好疑惑⋯
有人話中左Omicorn 都唔會有抗體，所以中完可以再中
但又有人話中左就會有抗體，所以可以唔使打針⋯
請問有人可以指點下嗎？ 
有幾個月免疫期
4個讚
好似感冒咁好返會有抗體一排
3個讚
唔覺，大把人中完又中
1個讚
有抗體係指短時期內唔好打疫苗。
而真係病毒 因為每人病毒鍊都唔同，所以中完可以再中。
就好似感冒咁，呢個星期感冒好番，但被另一個患感冒既人傳染。
2個讚
因為有抗體，所以打黎都無用？
咁如果懷孕中媽媽中左，係咪會有抗體比到bb呢？
有幾個誤會，澄清一下：
中咗會有抗體。
打咗針會有抗體。
隨著時間過去，抗體會減少，但又唔會無曬。
有抗體可以再中，不過機率低啲，重病率低啲。
因應病毒/針唔同，抗體會有若干程度分別。
你第二次遇到個病毒，和第一次越相近，抗體越有效。
醫學上，中咗有抗體都可以打針，唔會有事。不過政策上唔俾咁快打姐。我自己中咗30日後就再打針。
政策上點解唔俾？政府無講。我猜喺唔想浪費枝針，又或者怕你未好返就去打針傳染人。
中咗再打針，喺有更好保護嘅。因為針和病毒俾你嘅抗體，唔喺100%一樣。又，抗體越多越好。舉例，中咗病毒後，你得到抗體ABC，打針就俾咗抗體BCD你。咁中咗又打針，就有抗體ABCD, 防到多啲病毒。
不過已經中咗，已經有若干保護，咁唔打針，留返資源俾其他更緊急嘅人都好。
18個讚
如果中左既人有抗體，萬一身邊有人病毒高傳染到，中過既人有抗體就應該無事，但病毒係咪仲可以透過中過既人而傳播其未中過既人呢？
我想知中第二或第三次，病情會比一次輕定重
我同身邊嘅朋友同事都覺得第二次辛苦過第一次
唔一定，視乎兩種病毒有幾似，亦視乎當事人體質。
但同一個人，有抗體好過無抗體。「好過」代表病情會輕啲。
但留意，有抗體嘅人中咗，病情唔一定輕過無抗體嘅人，因為仲要視乎體質，病毒量，和病毒種。
唔肯定。有幾個因素要考慮。
- 時間過咗幾耐，抗體剩多少
- 兩次病毒量差多少
- 兩次中招時病人體質差幾遠
- 兩次中嘅病毒種有幾似
- 第二次中嘅病毒種，是否勁過第一次嗰次
我假設，兩次病毒種類和份量完全一樣，病人體質完全一樣。咁唯一嘅分別，就喺身體或多或少多咗抗體，咁病情就會輕咗。
如果第三次就更加複雜。理論上儲咗兩次病毒，如果頭兩次病毒好唔同，咁你就儲咗兩款抗體，第三次大機會好過咗。不過太多假設，一般都唔會中曬
6個讚
所以我實際上會做嘅，就喺打疫苗儲抗體，然後做運動強身健體。
如果唔想打疫苗，就趁自己心情和身體比較好，街外面個病毒變種毒性比較弱嘅時候，行多啲街中咗佢。中咗後，等身體康復返，身體和心情夠好，就keep著行街，儲多幾款抗體。
我就帶著兩個無打針嘅小朋友，喺英國疫情最盛時去倫敦市中心，班入面有疫情照返學。不過都試咗幾次先中到。
屋企有老人家唔好試
6個讚
我老公就半年前中delta，佢果時已經打咗2咗針，除咗冇味覺，其實冇任何病徵。
我、大女果時未打針、細仔當時得3m ，touchwood 我哋3 個全部人都negative 。
我哋果時10 日做咗1 次rapid test、2 次PCR + 病毒分析，老公毒量好低。
So far 我哋仲「保持負面」
同阿仔一樣正常出街、個個月去醫院、佢冇口罩面罩，只會勤少少抹手。
我住嘅城市都高危，不過人就比較自律，所以有時中真係冇源頭。
你哋解封後有冇升返？
我哋數字有升返，但重症、死亡就不停下降。
我從來都無理過個疫情數字
政府話有升，但而家已經唔需要大家上報，數字都唔準啦。反正都97%人有抗體了，數字升跌都唔關我事，是旦啦。
3個讚
抗體係有限期，但係中過一次之後，身體免疫系統有記憶，以後對同樣嘅病毒會快啲出抗體，減低重症機會，原理跟感冒差唔多。
但人去到年老體弱，本身抵抗力差，風險一樣都大。
3個讚
我朋友都中完又中喎、不過都係感冒咁！
2個讚
無論是感染後或接種疫苗後產生的抗體，
也有專屬性，未必對所有變種有效；
也有時間性，會隨時間而減少。
所以中完又中，可能是隔左段長時間，或中了另一變種的病毒。
如一個人免疫系統正常。
暫時，香港只流行一個品種的病毒，所以短時間內未必會出現同一個人中完又中的情況。
3個讚
你想知有無抗體，咪去做幾百蚊抗體血清測試，我都唔明點解無咩人講有呢樣嘢。
最近中咗抗體應該有效過打針，打針嗰隻已經唔係最update。
4個讚
係呀，驗血就知