停課唔洗早起身，日日訓到2個女起左身出去玩，或者開始zoom都未捨得離開張床，受到良心責備下先出去整早餐俾佢地食，到自己食早餐時，hea好耐先開始有少少動力做家務，當中停下做下自己野，或者做個細女纏住，所以家務通常拖好耐先做完，大女功課都無咩跟，佢做完俾我睇就算，到而家呢一刻，明明要上載佢d功課上去，但唔想做。。。所以我好佩服d勤力既媽咪，亦都知道自己一定做唔到虎媽
20個讚
懶媽媽報到
每朝同2個女瞓到自然醒
個女啲功課交到就算，無同佢額外做練習
一日預備四餐，有心機就煮，無心機就開開心心買外賣
得閒無事同女一齊睇下Peppa pig，好爽
9個讚
一樣，佢d暑假功課都唔想開黎睇住，最鍾意同個女打機，有時外賣仲平過自己煮
2個讚
兩個女唔使返學嘅日子，佢哋起身會有1-2個鐘睇YouTube 、打機，我繼續瞓或hea 夠先起身。因為只有weekend 先可以睇電視，有時佢兩個下晝睇電視我會去瞓晏覺。
從來唔理大女嘅學習進度，其他香港媽媽會買練習、中文俾仔女寫，投訴外國教學hea同慢，我完全佛系佢喺學校學幾多就幾多。
細女嚟緊小學，幼稚園話佢可以上小學就上，因為細b 如果遲一年我都無所謂，佢A-Z 1-10 照抄都未寫好。
1個讚
我大女都係黎緊讀小學，都無辦法，呢3年邊有返過學，我都由最初既失望擔憂慢慢去到佛系，等佢順其自然吧
懶媽媽到
我平時要返工，星期日工人放假，自己湊返就會瞓到自然醒，或者細路醒左之後叫醒我，我就會懶喺床到叫戶戶送lunch同佢哋一齊食。
如果有心情煮麵就煮好放入洗碗機洗
大家都食完就各自各玩電話，小朋友就睇書，打機或者2個自己玩
因為難得佢哋開始唔使我貼身照顧，我想盡情地懶下，有返啲me time
2個讚
好開心睇到呢個post見到唔少媽媽都貪睡，i m not a 隆
2個讚
我放假瞓到自然醒，細路投訴要我煮早餐我都唔理結果教佢地整個簡單版早餐，專for我起唔到身嘅時候佢地自己可以煮。
2個讚
我兩個女已經中學，基本上我冇乜整過早餐比佢哋食，有時細果個冇早餐食會自己攞餅食就算。放假日子我會攤到十一、二點先離開張床
2個讚
我老公直頭話我放棄個女
2個讚
之前幾年我哋個女一定逼我哋其中一個同佢一齊起身。但係早餐係佢自己搞，所以我哋真係陪起身… 但係今年佢終於放棄咗我哋。自己起身之後食完早餐，一個人坐喺度睇書。樂得清靜… 但係我哋都唔會太過分通常維持佢幾個字起身。
2個讚
每次掙紮起身嘅時候都會覺得自己嘅睡眠比個女重要 
6個讚
我都買左洗碗機、掃地機械人，如果屋企有位一定買埋乾衣機，真係好憎做家務
1個讚
見到咁多人都係咁，我可以放心懶落去
5個讚
我大女之前都會迫我起身，但我死守係張床度，如今佢已放棄左，個細女起身即刻跟家姐出去，完全唔理我，爽
2個讚
我有洗衣乾衣機，乾衣機一次乾唔到好多衫，一機衫要分兩次乾。由洗完到全乾起碼兩個鐘，仲有乾完無晒柔順劑嘅香味，太多衫仲會「叔」臭。好似早排日日落雨，啲衫完全唔乾我先迫住用。
都係晾衫好，瞓覺前晾，下午已乾，中間唔駛理任何事，仲好香同埋掛到好直，唔駛煩。
1個讚
有充足既睡眠先有精神湊女
4個讚
我比你更懶, 所以教識佢自己upload 功課, 初小 
但我深信懶媽會培養個自理能力非常好既小朋友
hahahaha
7個讚
我啲細路都中學了。我以為自己一日睇十二個鐘手機已好懶我係六點幾起身，有時下午會瞓陣。佢哋都大個，唔駛再陪去公園、去搵地方玩，叫佢哋出街佢哋仲鬧我
1個讚
一機衫得一半乾衣機，（有啲縮過龍
1個讚