不停變種，所謂嘅抗體根本唔知有幾大作用。
所以，forget it，唔會諗自己有冇抗體，只有正常生活。
2個讚
中完如咁都再中都係整定，世紀疫症避得幾耐？及時行樂，為個感冒冇曬身心靈健康重慘
我咁起媽媽谷講一定俾人媽叉我
1個讚
其實有大把mama好似你咁，只係唔想道不同不相為謀嘅人鬧交～慳返啖氣，自己靜靜地贏咪好。
1個讚
媽媽谷又係個個神經質… 我自己就無入媽媽谷，但我有朋友好迷媽媽谷，成班阿媽全部都勁緊張… 搞到佢都癲埋一份成日形住個B會中招會腦炎…
1個讚
吓, 唔怕傳比人?? 
無錯只要唔嚴重就得, 好似香港咁成日催谷話打左針隨時日
打體會下降又要再打, 咁打完又係中, 如果打完唔中相信大家
都好願意打.
1個讚
返工時快測 negative, 但 symptoms 早幾日已出現。
室內環境，一日對住 8,9個鍾，冇可能唔傳染人。冇辦法。
每個人症狀唔同，如果冇乜事，其實都可照返工。否則成間公司個個輪住放，唔係幾掂
我初初都怕惹人，唔舒服會戴返個口罩，但佢地根本唔怕，亦覺得我冇需要帶口罩
1個讚
我又講下先,2個都無打針
大個個日頭好累，半夜好熱去到39度，訓醒已無事，精神，好嘈。
小個個燒2日，嘔2次，之後都係精神，好嘈。
佢地好得快過大人lor， 大人打晒2支
2個讚
,聽過好多康復得好快.快過大人.好返之後仲鬼咁精神.冇事發生一樣.不過有啲情況都嚴重.
我之前因為呢件事同老竇嘈,話我唔俾兩個仔打,佢而家應該冇嘢講
奶奶都叫過我同d細打.冇幾耐我就中咗,跟住大仔再到細仔,奶奶由我同大仔中果時勁擔心,係咁打電話嚟.點知之後到佢自己中.
之後到我細仔,奶奶都一直打嚟.最後到我老公中.奶奶已經冇咩打嚟關心佢自己個仔(我老公)
應該係佢自己中過都知道冇咩嘢 
3個讚
哈哈
我d長輩一講到幫細路打針我就話好忙唔傾啦，跟住中完再update 返已中晒有抗體
，吹我地唔脹mode
3個讚
都幾密喎, 抗體維持咁短時間
總覺得柒婆係想係下台前做返d豐功偉績，努力谷針清零，臨死前自己又讚自己一番
我同老公都好想中中中
可惜咁耐都無中
1個讚
係睇你身處咩環境，如果係 indoor 同好多中咗嘅人一齊，肯定好快再中。
等於傷風冒感
分享下
自己先發病，我已打兩針，講得出既病徵全齊，病前兩日做核酸都係-ve, 驗到似有還無bb做核酸都係-ve, 到真係快測驗到+ve, 已經好左大半，剩返火燒喉嚨同咳，但第7日預備返工，再核酸先初步陽性，好funny架，咁咪抖多幾日，到家下仲有咳。
我仔，無打針，同日驗到有弱紅線，燒左兩日，頭一日超精神唔肯訓，第二日謝哂皮，訓，第三日發燒但繼續上堂（佢要求），幾日喉嚨痛失左聲，兩聲咳，五日到變返馬騮。
我老公，打一針，因為長期病患者黎，最遲發病，但燒得最耐，喉嚨痛，咳，但越嚟越倦，去睇確診者門診，含氧低，即刻送去急症等左11個鐘，結論肺炎，住左7日院，好返，無事。
知道中招後嗰下，極開心，因為知道可以無敵一陣，自由一段段時間，又唔使打第三針。
確實普通人，中左係無乜野，老人家同長期病患係會大獲d, 都係睇本身體質。我老公話住屯院嗰兩日，眼見走左6個，我地已經係三月中咁上下，可預測到二月嗰時既不幸情況。天氣太凍，加埋人禍。
其實醫護真係好好，只係真係唔夠人，做唔切，自己坐急症坐咁多個鐘乜都見哂，好多白車到都搓住入去。同姑娘傾計佢地係羨慕我中左，無敵唔怕留咁耐醫院，亦聽到護士講好想中，中極都唔中。門診姑娘都話call唔到白車，都係揾抗疫的士送院。
我自己信中左係有抗體，同打抗體落去兩回事，因為每年打流感針都有機會估錯嗰年隻菌係乜，何況呢隻武肺。
2個讚
我諗大家要明白一點,如果中咗身體會有抗體,然後打疫苗又會產生更多抗體
但喺呢個情況下,有機會出現抗體太多而身體無法適應嘅狀況
呢個亦都係點解醫生會建議中完最少90日後先好打疫苗嘅原因
大家可以自己google一下免疫風暴嘅資料
免疫風暴cytokines storm
簡單來說，就是人體的免疫系統出現「防禦過當」的行為。 免疫系統反應過度，導致身體的B細胞分泌過量的抗體，引發[ 發炎反應 ]，讓微血管擴張、血管通透性增加，大量的血液滲透到組織中，產生腫脹、發紅、發熱、刺痛、發癢，甚至可能引發過敏性休克，嚴重的話，患者在幾小時內，就會因此而喪命。
3個讚
應該係中咩病毒都會有抗體, 只係可以keep到幾耐…
唔知有冇醫護人員喺度？本人同家人舊年已打兩針，二月中確診，但當時只係自己驗同在家quarantine . 政府嘅系統只可報二月廿六日後。依家政府要人五月卅一前打齊三針，我哋想睇吓用驗新冠病毒抗體方式，證明我哋曾經染過。唔知邊度有可靠化驗所可以做，同埋邊種先得？