有自稱消防員的網民投稿至facebook專頁「公務員secrets」，指在天氣回暖下，不少市民踴躍行山，導致山上救援個案亦增加，「今日已經接咗十幾隻call山上救援服務」，並指「抗疫已經冇人手，真係到場被人問候唔好問點解」。
相關帖文隨即引起網民熱議，有人直言「唔係唔畀行山，而係唔該揀返合適嘅路線」、「行山量力而為，行唔到就返轉頭落山，去到啲唔上唔落嘅位自己行唔到而要call人幫手嘅，我覺得人哋畀說話你聽係好正常嘅」等。另有人則認為，現時疫情嚴峻，市民應留家抗疫，並指「抗疫時期係應該人人都留在家，玩少1日係咪會死啫？將心比心啦」等。
行山唔舒服人士 與 感冒病人 之間既選擇，又真係做到個心好唔舒服既…
新手行山要計住時間，望住地圖
到咗時間嘅一半就要決定，如果冇信心喺太陽落山前完成全程，就要U turn 落山
學校提早放假，我識有人話日日都同小朋友去左行山
行山唔舒服，唞吓休息一會兒，再找離開嘅路線，
也可以向途人求援助。
以前我都係咁，唔會報警。
其實唔好一個人行
帶後備食物同水 帶急救包
唔舒服就停
唔好靠曬GPS 同Google maps
已經可以減少好多危險
以前見過一個阿婆自己一個，蕩失完行返大路落緊山。問佢要唔要食物同水，佢話唔洗，趕時間落山。但我睇佢個樣係好唔掂嗰隻，離山腳仲有一段距離
後尾再遇到佢一次，佢終於肯要我啲食物同水
所以點解一定要行大路，因為好易遇到途人幫你
行大路係啱嘅㗎，就算跌低都有人幫手，
行山都係身心運動，安全先係最緊要。
仲有千祈唔好跟絲帶行
死左都唔知咩事
。。。又封GYM 又唔比行山
即係點，唔明
有啲行山團會行啲比較少人嘅路線
會係樹上面綁絲帶做記號方便團員
https://hikerhk.wixsite.com/home/single-post/2016/11/20/上山遇見絲帶
但係只靠絲帶行會好危險
因為你唔知條路幾遠，去邊
又唔知啲絲帶幾時放落，條路仲通唔通
而且要用絲帶通常啲路唔明顯，路況好差
好易迷路同出意外
明白，咁真係好危險喎
行山可以行d簡單d嘅路咪算
CLS即係要消防行到上山頂抬佢地返落去`
我去行山唔會帶小朋友,始終山邊有D危險
冇話唔比，但要準備充足，唔好高估自己，諗定plan b
帶埋細路嗰啲，行啲難度低啲嘅，短啲嘅…
漸進式加長加難。同埋，要小朋友自己袋水袋食物，呢啲重量自己負責
該主題在最後一個回覆創建後90天后自動關閉。不再允許新的回覆。