大家好！似乎而家好多人已經中過，但仲有好多人擔心中～
新聞只會報幾多人死，唔講幾多人好返，點樣好返。只有負面消息，令大家心情都差。
不如中過嘅朋友們都試下分享下自己／家人／朋友康復經驗？心得？等未有經驗嘅人個心定d？
12個讚
我差唔多成公司中曬，全部自我隔離，必利理，最早返工嘅休左四日最遲都唔駛十日
6個讚
我家姐同姐夫，姑仔同佢老公都中過。
打左針，
都係發燒，喉嚨痛，發冷，流鼻水果啲。
自己買藥食，
無人買餸照出街買餸。
大概3-4日會好。
陽轉陰大概要10日。
4個讚
呢個post 開得好，最好可share 埋大人小朋友陽轉陰要幾耐
我做照顧者心好累，覺得中左仲著數，但又怕真係唔小心中埋更無力照顧
4個讚
小朋友16歲中之前一星期打咗bnt, 燒咗兩日，到第三日已經好返好多，到第六日快速陰性
1個讚
人人中左唔同反應，冇人知自己係咪嚴重。啲人夠話流鼻水普通感冒咁好快好返，但我屋企發高燒屙嘔都有，超過一個禮拜都未好返，全部都係成年人，所以都希望其他人健健康康唔好中。我病到完全自理唔到因為燒得太緊要太多日，想像唔到咁嘅情況去照顧任何人。
5個讚
我中咗，今日第14日，聽日就可以正式出關。
我冇打針，高燒左兩日，喉嚨就好似吞刀片咁痛左三日，依家仲有少少咳，同埋有少少痰好似咳唔到出嚟咁。頭嗰幾日主要都係食Panadol同埋幸福傷風素，之後第三四日就開始飲化痰素。夜晚咳得太犀利，喉嚨太痕，就會食龍角散。
我先生冇打針，微燒，喉嚨痛都係好似吞刀片咁，有鼻水，三四日後冇事。佢主要都係同我一樣，食咗兩日Panadol同埋幸福傷風素。
老爺奶奶唔係我哋感染，但係佢哋都中咗，佢哋兩個都打咗兩劑科興。
奶奶就淨係頭兩日流鼻水，其餘咩症狀都冇，四日後check，已經得返一條線。
老爺頭兩日微燒，喉嚨痛，四日後冇事，第六日先得返一條線。
仲有我另一個親戚， 15歲，打咗兩針科興，頭兩日少少咳，冇發燒，三日後冇事，得返一條線。主要食中藥調理。
聽咗好多唔同嘅人講，有打針嘅人喉嚨會冇咁痛，而且未必會發高燒。
如果想買一啲看門口藥，我建議係Panadol(止痛退熱)，止傷風咳藥，喉糖，咳藥水。當然真係好唔舒服，一定要睇醫生。
8個讚
我剛中，今日係發病徵的第3日，上年5月打咗兩針bnt ，喉嚨痛都好似刀片割，如果夠鐘無食退燒藥就會係38.5，有食㩒住燒就37.5，頭痛就仍有。好攰，又可能係食咗藥啦，我食咗收鼻水藥來止咳，因為之前重感冒都係咁做，對我係work ，咳少好多，亦都幫助咳到痰出來，不過收鼻水藥食咗好攰好攰，基本上呢兩日都係瞓瞓瞓。
不過好彩，好好胃口。
5個讚
唔一定，我無打針無喉嚨痛，我老豆無打針無高燒。
5個讚
呢個真，完全冇影響食慾
2個讚
大家頂住，屋企準備定藥，飲水飲水飲水
3個讚
x2！我無打針無喉嚨痛，無高燒 ，有咳，痰同鼻涕係清嘅，中醫話呢個係寒底症狀，利申我係孕婦，好得8899，老公有2針，成家好得最慢係佢，小朋友好得好快，藥都唔食。
畀多個參考資料，我地上年中過流感，可能因為咁今次好輕微。
2個讚
我仔女十幾歲大把同學中招，個個 IG post 自己上網煲劇打機食零食，根本唔似病，咁就大條道理唔使上 zoom ，笑緊啲膠官 on 9.
5個讚
我有個私下學校媽媽群組，
我係最先中，但我直到差不多好番先講佢地知，
個時個個都未中，我好似有啲似異類。
但無耐，突然有兩個媽媽小朋友都中咗，大家都覺得呢個病遲早都會中。
咁我中咗呢啲當然唔會太擔心，而仲未中有個媽媽講 話自己好似等判刑唔知幾時中，仲話想早啲中埋唔洗煩。
3個讚
呢樣真…
如果自己同小朋友中，應該會好辛苦
同住奶奶中,打左兩針伏必泰，只係咳和有黄痰，定時食膠囊，多飲水和食兩劑中藥（今日第一劑)；
自己和老公暫時無事，但佢要日日檢測，陰性先開工；
我跟公司指引,隔離第6,7日陰性先可返工，但都諗住日日檢測，始終今個月返新公司，無薪假，愈早發現愈好
2個讚
尤其老人家唔合作，除左訓覺 ，分分鐘要睇住，想瞓一陣唔敢恰著，
1個讚
我有咗bb, 依家38wk
今個星期頭已開始喉嚨痛咳，早兩日開始發燒，快測終於驗到陽性
本來都好灰
原本約咗既產檢冇得去
原本book曬私家醫院，依家都要預備定要去番公立醫院生b
但都同自己講，依家最緊要係放鬆心情，先養好身子，其他一切自有安排
Keep住食panadol同喉糖，食生果，飲水，用鹽水漱口
今日已經退燒，感覺到自己康復中 
希望阿b生性，等我好番曬先出黎 
10個讚
祝福你快D好返,呀B等媽媽好返先出黎~
3個讚
我d小朋友好細，我直頭寸步不離咁睇住，怕一唔留神就嘔到成身都係
戴住2個口罩係隔離訓，訓唔到，勁辛苦
2個讚