我99次次見到我仔就説教，成日話佢冇禮貌唔同佢傾計，我小朋友得個5歲，每次我都有提佢見到嫲嫲要叫嫲嫲，我仔會叫嫲嫲，但佢真係唔鍾意同嫲嫲傾計，因為佢都唔知傾D乜，我99就好鬼煩咁話自己係親人，唔可以唔同佢傾計，一開口就叫佢要讀書，又話要送佢去外國讀書，我小朋友又點會明佢講乜呢…我仔俾我99煩完就會話唔鍾意嫲嫲，佢越大就越叻講嘢，我相信遲早有一日佢可能對住嫲嫲發脾氣，之後我99又會黎煩我…呻完
5個讚
如果少見嘅有咩好傾
99自己唔識投其所好，點有得怪人唔同佢傾偈。係99自己社迶問題咋？
2個讚
你同你奶奶關係點？如果關係ok，你可以話定佢知你個仔依排鍾意d 咩留意d 咩？又或者同個仔做定準備，諗定有d 咩可以update 老人家？sorry 我唔清楚5歲可以做到幾多，聽下其他jm分享
唔同住又唔駛我99湊，而家疫情更加少見，一星期打1-2次電話俾我話要同粒孫傾計，都係問下佢係到做乜食咗飯未咁，有時我仔玩緊或者睇緊電視就更加唔想傾電話，我已經鬧過佢唔可以咁，一定要同嫲嫲講2句，但講完唔夠1分鐘就會話我冇嘢講啦，拜拜咁。
呢啲以身份高低嚟壓住人哋嘅人，好難得到人哋尊重同感情。佢係咪成世都係俾人騎住？所以而家做咗金字塔尖尖就要成日刷地位？
如果佢淨係識得用自己準則去睇人，你做咩佢都會煩你。你個仔識句句嫲嫲前嫲嫲後之後，佢又會要求佢點點點服侍同孝順嫲嫲
1個讚
你試下同奶奶講男仔唔鍾意講電話
問佢同唔同小朋友online 玩桌遊／一齊打機
叫你老公搞掂，嗰個係佢阿媽
7個讚
我表面上都冇乜嘢，心底就真心唔鍾意佢，佢成日說教又鍾意批評人呢樣唔好個樣唔好，我仔細個啱啱學講嘢就成日要我仔叫嫲嫲，我仔怕羞唔講又話佢冇禮貌，而家大個識叫嫲嫲，又話要同佢傾計先叫尊重佢，99知我仔鍾意恐龍，但次次佢開口就問我仔有冇讀書寫字之類，再唔係又話佢冇禮貌咁，一個小朋友又點會話自己鐘意讀書寫字呀，一開口就對住小朋友說教又點會有小朋友鍾意佢…
咁唔醒目既佢
小朋友都好易哄啦，投其所好咪得law
我淨係知99佢係大家姐，有2個妹1個弟，成日要人聽佢講嘢，成日得佢講冇人講嘢。
我99唔識online打機，但如果去到佢屋企，我仔都會叫嫲嫲一齊玩下。
唔會啦，佢知道話佢阿媽都冇用，99根本唔聽人講。
試下online 玩桌遊，都幾好玩架
去board game arena
我都覺得99好唔醒目，想粒孫鍾意佢就麻煩唔好問佢讀書嘅嘢，問下佢鍾意玩乜同食乜好過啦。
1個讚
我唔想我仔成日掛住打機，疫情關係已經成日電子奶嘴
無既
呢d係代溝
教下呀仔點樣同老人家相處，講d老人家鐘意聽既野，
小朋友都應該學不同社交技巧，出黎社會撞少d板。
1個讚
board game有益身心，可以訓練好多野
我都有教下佢，始終社交禮儀都好重要，對住唔鍾意嘅人都要有禮貌…
咁咪由得個仔唔鍾意嫲嫲囉，你99自尋煩惱
我諗我99未必玩broad game…留返俾我同我仔玩下都可以。