【明報專訊】第五波新型冠狀病毒疫情之下，本港昨連續第19日維持五位數染疫，最新錄得27,765宗陽性個案，將今波染疫人數推高至逾74萬。不過，港大推算已染疫人數更多，團隊估計截至前日，全港已有358萬人染疫，即佔全港近半人口，估計第五波染疫人數將達448萬。此外，港大推算第五波死亡人數將達5102，預計本月底感染人數將明顯下降，然而在剛過去的周末，八達通使用量顯示市民出行水平回升，若市民開始恢復較頻繁的社交接觸，最終染疫及死亡人數或更高。中大專家許樹昌認為，若每日染疫人數繼續在五位數「橫行」一周，或要考慮進一步收緊措施。
-
若近半人口已染疫, 為何還要收緊防疫措施? ---- 若我已中招好返, 我又需唔需要理會防疫措施? 若有半人口已不用理會防疫措施, 收緊又有何用?
-
多左人出街…作為阿媽既我…小朋友宜家放緊"暑假", 無堂上無功課無野做, 你叫佢係屋企做乜好? 唔係暫時喎…小朋友已經由1月開始唔駛返學…屋企有咩未玩過未玩爛
-
多左出行= 社交接觸…不用返工嗎? 返工都要出行喎…社交接觸, 雖然我自己做唔到日日留係屋企, 但我出行都唔敢約人, 自己一家幾口出去行下, 其實都無社交接觸, 我覺得唔應該將多左出行 = 頻繁既社交接觸 (有無讀過思考哲學既人解釋下, 應該係有啲謬誤)
-
咁多人做推算, 統計, 有無人計下疫情下香港人既情緒指數, 向上頭反映一下再屈落去真係唔掂
5個讚
市民唔報/中左唔知，佢唔會認咁多人中，繼續逼金十，繼續收緊
2個讚
真係好多人出現負面情緒, 抗疫疲勞… 早兩日就有老人家因驗出陽而輕生… 恐懼比起呢次感冒更會攞人命…
6個讚
你預家陣報個數乘多1.5 至2倍先係實數，過到4月其實真係差唔多。我識嘅二，三十人都無報後已經好番。
越南九千幾萬人，四百多萬染疫，小過一半都開關。我哋近一半染疫都閉關，呢個係乜嘢玩法？攪到多人失業，訂單外流，股市大跌，細路失學卻無阻死亡率超英超美。正所謂全盤錯曬？
3個讚
點感染都好,都唔會放鬆,
唯有走人,去啲自由嘅地方
2個讚
已經共存左啦
要打針嘅已經打完
資源集中落院舍d老人家仲好啦
做咁多收緊政策都係做比大陸睇
但搞死哂民生經濟
2個讚
我成日都唔明，啲人聽到共存兩個字咁大反應（呢度都有會員好憎呢兩個字㗎）
其實香港打針率已非常高，防疫措施直頭係做到好極端
雖然有防疫疲勞但最多都係鬆懈一陣姐，見到絕大部份人都係好合作
共存根本唔係一個選擇，只係一個過程或結果
10個讚
揮下手先~ 好耐冇見啦黃媽~~~
呢排我中左所以病到冇心機上網.而家叫好返D即刻追呢度.
其實咁多人中. 好多有病既一樣照出街照返工. 人地唔講你根本唔會知.
所以其實根本冇得避共存呢個問題. 因為冇人可以令隻病完全消失.
所以其實某D人真係要放開心胸. 而家係冇得選擇呢…
5個讚
啲人不肯面對現實。早些接受，建立群體免疫，並且先去保護老人。至今，即使他們口裏不接受共存，現實就係巳經共存。佢哋要衝破呢個心理關口
4個讚
中咗又好返嗰啲其實出街已經冇壓力. 唔使再擔驚受怕. 呢個時候反而仲一人一枱, 連沙灘都話關閉, 連俾小小空間啲已經痊癒嘅小朋友去做啲戶外活動都唔得, 根本個政策係為柒婆自己一個交功課俾中央睇而做, 市民就 suffer.
概然啲人咁驚中招, 不如直接啲將啲怕中招嘅人放入方瘡, 隔離嗰班人好過啦, 已經中過嗰啲可以自由活動, 邊度都去得, 咁仲 make sense
4個讚
其實而家心態上都預備自己及屋企人隨時中招，因為根本避無可避。不過就密切留意老人家情況。
1個讚
就係生老病死，係好悲哀，但係無論你做幾多政策都唔會抗衡得到
反之…依家係用生老病死嚟挾住在生嘅人…逼人不停驗孕…坐監…入境受限…探訪受限…冇娛樂…冇運動…
1個讚
其實身邊好多人感染都好快好返，又唔覺佢地有乜後遺症，而家根本係怕似咗政府d隔離政策多過病，just a flu 喎
3個讚
Hihi baby你好呀，希望你快啲完全康復呀
我哋成家都好乖咁極少出門，但真係困到好壓抑
其實喺屋企都可以中招，見到其他post講同小朋友落街都俾人指責違反限聚令，嗰啲真係防疫防到short咗
故意播毒可能踩到紅線
琴日透過安心拉咗2個，隔離期間出咗去
