港新冠肺炎疫情嚴峻，多個隔離營亦陸續啟用，惟其設施卻屢屢遭患者詬病過於簡陋。讀者鄭先生亦向東網求助指，昨日(9日)被安排入住位於新田的隔離營後，發現一間房內竟放置了一張雙層床及2張單人床，而且未有提供床單及枕頭套，房間亦不能上鎖。他批評設施十分簡陋，亦欠缺私隱，更擔心如稍後再有其他患者同住一房，會提高傳播風險。
原本家住順天邨的鄭先生指昨日收到確診知後，未幾便被當局安排入住位於新田的隔離營。他形容房間設施乏善可陳，只有一部冷氣，4張床及4個不能上鎖的細櫃，插座則為內地使用款式，故需要使用轉插器方可使用電器。由於房間並無獨立廁所及浴室，他需要外出使用公用廁所。不過，他指由於房屋及細櫃均不能上鎖，故每次外出時，需要帶上所有私人物品，過程十分不便，不明白為何政府不能向入住人士提供門鎖及櫃鎖。
他形容，入住首晚難以入住，指摘局方未有安排床單及枕頭套，只能直接躺於床褥上，他又擔心離開後，有其他患者再入住，會衍生衞生問題，「即係我訓完其他人又直接訓上去」。他表示，現時房內雖只有自己一名住客，但擔心稍後再有其他患者同住一房，會提高傳播風險。
source: on.cc
好似監獄？！
到時要自己諗辦法帶個行李喼銷住
真係痴線
咁既垃圾地方仲迫人住
上下格床, 痴線
病緊要爬上爬落，會唔會跌死
咪係囉, 無事入去, 跌死出來.
繼青衣之後，佢繼續保持唔啱香港用既「兩制」囉，佢哋呢「兩制」唔係香港用開嗰「兩制」喎
住Youth hostel都可以自己當個鎖去鎖locker吖 
其實我唔明d廁所咁少洗手盆, 好似一個廁所得1個或2個洗手盆, 定另外有地方洗野, 唔預人洗瞼刷牙
隔咩離營，根本係集中營
如果拒絕入去會點？
Nancy: 而家去staycation咩，乜嘢都投訴，唔係中央你連貨櫃都冇得瞓
仲會話私家醫院都冇私家廁所
到佢入去住就拆天啦
成個感覺係當市民係畜牲，有病嘅捉去另一個欄隔離，自生自滅。
依家一日幾萬單，好彩嘅可能仲可以家居隔離，遲啲 drop 返一日幾十單，咁中招肯定要入去玩幾日。
仲有一個 risk, 有幾個營好近大陸，如果深圳都爆，可能要同大陸人開心 share 一間房。
所以呢，我上星期中咗，跟住兩個仔中，我反而鬆咗口氣 …
中咗又好返有 anti bodies, 可以有半年抵抗力，不過可以再中，陽咗一樣要入去。
我都想盡快中 真心的
我都慶幸全家中哂好返
，對患病只要平常心面對（家有老有少，幸沒長期病患、否則入左醫院都唔知返唔返到出嚟）
我都係 身邊D家人同事朋友都中曬
唯獨我一家無事 
