家人A今日入院 聽日會做做手術
入院時有做核酸檢測（結果為陰性）
夜晚得知家人B確診
而家糾結緊洗唔洗通知返醫院
主要都係怕會唔會影響手術風險
家人C話怕通知左病房，會叫返家人A出院
到時會大家住埋同一間屋家人A就有機會感染肺炎
所以唔會通知醫院
同醫院講，醫護都係人都有家人，將心比心啦。如果真係要出院都冇辦法，等身體好番之後再做手術好過。
我覺得要，
1）唔好傳染醫護，宜家每個人手都咁重要
2）會俾全香港人鬧自私
4個讚
手術唔係急就番去先啦，醫護已經夠辛苦，一個唔該其他同房病人被染就慘。
講衰啲，如果真係中，都係圍內自己屋企人。
同住一間屋，感染機會其實好高。
潛服期到發病期間，檢測可呈陰性而又具傳染性。
1，一般開刀手術，會有一定風險。
如加上肺炎就令風險指數上升。
所以不排除肺炎風險，勉強做手術，對病人不利。
*除非個手術好危急，唔做即死。
2，如果做完手術後，發現病人確診，醫護和其他輔助手術的人員也要停工，接受醫學監察。先唔講傳染他人，這會直接影響輪候手術病人的時間。
利人利己，你懂的。
4個讚
算係急既手術
本身4月做，今日通知有快期
如果急手術 照講俾醫院知。
佢地會知點做同安排。
1個讚
解釋呢段嘢俾家人A聽， 從病人嘅福祉出發
請問如果係微創手術呢？係咪都應先排除肺炎風險？
確診者去隔離營先，避免傳染老人家。
做咩手術？最怕已經傳染了家人。
補充維他命C，增加低抗力先。
我會唔理家人c嘅反對同醫院講，等醫生決定，再唔係搵酒店俾家人a住一星期，暪住醫護真心做唔到。
咁A出院去你到住住先得唔得？
睇你屋企環境決定你同佢住或者你出去酒店幾日
但係醫護真係有權要知
1個讚
我覺得要講，醫院會有處理程序
可能聽日會叫家人A仲多次快測
至少你講咗，就算真係要做手術，班醫護至少有機會做好個人保護措施，
而且佢哋都要保障病房其他病人，如果唔係成個病房爆，到時真係醫療崩潰
1個讚
有開刀就有傷口
風險大小，最簡單可以由考慮傷口大小和位置開始
醫院24小時有人服務，現在可以打電話去病房。
我為有祝班醫護同之後病人好運。
我唔係驚醫護中左會病危，係驚佢哋中左要隔離，未來最少七日手術都要postpone,
如果真係被記者知左，你屋企一定被香港問候
2個讚
其實講一句可以換來多啲專業嘅建議，咁不如直接同醫生講。
老實，我覺得唔講好自私。
唔好嚇人啦
其實呢啲事日日發生緊
（不是鼓吹，而是乜嘢人都有）
只係我地應該鼓勵大家做對的事
個人的自私，自然會有其後果（手術風險增）
慘是慘在排佢後面的病人同醫護
衰啲講，他日自己療程受其他病人而取消也無得埋怨…
咁家人A應該已中 
所以你覺得冇問題?
我明人性係咁, 我亦唔係企道德高地, 但真係可以justified?
如果因為唔知而中招搞到手術postpone, 其實病人真係無得怨,
但明知中左而唔講, 而家公院仲做嘅手術基本上都係緊急先會做, 我係其他病人真係媽叉㗎wor
1個讚