有冇人可以分享下長老移民生活？講起就會話你就好長老為左soon仔肯陪你去、但其實自己壓力都好大、唔係關係好差只係一向分開住同大家生活習慣都唔同、佢地又唔識英文又唔會摣車、去到會無哂社交、同埋其實香港醫療我覺得都好好、佢哋有咩小病去私家我哋都負擔到、政府更加係幾十蚊就一堆藥、去到經濟唔穩定我真係唔敢講
1個讚
我父母跟左我家人走，又係唔識英文，過左大半年都怨天怨地，我家人都精神受虐。近來番教會識左啲香港人好似好啲，有番啲社交。
利申：全家不是教徒
13個讚
我屋企果2位係打死唔會去教會，佢哋未嚟但我已經好擔心
唔識摣車, 唔識英文都幾慘
尤其是年紀大,
只會連嗒巴士去街嘅動力都冇
你地又可能要照顧小朋友, 有自己嘅朋友生活圈子,
長老分分鐘只係留喺屋企, 唔捱得好耐.
我有朋友都因為長老, 到而家都沒有離開
諗唔掂去到點樣顧自己, 顧細路 , 顧長老,
1個讚
我家老人家開頭都係咁諗㗎，長期病患。但佢有IHS，又老人家，而家每月固定開嘅藥都唔洗錢，佢離開香港時申請左醫健通嘅報告，黎到直接畀GP睇，然後GP又好快幫佢做左好多檢查。我覺得喺呢度呢啲跟進幾好，同埋可能人口少，排隊檢查都唔洗等好耐。上次入院幾日出院，又安排左部免費可攜式嘅氧氣機畀佢。所以佢又開始欣賞呢度嘅醫療。
7個讚
我家兩位以前都好抗拒㗎，可能因為黎到真係悶到發瘟啦
，咁教會嘅人又好熱情主動嘅。
照顧佢地嘅家人都有嘗試幫佢地聯繫本地嘅香港人，而家慢慢叫做好少少。但頭半年真係好辛苦，太依賴我家人，我家人被逼到好似抖唔到氣咁。
1個讚
老人家有社交會正常好多，去啲多華人香港人聚居嘅地方會好啲，啲朋友仔識帶兩老去威架喇。
我就係驚咁。佢哋又唔識揸車，又唔識英文
搭上搭識左一個年長級的女士 六十幾 唔識英文
唔識揸車 但學識搭巴士 係街見到年長人士就主動識人 最後識左一堆朋友仔一齊去街
不過佢無興趣學英文,去銀行又好彩比佢遇到香港人唔駛煩,又識到華人地產幫佢租屋。
必要用英文就叫佢個女whatsapp英文比佢問人
結論
睇老人家自己肯唔肯係呢度生存
你睇我識呢位女士自己識到朋友仲生活到。
12個讚
你呢個Auntie真係一個好成功嘅例子，我希望我家中長老都可以好似佢咁
2個讚
既正面又大膽！後生都未必個個願意咁樣冒險
2個讚
我哋都係類似、諗唔掂、佢仲要係拜開神、香港會自己去飲茶打牌果隻
其實除咗教會仲有咩地方識人呢？扮信教好似好衰仔、我哋又唔好睇波飲酒、真係大人都怕難融入但要頂硬上、何況老人家
融入要身 教, 如果你願意唔係淨係同香港人聚埋一齊, 你的老人家小朋友都可以
如果老人家本身係有政治或社會觸覺, 應該會態度開放d, 如果本身唔想離開嘅, 可能會好多怨言, 你聽到都炆 
不過加油呀
1個讚
好多區嘅香港人都會group埋一齊，黃嘅谷一般都會好主動搞活動，去遊行都識到好多人。我區嘅老人家就會喺谷入面識老朋友。
我當初都係好想帶埋兩老一齊去，兩老態度都係跟唔跟埋去都可以。但大家坐低傾完，最後決定我哋過去安頓好，佢哋過嚟旅行感受吓先再決定過唔過嚟，唔想大家到時怨嚟怨去！
1個讚
啱，最慘賣咗樓，所以一定要過去體驗下先
唔係想放負，但出發前真係同長老講掂數，俾定心理準備長者先，唔想大家步我後塵。
我阿媽70歲，唔識揸車，唔識英文，有長期病+白內障。當初tum左佢好耐，為左陪孫先肯黎英國，喺香港唔係一齊住，但一直係佢湊孫。
佢到埗唔夠半個月，英國就lock down，當時係冬天。老人家日日喺屋企，又凍又悶，坐到抑鬱。Lockdown 完，以為佢會好啲，但老人家都係愈住愈情緒崩潰。
佢出街一定要人陪，搭車唔識，去超市買嘢唔識，問路唔識，睇醫生唔識。佢喺英國差唔多一年都識唔到朋友。佢本身拜開神，叫佢返教會識人又死都唔肯。
佢喺英國咁耐，就怨天怨地怨足咁耐，日日有說話聽，好似變左另一個人咁。
喺香港本身唔係一齊住，黎到英國24/7長期相處，最後佢同我老公搞到水火不容，日日你鬧我，我鬧你，仲嘈到要同我脫離母女關係。我老公又嘈埋一份，話要同我離婚。完全一發不可收拾，差啲家變。
結果老人家黎左唔夠一年就嬲爆爆返左香港，周圍同人講我地呃佢過黎英國受氣
佢而家返左香港半年，成個人開心返晒，日日同朋友傾偈見面飲茶打牌，情緒性格即刻正常返。
不過佢都話以後唔會再黎英國喇，每個星期video call見下孫，叫我地返開香港見下佢就夠。
當初唔想留低佢一個人喺香港，所以先叫佢黎英國，以為自己好孝順，到最後原來佢留喺香港先係最開心。
有時我都喺度諗，到底點先係孝順呢？
17個讚
孝順其實係令佢comfortable
但佢響香港自己一個人？
1個讚