶老人家走，自己都顧唔掂。冇自理能力帶過去，咁英文都係其次，個後生要好有心理準備先
最怕嗰種係老人家以自己為中心，覺得個後生要全天候服侍佢，好似我同奶奶去旅行，佢要我全個menu譯比佢，問二十條問題，我相信冇一個後生頂到
環顧鄰居嘅老人家，開心適應到英國嘅，都喺黃絲，討厭中共嘅。只有呢個理由，老人家先會覺得移民喺好
否則跟著家人過嚟嘅，都喺被迫無選擇，唔會開心。
2個讚
靠住呢個信念，任何嘢都會克服到，不論年紀
3個讚
理念係想痴仔孫、所以好頭大
為人而活其實人都好累、一唔順意就變左情感勒索
希望去香港人多既地方大家會慣啲
唔好話奶奶、以前同自己媽去過一次親子遊都投降、未有細路時就話全心serve 佢、佢去細路景點又無隱、最後佢都情願自己跟團
1個讚
往好嗰邊諗，有人幫手湊仔。
要預咗佢會唔開心，日日埋怨 ，跟出跟入。
儘快幫佢識啲老朋友，總有啲識英文嘅老人家，好鍾意照顧人嘅
我都識一個長輩係咁
佢自己響大陸落嚟，睇得清楚個本質
兩老是根正紅苗，所以無得溝通，好在仲有幫個仔申請BNO 。
1個讚
朋友話最緊要有電視盒
諗起家有喜事李香琴果幕