1個讚
咁大條黃花應該好罕有（好似係）
好似大陸酒家都要熟客先留到
2個讚
咁大條的確罕有，價錢會貴好多。
呢個人 Youtube 片我有睇，佢成日食啲貴價魚話抵（e.g. 瓜子、老鼠班黑班），下下都二三百蚊一條魚，3 個人食咋。
我呢啲更窮嘅人食牙帶魚、盲鰽、黃立倉、烏頭咋，仲要屋企人多過佢。偶而先可以食多寶魚、左口、桂花魚咋。冇能力食到咁貴 
4個讚
7500點解要食佢
1個讚
物以罕為貴
正真既海黃花，可遇不可求，靚花膠都係海黃花魚標曬出黎
3個讚
同普通黃花有冇分別？
我好鍾意食炸黄花
你細個無食過黃花？細個街市仲見到有真黃花，好有油香，每種魚油香都唔同，唔識點形容
3個讚
而家街市見到個啲，係貴價呢條既親戚，色澤、油香有差別
樓主貼出黎個group幾好架，好多野學，煮婦們值得花時間睇睇
5個讚
好似有，麵豉蒸。
講魚油香最鐘意食馬友、懵仔
1個讚
黃花魚肉滑好多
1個讚
肉質好細滑，細個屋企人就咁加薑清蒸
黃立倉如果係野生嘅都貴，平時三十幾元一條係養嘅。
野生嗰隻係成條金色，肉質和味道都係另一個層次。
大條嘅野生黃花係一條識游水嘅黃金，入面條花膠拍得住金價。
養嘅腥啲，但係平，通常煎炸好食啲。
海黃花手掌 size 都可以賣到 120-140 元一斤，無咩肉食，但清蒸一流。但要同相熟魚檔買，有啲奸商用細細條獅頭魚當黃花賣。
1個讚
咁大條魚邊有咁大隻鑊整
原條上先震撼
我係窮人，野生海魚係奢侈品，有魚食已經係好好 
咁大條野生黃花，有錢都買唔到，
細條野生黃花都已經罕有，
唔好將『或魚』當係黃花。
而家基本上野生魚都貴，生存到咁大條好難得，$7500就冇左一條稀有又咁大條嘅魚 
我同老公都有睇佢. 的確睇佢學到唔少魚既知識. (不過我去到街都係唔識分 )
佢次次都買2,3百一條魚真心貴. 好好奇佢到底咩職業. 真係自己開公司既社長?
不過我好怕見到佢個女出場. 食野時好冇禮貌. 可能我太OLD SCHOOL…
我以前咁樣食樣, 大人未食係度搶肯定比人打到飛起
我都係因為睇而學識左唔少其他魚，不過呢啲魚太貴輪唔到我食
之前佢去日本餐廳睇師傅膛條藍鰭吞拿魚，佢齋一隻魚眼都 $180 。計下佢食魚洗費，佢買開都 $200，一個月都 $6000，未計其他食物 
該主題在最後一個回覆創建後90天后自動關閉。不再允許新的回覆。