佢仲要刻意數，數完走去同管理員講
我叫佢咁驚咪落街，如果去地鐵站咁多人佢係咪會報警
13個讚
好多人都抗疫抗到黐咗線。 所有公司返工都違反限聚令啦。 公園起碼戶外地方，空氣流通。 咁都唔俾小朋友玩好慘。 佢驚咪自己唔好行咁近囉
我住嗰度都有啲住戶痴痴地， propose 唔俾南亞裔外賣仔上樓。 好彩管理公司冇理。 唔知嗰啲人係咪真係完全唔出街
11個讚
一向與小朋友同住一家人唔違法
5個讚
係囉，幾時變左違法架？
而家勁多一家大細3,4個人落嚟，小朋友見到又會聚一齊跑跑跳跳 。。。係我黑仔，撞到條白咭婆。
最嬲係歪理當真理，仲要理直氣壯俾人鬧
6個讚
真係好多傻人。
佢地傻係上嚟啲歪理真係諗都諗唔到，但你又唔可以同佢地硬碰喎，講道理講原因佢地又唔會入耳，因為佢地係～～～傻。
2個讚
今個月，我同個好耐無見的朋友whatsapp 傾開，佢都同我講「少啲出街，好危險」
我立即諗，有時人的心態仲危險，把重感冒一般的病毒化為死亡之吻，正苦在負面宣傳上真有一手
我不是話要忽略這隻病毒，因為我家都有小朋友和老人家，只是日日困在家裏，未中病毒先抑鬱，最多盡量做好清潔衛生
12個讚
非常同意，唔通日日都困係屋企咩，落街行過圈買D嘢都好。
早2日我同阿仔落街買餸，99啱啱打電話黎知道，第二日打電話問我哋有冇事，叫我哋冇乜事唔好落街喎，駛唔駛咁緊張呀，係屋企都有可能會中啦，唔好防疫防都變白卡。
1個讚
我覺得有些人防疫防到鑚牛角尖。精神健康都好緊要。可能佢就係困喺屋企太耐又睇埋嗰啲乜乜新聞，攪到自己超級緊張。
5個讚
咁啱既，我住果度都係咁，而家下下要落去拎外賣，但tvmall 又俾上門喎
心理健康都好重要…
日日困係屋企，身體無病，都變精神病
3個讚
呢d人只係識烚細路仔，咁叻唔見佢捉d阿叔阿伯
2個讚
好多香港人開始有精神病
1個讚
我哋頭先係公園走，成場勁多爸爸媽媽同小朋友，我諗個白咭婆見到真係會走去報警。算係我黑仔，一落去就撞到佢。
Jm講得岩，對住傻人你講道理都冇用。
希望呢啲荒謬快啲過去，我下次都唔好咁激動
1個讚
但係買餸又好似冇必要2個人去…
始終「中獎」機會會大咗…
如果冇辦法放低個細路就另計啦
啲人俾政苦啲防疫嚇到傻咗
2個讚
得我一個湊小朋友咋，老公返咗工。順便同佢落街行吓，唔想日日困係係屋企，我小朋友有少少過渡活躍，落去平台跑下跳下都好過冇。
4個讚
呢啲八婆要大返佢架！我通常遇到呢啲人會認同，報警….一齊返差館！以前帶小朋友去公園玩成日遇到呢啲八婆，超黑人憎！
我哋有個白卡去報埋警。。警察嚟到都係叫家長同細路打散d玩。。可憐班細路以為自己做錯咩有警察嚟好似要拉佢哋同爸爸媽媽。。地點仲要係私人屋苑平台。。
係一種，我俾人困到癲，你憑咩咁好過嘅概念⋯⋯
3個讚