嚟緊5+1，如何逐一擊破家人呢啲理論？
1.成日話英國多確診危險到死，啲細路返學又唔戴口罩，一街啲鬼佬都唔戴口罩，惹埋曬一陣病埋就麻煩，去嚟做乜鬼吖。
2.跟住又話去做二等公民俾鬼佬歧視。
3.再講就話英國佬呃你班人去洗錢交稅，邊有咁著數就咁俾你過去吖。
4.再再講就話，都唔知幾多移民頂唔順回流返嚟，辭份工過到去冇嘢做返返嚟又要搵工，攞嚟煩。
5.點樣都係留喺香港好，去到人地地方咩都唔識，有咩好？
6.歐洲又打仗又盛，咁危險都唔知有咩好去。
7.都好多人有BNO都唔過去，就係驚咗英國佬，以前香港英國管果時邊有好似宜家咁好，係好嘅話啲人一早走曬啦，宜家好多都寧願揀大灣區發展都唔會走。
8.喺香港買嘢食嘢都方便，去到英國邊有得咁吖，鬱下就要坐車去，洗費咪多囉。
9.去到做得啲咩？人地英國佬好多失業，去同人地搶飯碗，人地都唔會理你啲香港人啦，邊有咁易有嘢做吖。
10.過到去返嚟香港又要隔離成10幾日又盛，有咩好，梗係等正常返先再算啦，留喺香港點都安全過離鄉別井去人地地方啦
呢到都有啦
移得民就要有放低香港嗰套嘅準備，雖然我知道好多人走咗仲比較緊香港同新地方。
問得呢十條問題，大家價值觀都幾明顯唔同，
仲有咩好講？唔通有信心講得服佢咩？
尤其第2條，難道佢覺得留喺香港唔係2等公民無俾中國、港共歧視咩？
你同佢講割韮菜都唔會明你噏乜。
同意，每個人覺得重要嘅事都唔同，從來都係為自己做決定、過自己想過嘅生活就好
首先，佢唔會覺得自己係韭菜
又或者覺得 “都冇得揀，做生不給做熟”
都唔啱channel，彩佢有味
講之嘛，大灣區人工同香港差一節，點解係香港人有so先
同意，問得呢D 既其實價值觀根本都唔同，你點駁、點解釋都係冇用，所以只有係你用行動親身證明俾佢地睇你所選擇既係無錯。如果佢地見到你喺外國都生活得快樂寫意，佢地就再無聲出。
真心個個人感覺唔一樣
夏蟲不能語冰
最緊要自己計好盤數
唔好FF 好似香港咁樓下有7仔
生活有其他林嬸嘢要習慣
睇返自己走嘅大方向係要乜囉
最多人問：過到嗰邊做乜
都唔明核心問題，冇得溝通
就算你去到英國，生活有多好，有圖有真相，佢哋都會話你報喜不報憂！結論係人生是自己的，為自己而活，不要為別人口中的意見和批評而活，毋需解釋咁多，自己心安，enjoy就好。
做乜係指返工定乜？
咁響香港又做乜？
問其實我會反問返佢，你響香港又做咗乜？
生活響邊，點都有起有伏架啦
就當我地去到，貪屋大，買餸平就算
佢地成日執著要做藍領工
香港人嘅地位就係執著於返乜工，有幾多錢
其實生活到咪得囉，果面揾min wages 應該生活得比香港揾 min wages 好好多
跟手比人工，比稅收
